! Qué bouneûr

From Wikisource
Jump to navigation Jump to search

Â ! Qué bouneûr

s.d.

P. Charlier, Fleurs dialectales (La Propriété Terrienne),
Rèlîs Namurwès, août 1974, Sofadi, Bruxelles



Â ! Qué bouneûr
Po nos deûs coeûrs
Trop bièsses dè ratinde,
Trop sâjes po dès mintes !…

Adon, t’as stî d’a më,
T’as sèré tès pogn së mès rins,
T’as grèté m’ pia së mès spales,
T’as promin.né tès dwègts dins mès tch’fias.
Adon, t’as stî d’a më !…
T’as braî èt dj’a tchanté,
Nos-avans rî è piède alin.ne.
T’as tchanté et dj’a braî
Nos-avans vëké à piède alin.ne.

Nos-avans rovî l’ timps,
Nos-avans rovî lès djins…


CC SomeRightsReserved.png
Cc-by white.svgCc-sa white.svg
This work is licensed under the Creative Commons Attribution-ShareAlike 3.0 Unported license.