Tradzeț calul...

From Wikisource
Jump to navigation Jump to search


Tradzeț calul...

Papahagi, Tache. Antologie Aromănească. Ed. Casa Şcoalelor, Bucureşti, 1922, p. 319


— „Tradzeţ calul cam’ agale,
Că mi-arupe dor şi jale",
Greaşte muma şi s'din'ică...
— „Hiĭlu-a n'eŭ, n'ic eşti nică !
Va-n'ĭ ti duţĭ tu xinătate,
Nu-aĭ aclo tată, ni frate !
Ma ţe s’fac şi eŭ mărată ?
La Armîn'ĭ aşi-ĭ scriată :
Di tu soarte pîn' tu moarte
Fug prit xeane mult diparte !
Du-n'ĭ-te, hil'ĭŭ, cu Dumnidzăŭ,
Năs s'te-ascapă di arăŭ,
S'te-afirească di duşman,
Ş să-n'ĭ te-aducă dup' un an”.