'E scugnizze - Gente 'e malavita

From Wikisource
Jump to navigation Jump to search

[ 1 ]

FERDINANDO RUSSO


'E SCUGNIZZE

GENTE 'E MALA VITA

EDIZIONE DEFINITIVA





NAPOLI

LUIGI PIERRO, Libraio-Editore

PIAZZA DANTE 76

1920



[ 2 ]Page:'E scugnizze - Gente 'e malavita.djvu/2 [ 3 ]Page:'E scugnizze - Gente 'e malavita.djvu/3 [ 4 ]Page:'E scugnizze - Gente 'e malavita.djvu/4 [ 5 ]Page:'E scugnizze - Gente 'e malavita.djvu/5 [ 6 ]Page:'E scugnizze - Gente 'e malavita.djvu/6 [ 7 ]Page:'E scugnizze - Gente 'e malavita.djvu/7 [ 8 ]Page:'E scugnizze - Gente 'e malavita.djvu/8 [ 9 ]Page:'E scugnizze - Gente 'e malavita.djvu/9 [ 10 ]Page:'E scugnizze - Gente 'e malavita.djvu/10 [ 11 ]

Arravugliate, agliummerute, astrinte,
’e vvide durmi’ ’a notte a nu puntone.
Chiove ? E che fa ! Quanno nun stanno rintc
’a meglia casa è sott* a nu bancone.
Passa ’o signore, ’e cconta a diece, a vinte,
’e ccumpiatesce e Ile mena ’o mezzone.
Cierte, cu ’e bracce chiene ’e chiaje finte,
cercanno ’a carità fanno cuppone.
Cu ’e scorze ’e pane e ll’osse d’ ’a munnezza,
magnano nzieme ’e cane a buon cumpagne;
na streppa ’e nu fenucchio è n’ alterezza 1
Uno ’e miezo Palazzo, nu ziracchio,
p’ ave’ nu soldo, ne faceva lagne!!..
Nun 1’ aveva ? Allazzava nu pernacchio.



[ 12 ] [ 13 ]

li.
Attuomo ’o ffuoco, pe ttramente chiove,
cu ’e mmane stese e ’e ffacce appapagnate,
parlano ’a notte d’ ’e ccanzone nove,
d’ ’e guardie, d’ ’e cumpagne carcerate,
’e Schinizze ca tene ’e cape chiuove
e chi sa comme s’ avarrà abbuscate,
d’ ’a tratturia sott’ ’o Castiello ’e ll’Uove


e de mo che s’ aràpono ’e triate.
Arriva uno currenno alleramente,
sguazzarianno dint’ all* acqua nera;
se mposta nnanza ’o ffuoco e tene mente.
Po* strilla : — Santanotte a sti scognizze !
E mena nterra, vicino ’a vrasera,
nu cartucciello ’e cumiciune ’e pizze.



[ 14 ] [ 15 ]

Vanno a stènnere ’a mana, e ’o capo ’e ll’ uorte
pe cumpetenzia ha da fa’ isso ’a parte!
Primma te nfila na carretta ’e muorte,
po’ caccia ’a dint’ ’a sacca o’ mazzo ’e carte.
—n L’asso nun magna! n E chi fa l’uocchie stuorte,
perde ’o deritto suio quanno se sparte !
Mmesca, taglia e dispenza. ’O vuo’ da’ tuorte ?
Chillo è cchiù gruosso ’e lloro, e sape l’arte.
’A parte ’e ll’ asso, chella Uà le spetta,
e so’ ddoi parte; e po’ da chella ’e ll’ ate,
na retagliella pure ’a pò luva’ !
Doppo, se magna. E l’asso guarda e aspetta;
fa sputazzelle cu ll’ uocchie nturzate,
e tene na speranza ’e nu chi sa...



[ 16 ] [ 17 ]

IV.
Chella e camorra, e s’ hann’ ’a sta cuiete
pecche se sape ’0 fatto comme va...
Ma quann* è pe dispietto, fanno a pprete,
e chi è sciaccato se fa mmedeca’ 1
’A fora ’e chesto, ’o core mpont’ ’e ddete,
ca mmiez’ a lloro chesto ccà nce sta !
Tu vai p’ ’a famma, chillo va p’ ’a sete,
chi è primmo veve, magna e fa magna’.
È na scuglietta ’e palatine ’e Frangia
fatte pe s’aiuta’ ll’uno cu ll’ato...
’A jumata nun vene ? Embè, s’arrangia !
’A squatra ’e notte fa na spezzione ?
Nu scugnizzo va r/n/e, carcerato ?...
Nun parla, pe lliguardo d’ ’o bcttone.



[ 18 ] [ 19 ]

Lesto ’e mana, capace, traseticcio,
busciardo, mpustatore e curaggiuso,
riale e nzisto comm’ ’o cane riccio,
cammurrestiello ’e nasceta, acciaccuso,
quanno se trova mmiez’ a nu pasticcio
sape fila’ deritto comm’ ’o (uso;
si ’o vuo’ pruva’, miettelo int’ a nu mpiccio,
e a dùrice anne è ’o primmo mafiuso.
È geniale, è guappo, è mariuolo;
te leva ’a dint* ’a sacca ’o falzuletto,
ca si sultanto ’o vide... è nu cunzuolo !
Si fa ’o pezzente, ’o sape fa’ a duvere :
s’arrogna, tremma, chiagne... ’O zecchinetto
t’ ’o joca comm’ ’o primmo cavaliere.



[ 20 ] [ 21 ]

A nnammurata è sempe cerinara.
Sfacciatella a diece anne, ’e ccose ’e Dio
’e ssape tuttuquante ! È corta e amara.
A isso ’o chiamma ’o nnammurato mio.
P’ isso cu ’e ccumpagnelle s’ ’a richiara,
ll’anduvina int’ all’ uocchie ogne vulìo,
Ile porta ’e solde, e sùbbeto se mpara
chello ca nun sapimmo vuie e io.
i
Isso ’a vatte. E si vede ca ’e signure,
doppo ca l’hanno puoste ’e solde mmane
ll‘accarezzano... embè, Ile sape a dure !
’A guarda storta e nun ’a lassa ’e pere;
po’ ll’ ave a taglio, e a botte ’e mulignane
Ile fa chelli braccelle nere nere...



[ 22 ] [ 23 ]

’E scugnizze d’ ’o Sciare e d’ ’e Bbalanze
quanno vonno passa’ meza jumata,
se strègneno ’a currèa pe tuorno e ppanze
e, cu na cantatella e na siscata,
pigliano ’a via, cu ’e cchiù guagliune nnanze,
e s’avviano adderitto ’a stessa strata :
fora ’o Ponte se spartono a paranze,
e te fanno ’a pazzia d’ ’a pretiata.
Ciento, duiciento, treciento guagliune,
spartute ’e faccia a fronte, una filerà,
e ognuno ’e lloro càrreco ’e vricciune,
appena arriva ’o fisco d’ ’o signale
lànzano ’a preta ’e na tala manera
ca quann’ è doppo e astritto nu spitale.



[ 24 ] [ 25 ]

Vili.
’O petriazzante buono, e chillo ’o ssape 1
Te mena ’a vreccia, e s’ ’a sape scanza’ 1
L’abbasta sulo ca nun l ave ’ncape I
S’ ha da sta attiento ’e nun se fa sciacca’.
n Quann’ ’o mellone è russo e tu 1’ arape,
se vede ’o rrusso.... e tanno, che vuo’ fa’ ?
Perciò, guagliu’, stateve attiente ’e ccape !
Scanzàteve cu ’a meglia abbelità 1 "
E chi sente ’o cunziglio e guarda ’nciele
pe vede’ ’a preta addò le po’ cade’,
a chillo ’a preta nun ’o fa michele !
E pe ttramente sèquita ’o scherzetto,
’a folla, eh’ è curruta pe vede’,
Ile sbatte ’e mmane ’a copp’ ’o parapetto.



[ 26 ] [ 27 ]

Quann’ a jurnata è moscia, ’n cumpagma,
pe s e spassa’, disegnano ’e guarriere.
Se mettono accuvate rnmiezo ’a via
e (anno ’a folla, e songo artiste overe.
Uno fa nu Gran Turco d’ a f urchia
luongo pe quant* è luongo ’o marciappiere;
n’ ato fa ’o scuto e ’a langia ’e ll’Argalìa,
n’ato fa Buovo, e n’ ato fa Rizziere.
Po’ si pe ccaso sentono l’addore
de nu sconcecajuoco ’e pulezzia,
che vuo’ acchiappa’ ! Scappano sempe llore !
Quacche vvota nu turzo, ’a copp’ ’a mana,
arriva a ’o guardio e ’o tene cumpagnia...
ma ’a rocchia d’ ’e scugnizze è già luntana.



[ 28 ] [ 29 ]

Hanno mai canusciuto ’e mmamme Uore ?
Hanno chiammato mai pate a nisciune ?
Chi nce 1’ ha ribbazzate, dint’ o core,
da che so’ nate, ’e vizzie, a une a une ?
Tèneno frate, zie ? Tèneno sore ?
Ne sanno niente, ’e poveri guagliune ?
Sguìgliano comm’ ’e funge, a ciente ll’ore...
Cercano pane, e trovano mezzune.
Ch’ hann’ ’a sape’ ! Sultante, jenno ’a scola
d’ ’e cchiù gruosse c’arrobbano, Ile pare
ca songo nate pe sta cosa sola,
e s ’a mparano bona. E vanno nnanza,
primma munezzarielle e muzzunare,
po* mariuncielle, e servono ’a paranza.



[ 30 ] [ 31 ]

A quinnice anne ’e cchiù scieme so’ nziste,
già pittate p’ arruobbe e ferimente;
’e ccancelle ’a “ Cuncordia ” 1’ hanno viste,
e già parlano ’a lengua malamente.
Già penzano ’e cacciarse cammurriste,
e fanno a chi fa meglio ’o spirimente :
e ll* Umirta già sanno ca cunziste
a chi è cchiìi lieggio ’e mane e preputente.
’O riesto ’o ffanno dint’ ’e ccammarate
d’ ’o “ Carmene ” addò trovano ’e cumpagne
ca primm’ ’e llore stanno carcerate,
e quann’ èsceno a luce ’e libbertà
sanno qua’ pane è chello ca se magne
a nomme ’e ll’ Annurata Sodata.



[ 32 ] [ 33 ]

Scialonc, senza pate e senza mamma,
fa pranzo e cena cu nu casatiello.
Sta tutt’ allero e zompa a una gamma
quanno ha abbuscato quacche surdacchiello.
Ha fatto ’o patto cu nu cufaniello :
nce dorme ’a dinto, e nun se more ’e famma,
pecche ’o juomo va a fa’ ’o munezzariello,
e ’a notte ’a passa nzieme ’a picciuttamma.
Comm’ ’a maruzza trase dint’ ’a scorza,
isso trase int’ ’o cuofano e s’addorme.
Nun tene suonno ? Attuomo fa na corza...
Runzèa pe nnanz’ ’e llastre d’ ’e cafè,
e quanno pò aruna* mezzune a chiorme,
tanno se sonna eh’ e nu figlio ’e rre !



[ 34 ] [ 35 ]

Zuppinclla è n’ “ alice ’e matenata ”,
dorme a spichetto ncopp’ ’e ssaittère.
Va vennenno cerine int’ ’a jurnata
ma a fatica nisciuno ’a tene pere.
Quann’ è 1’ arrivo ’e quacche curazzata
e scènneno ’e pachiochie int’ ’o Peliere,
lassa ’e cerine e corre p’ ’a campata,
e mena ’o rangio ca va bella overe !
’A notte ’a vide carrecata ’e mbroglie
tutte arunate int’ ’o mantesenielle...
Catenelle spezzate e portafoglie.
Va add’ ’o capo-paranza, aposa e zitto.
Po’ quann’ ha avuto ’o ssuio, centesemielle,
s’ ’e spenne int’ ’o Pennino a pesce fritto.



[ 36 ] [ 37 ]

A Peppeniello ’o figlio cT ’a Matassa
va trova pecche ’o chiammano ’o Pichillo I
È nu fruvolo pazzo, è nu muscillo;

  • o sanno tuttuquante ’a Porta ’e Massa.

Bellillo, piccerillo piccerillo,
cu na faccetta appesa t’ arrepassa.
%
E ghiusto miezo parmo, ma tantillo;
e pe giacchetta porta meza sciassa.
D’ ’e ddoi code n’ ha fatto nu cazone,
e accussì cumbinato, a primma sera,
se va a mena’ sott’ a nu lampione.
E stenne ’a mana tanto naturale,
e chiagne buono ’e na tala manera,
eh’ a mezanotte conta ’e solde a pale !



[ 38 ] [ 39 ]

Cchiù fàuzo de nu soldo papalino,
Cicerenicllo è nu malu cametta.
Vo’ fa ’o cammurrestiello, ’o malandrino,
e, comme fosse, è ’o capo d’ ’a scuglietta.
Cu chella bella faccia ’e San Giacchino
se piglia ’o mmeglio quanno nun le spetta;
po’, si s’ ha da mena’, se mena nchino,
e dice eh’ e baratto e nun aspetta.
Tene nu cane, e 1’ ha nzignato buone
a zumpa’ ncuollo a chi fa troppo ’o nzisto
o pure ’a parta nun ’a vo’ caccia’...
Fa nu fisco, e fa correre a Lione
c’ afferra ’e ggamme pure a Giesìi Cristo !
E tutt’ ’e ddui se fanno rispetta’ 1



[ 40 ] [ 41 ]

Carulinella venne li* ache ingl ese
e saglie e seenne a copp’ ’e trammuè.
Quann’ abbista ’o cafone d’ ’o pagghiese
tanto ’o mpapocchia e ’o stona comm’ a che,
ca chillo, eh’ è venuto pe fa’ spese,
se piglia ll’ ache e ’accummencia a vede’ :
— Na carta chiena ve dura nu mese,
essa Ile fa — pigliatevenne tre !...
Quann’ ’o cafone seenne ’a copp’ ’o tramme,
Carulinella ha fatto ciento miglia !
L’ ha da tene’ de fierro, chelli ggamme !
E chillo, int’ ’a lucanna, cu na pena,
sta già screvenno ’a lettera ’a famiglia
ca He manca ’o brillocco d’ ’a catena !



[ 42 ] [ 43 ]

XVil.
Mmiezo Palazzo, a ’e quatto e meza ’e notte
1* urdemo lampione s’ è stutato;
ll’ urdema carruzzella, a ossa rotte
se retira c’ ’o mantice aizato.
Passo, e tòzzo c’ ’o pede a nu fangotte...
M’acalo...guardo...nNeh guaglio’l Ch’è stato?"
Me stenne ’a mana, ’o tocco : chillo scotte.
Va trova ’a quanto tiempo n’ ha magnato !
Le do’ se’ solde. A stiento isso se sosa.
— E mo addò te ne vai ? Che vai facenno ?
Viene cu mmico, spiènnete quaccosa I
Isso risponne : — L’aggia purta’ a mamma...
Chella aspetta; signo’, comme m* ’e spenno ?...
’A puverella pure tene famma !



[ 44 ] [ 45 ]

GENTE ’E MALA VITA
(1897)



[ 46 ] [ 47 ]

PASCALE ’E BELLO
Ron Pascalino ’e Bello, ’o vrennaiuolo
è 1’ ommo ca cumanna ’a pezza sana.
Quann’ era nu scugnizzo ’e copp’ ’o Muoio
sceppava ’a jurnatella int’ ’a Rugana.
Po’, comme va ? Piglia e pigliai nu vuolo !
Luvaie da ’o peccato ’a Puzzulana,
’a Camorra ’o facette cuntaiuolo,
e mo è tutt’ isso, all’Aria Catalana.
Tene ’e cuppè r’ affitto, ’e vuzze a mare,
’e ccase ’a Torre, ’e vacche a Margellina,
otto o riece puteche ’e farenare...
E quanno ha da sagli’ nu riputato,
Pascale ’e Bello se sceta matina,
e va a fa ’e patte ncopp’ ’o Cumitato.



[ 48 ] [ 49 ]

COPPOLA ROSSA
Gennanno Sbisà, Coppola-Rossa,
nfaccia ’a zumpata nisciuno l’appassa !
Si tene ’e faccia pure ’a truppa a massa,
tira mana, e fa sempe ’a stessa mossa.
Te mena ’a curtellata a scassa-scassa,
sott’ ’o prummone, ca te vene ’a tossa;
te fa sputa’ nu poco ’e scumma rossa,
te vere care’ nterra e po’ te lassa.
Gennanno era giovane ’e chianchiere,
ma mo 1’ hanno cacciato cammurristo
pecche è suggetto ca po’ fa’ ’o mestiere.
È ’o w primmo taglio n ’e tutt’ ’e malandrine !
Pe nu crapiccio ca vo’ pare’ nzisto,
ncujeta pure a Cristo int’ ’e lupine !



[ 50 ] [ 51 ]

:
Se jenche ’e ssacche chiene ’e muccatore,
scioglie ’e nnòreche astrente e fa renare;
po* va ncopp’ ’o bigliardo a fa ’o signore.
Ma quann’ è ca se parla ’e se fa nnanza,
?
ca na femmena ’o chiamma a prutettore,
ricìmmela comm’ è, ca nun s’ ’a scanza 1


MICHELE ’O CALAVRESE
\
Annammecato cu tutt’ ’a Ruchesca,
Michele è 1’ ommo ca mo nce vo’ ’o fatte,
le si’ nemico ? E 1’ ’e fatto fa’ chiatte !
! Te veve int’ ’a nu surzo d* acqua fresca ! :
’E nnammurate ’o pavano; isso ’e vatte;
po* s* ’e pporta ’ncampagna e fa una mmesca!
’E vvire int’ ’e ccarrozze a quatte a quatte...
M’ ’e tratta a usa crape, e ’a sera ’e ssesca.



[ 52 ] [ 53 ]

’O STUORTO
Tene n’ abbelità p’ ’o frutto ’e scasse,
ca ’o chiammano “ ’o papà r’ ’e mmascature
T’ ’o vire renzia’ pe sott’ ’e mmure
guardanno a uocchio ’e puorco e jenno ’e passe.
Po’ se fremma... Fa nfenta c’ aspettasse
a quaccheruno... Guarda ’e ccriature...
Se stupetea si passano signure,
surveglia ’a strata, pe chi sa, sfullasse...
Quacche sera s’ attarda. Aspetta a ore :
e quann’ ’o palo 1’ ha fatto ’o signale,
scassa, trase, e se mette a ruvista’ !
Sbacanta a una a una ’e tteratore,
s’arronza ’abbrunzo ’a rint’ ’e vemecale,
po’ lassa ’a porta aperta e se ne va.



[ 54 ] [ 55 ]

’O CAVALIERE
lassai ’ntrezzetto a tutt’ ’a cumpagnia
e squagliai n’ ata vota. Appura appura,
è addeventato n’ ommo ’e qualità !
Comme se rice ? Era na bona pezza :
pigliava a uno e n’ apusava a n’ ato.
Primma faceva ’o guardio ’e sicurezza,
po’, chi sa comme fui, ne fui cacciato.
Po’ pe na truffa jette carcerato,
ma doppo accumparette na bellezza !
Cu ’anelle ’e dete, tutto ammantecato,
chillo teneva n’ anema ’e sciurdezza !
Abbascio ’e Mprese aprette n’ Aggenzia
e doppo, arrecuglienno ’accuppatura
d’ ’o mmeglio ca putette cchiù aruna’,



[ 56 ] [ 57 ]

O STURENTE
Sabbatiello o Sturente, int* ’a Renaccia
è tenuto pe ccama malamente !
Quanno se paria attuomo d’ o Sturente
se vede giallia’ cchiù de na (accia.
’O bbell’ è, c’oggirì prisentamente,
chi se (a ’o fatto suio, niente ne caccia.
S’ ha da zuca’ ’a camorra e l’ammenaccia,
t* ’o vire vattia’ pe n* ommo *e niente.
0
Quann* e ’a matina, int’ *o Mercato ’e frutte,
cu ’a cravascella mmano e a sicaretta,
sponta o Sturente e fa : — Bongiomo a tutte !
E stu bongiomo ccà te vene a di*
ca F ’e ’a mpusta’ na lira ogne carretta,
e meza lira ’a sporta, ’o llunnerì.



[ 58 ] [ 59 ]

SCIASC1LLO
’O cchiù cuieto. Riccio ’e capellera,
doie spalluzzelle secche e scuntraffatte,
nu mustacciello a pile ’e spiche. Nera
] a petena r’ ’a (accia e ll’ uocchie e gatte. :
»
Rorme ’a matina ma fatica ’a sera :
t’ ’o vire arriva* ’ncuolle a ll’ antrasatte.
T’ha da veni’ a truva’ } Vene e carrera 1
Te ra* na base, e songo affare (atte.
Nun parla, nun se ntrica, nun (a mosse;
te rice : — Jate Uà ! — Quann’ ha ritt’ isso,
’o butto è scicco, songo morza grosse.
Nun s’ appicceca mai, nun ammenaccia,
| ma quanno mena ’e mmane int* ’a n’aggrisso
tene ’o paccaro nzisto, a ntorzafaccia.



[ 60 ] [ 61 ]

" ’ONNA TERESINA "
Si parla, parla tutto affemmenato;
chiàmmalo bello, e chillo quase svene...
Porta ’o bracciale, tene ’o nnammurato...
È malatìa, che ssà, chella ca tene !
Dille c’addora ’e musco ’e ll’ ’e priato,
falle nu surdiglino, e chillo vene.
%
E cellecuso, e si sta risturbato,
sputa cu nu risgusto, comm’ ’e pprène.
’O ccert’ è ca se fraveca ’e russette,
se tegne ll’ uocchie cu na ggravunella,
tene ’a cammisa ’e seta cu ’e merlette.
Rire sempe, cu ’a gente mmiez’ ’a via,
e porta ’a carza rosa e ’a scarpinella
cu ’a nocca ncoppa e ’o tacco a fantasia.



[ 62 ] [ 63 ]

CARMENELLA
Chill’uocchie nire ’e Carmenella mia
te nchiuvàvano ’a gente a ciente passe !
E chella vocca ! Era na frenesia 1
C’addore e che sapore d’ananasse !
lo mo’ vulesse ca s’allicurdasse
quann’ ’a scuntraie arreto a Vecaria!
Vurrìa vede si se ne ridarrìa
comm’a tanno, e si ancora arrepassasse 1
E si tanno ’a sparaie ma n’ ’a cugliette,
e m’arrestàino mpont’ ’o vecariello
pe causa eh’ ero ancora nu guaglione,
mo’ pe sfregio, pe sfizzio e pe dispiette
m’ ’a guardasse cu ll’ uocchie a zennariello
e Ile facesse ll’atto c’ ’o bastone.



[ 64 ] [ 65 ]

’A ZEPPULAIOLA
Tant’anne fa, quann’era viva ’a nonna,
Cannetella era ancora ’a capa nenna !
Teneva na faccella tonna tonna,
era cchiù bella e leggia de na penna.
Pareva na rusella ncopp’ ’a na fronna,
cu nu cunfietto faceva marenna;
mo si ’a vedite, mannaggia ’a culonna !
pare ngrassata cu cucozza e vrenna.
Culctta ’a Chiatta m’ ’a mettite ’e parte :
Cannetella è tre vote a Sandunato !
Venne ’o baccalà fritto dint’ ’a carta.
Ha truvato a nu tale e s’ha spusato;
’a sera ’o vatte : fanno sempe un’arta!
Ma a tutt* ’e dduie ’e vvatte ’o nnammurato.



[ 66 ] [ 67 ]

• A MARCHESA ’
Quann ’a canuscev’ io, iNannina Schiano
jeva cu e scarpuncielle rutte ’o pere,
steva cu ’a suvarara int’ ’e Lanziere
e Ile putive da’ nu soldo mmano.
’O paté era nu malo crestiano,
faceva tutte ll’arte, c’ ’o penziere,
ma jeva bello sulo a fa ’o mestiere
d’arrubba’ ’a gente mmiezo San Gaitano.
Doppo tant’anne ca ’e pperdette ’e vista,
mo* aggio saputo eh’ isso sta ngalera;
essa tira carrozza e fa l’artista.
Parla scio-sciommo, dice eh’ è frangesa,
tene tre serviture e ’a cammarera,
addora ’e musco e ’a chiammano ’a Marchesa!..



[ 68 ] [ 69 ]

’A SCHIAVETTA
C ’o carotano russo int’ ’e capille,
è guappa e geniale ’a ggravunara;
t’appiccia dint* ’o core na carcara,
te n’arrobba suspire, a mille a mille 1
Tene nfronte na schiocca ’e ricciulille
ca me pareno ’e crocche d’ ’a vurpara,
e mpont’ ’o musso chilli duie pelille
vanno cinquanta pezze a centenara.
E pure chesta bella femmenona
ca putarrìa da’ sfizzio a tanto ’o chilo,
ha perza ’a pace soia pe na guagliona.
S ha tene rint’ ’a casa ribbazzata
e se ne sta scennenno mpilo mpilo...
Va trova c’hann’ ’a fa, ll una cu ll ata !



[ 70 ] [ 71 ]

’A MPIGNATORA
Quann’ ’o sabbato ’o juorno ’onna Carmela
va attuomo arrecuglienno, uh mamma mia 1
’A gente se giallèa comm’ ’a cannela !
Chella ve (a veni’ na malatia!
’A Rossa ha da scunta’ na pezza ’e tela
e pava ’o sango suio; ronna Lucia
ha da scunta’ na vesta; a siè-Michela
l’ha da ra’ tanto e tanto ’e sanzarìa...
’A mpignatora, tutta ncannaccata,
vicino ’e qquatte a vide già spunta’
cu o cane ’e presa e Yommol E fa ’a cuntata.
Arrecoglie e s’ ’o ssegna int* ’a libbretta,
ma quanno vere eh* è mal aria e ba’
caccia ’a spatella a rint* a na cazetta...



[ 72 ] [ 73 ]

’O MPUOSTO
I.
— Signori belli... Santanotte attuomo !
— Salutammo, Pasca ! Nu rito ’e vino ?
— Avisseve veruto a Tore ’e Cuorno ?
— Mo è sciuto ! Ha ritto... jeva ccà vicino...
— ’O sto ghienno truvanno ’a miezoiuorno...
— E chillo ha da tuma’... Sta cu Peppino...
— Chi Peppino ? — Peppino ’e Zi-Taluorno,
’o caiunzaro, chillo r’ ’o Pennino...
— Si toma, me facite na finezza ?
Lle ricite accussì ca Pascalotte
tene ’a mmasciata ’e Nanninella Frezza...
Chillo capisce e ghiesce... E grazzie tante...
Signori miei!... Ve lasso ’a santa notte!...
— Fa malu riempo ! ricette ’o Sfraggiante.



[ 74 ] [ 75 ]

il.
Pascale ascette. Doppo quatte passe
se sentette nu fisco ’e canuscenza.
Nun rispunnette : se facette ’a rasse
ma senza niente perderse ’e prisenza.
Na voce Ile dicette c’aspettasse :
— Ron Pascali... nu poco e cumpiacenza...!
Po’ ’a rint’ ’o scuro, menanno ’o cumpasse,
spuntaie ’o Stuorto... Cammenava ’e renza.
Appriesso ’o Stuorto, n’ ati sse’ perzune
senza manco sciata’ se fanno sotto
cu ’e mmane rint’ ’e ssacche d’ ’e cazune.
— Scusate, giuvino’... na parulella !...
— Manco meza, pe cierti carugnune !...
Chi vo’ parla’, tirasse a livurdella !...



[ 76 ] [ 77 ]

E s’accustava. Ma na botta secca
se sentette p’ ’e vìcule sulagne;
po’ gente che scappava ’a parte ’a Zecca,
e dint’ ’o scuro accumminciai nu lagne.
n Aiuto !... So’ Pascale ’a Pignasccca...
Songo stato... sparato d’ ’e cumpagne... u
’Ntanto n’ommo arrivava int’ ’a Giurecca
e sbatteva ’a purtella appriesso ’e Bagne.
— Nanni, Nanni ! — Chi è ? Stammo rurmenno !
— Nanni !...— Echi site ?...Ma ricite o nomme...
— Rapre, ca Pascalotte... sta murenno !...
Se sentette nu strillo risperato,
e pe mmiezo ’a Giurecca ’e passe ’e st’omme
ca s’ ’a sfelava comm’ a nu dannato l



[ 78 ] [ 79 ]

" ’O BELLO GUAGLIONE "
— Mo’ vene Pasca !... Limungella fresca !
Aggio penzato ca vogl’ i’ a fa’ Pasca
a ddu Catarenella int’ ’a Ruchesca!
Tras’ int’ ’o palazziello e faccio ’o fìsco.
’A ronna ca nun pava, io n’ ’a capisco !
L’ ommo fiura e ’a nnammurata allasca !
Se sape ! Embè, cher’ e, mo vene Pasca,
e pozzo appiccia’ ’o ffuoco senza ll’ esca ?
Llà quacche cosa pure me 1’ abbusco :
na fumatella int’ ’a na pippa lasca,
’o casatiello, ’o miezo litro nfrisco,
na cinco-lira e... nu poco ’e ventresca !



[ 80 ] [ 81 ]

Catarenella, ’a n’ anno c’ ’a canosco,
sempe e quanto songh’ io, m’ aiza ’a frasca !
Embè, quanne so’ stato a San Francisco
n’ aggio sempre sparato ’o meglio masco ?
’O capo-guardiano ’on Peppe Fusco,
chillu bell’ ommo cu ttanto na mosca,
quanno passava, me faceva ’a rasca...
Quant’era scemo, e quant’ ’o cumpiatisco !



[ 82 ] [ 83 ]

INDICE
’E SCUGNIZZE (1897)........................P*«- 9
GENTE *E MALA VITA (1897)............• 45
Pascale *e bello.......... •• •• * ^
Coppola rotta.. «« «* .. .. • • •• ♦ ♦
Michele ’o calavrese.............• 51
’O stuorto., ...... .. •• •• •• •• * 53
’O cavaliere.............. •• 9 55
‘O sturenle........ ................» 57
Sciatcillo.......................* 59
« Onna Teretina » ........................» 61
Carmenella. «, ........................» 63
’A zeppulaiola..............................» 65

  • ’A marchesa »...... ...............* 67

’A Schiavetta...... ....................» 69
’A mpignatora..............................» 71
’O mpuosto ............................» 73

  • O bello guaglione * ....................» 79



[ 84 ] [ 85 ] [ 86 ]Page:'E scugnizze - Gente 'e malavita.djvu/86