Эрзянь Мастор/2010/24/Инязоронть арсеманзо Од иенть марто
| ←Прявтлопа | Эрзянь Мастор, № 24 (344), 27 декабря 2010 edited by Нуянь Видяз, Кшуманцянь Пиргуж Инязоронть арсеманзо Од иенть марто by Кшуманцянь Пиргуж |
Од ие марто оят-ялгат! С новым годом!→ |
| Статья на сайте газеты: № 344, 27.12.2010, Инязоронть арсеманзо Од иенть марто |
| Инязоронть арсеманзо Од иенть марто |
Мельвановикс ды вечкевикс эрзят!
Од иень валдо чистэнть арсян тенк эрямс апак сэреде. Улезэ шумбра рунгосонк шумбра ойме. Ванстодо, кие кода машты ды свал эрзянь келенть, эрзянь койтнень! Путодо мель ловномс эрзякс, содамс минек историянть, кезэрень озномань ды лия койтнень, содамс эрзянь Ине ломантнень (национальной геройтнень) лемест, уцяскаст, тевест. Илинк стувто, эрзят, ялгаксчинк, лездадо вейкенк-вейкенк туртов, илинк ёмавто Эрзя раськень леменк, илядо тееве мордвакс. 2011 иенть мон, Инязорось, яволявтан Йовлань Олонь иекс. Сонензэ топодевельть 60 иеть. Те иестэнть карми ютавтовомо эрзянь кезэрень моронь 3-це фестивалесь «Дорамось терди». Ютавтови Мордовиянь Кочкуронь буень Вирь Тавла велесэ, этнокудосо.
Ютазь шканть апак сода а ули икелень шкась. Теде весе сёрмады «Эрзянь Мастор» газетась. Теинк сонзэ паро ялгакс, превень максыцякс, икелечинтень кинь невтицякс.
| Эрзянь Инязорось Кшуманцянь Пиргуж, Саран Ош, 2010 иень ацамковонь 24-це чись |
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |