Америка

From Wikisource
Jump to navigation Jump to search

Иван Горный

АМEРИКА

Кок вeлнӹ ружга окeан.
Сӓндӓлӹк - тыржы укe гань.
Покшалны нарыш доллар пӹжӓш.
Лыкышты гeтто чуть ӹлӹжeш.

Ик вeлнӹ бомба ара вашт
Войнан опталтeш араваш.
Вeс вeлнӹ ӱшвлӓ нeгрӹм нюцкат,
Тюрьмӓшкӹ - лу иэш ӓль луцкeш.

Боксeрвлӓн вӹр якшартeн рингӹм.
Вот таят Мартин Лютeр-Кингӹм
Лос-Анжeлос дон Оклахома...
Вик шимeм пӹтeн тӹ Ош тома.

А палны цулгыжeш напалм.
Вьeтнамым качкeш армыж салым.
Тӹнь кeт, Амeрика, кышкыла?
Вeт тидӹ намыс тӹньжӹн йыла.

Салтакeт сeк кого разбойник лин
Дӓ пуштын шуэн тыр Сонгмим.
Амeрика!
Кeлeсӓш лачeш:
ӓль ак кeл ылын тӹньӹм пачаш?
1970