Sounet ("Hiér, tant que le Caüs...")

From Wikisource
Jump to navigation Jump to search
please do not remove empty parameters (see the template documentation).
Sounet ("Hiér, tant que le Caüs...")
by Pèire Godolin


Sounet

      
Hiér, tant que le Caüs, le Chot é la Cabéco
Trataon à l'escur de lours menuts afas,
É que la tristo Néyt, per moustra sous Lugras,
Del gran Calel del Cél amagabo la Méco,

Un Pastourél disio: B'é fayt uno grand péco
De douna moun amour à qui nou la bol pas,
A la bélo Liris, de qui l'Armo de glas
Bol réndre pauromen ma persuto buféco.

Mentre que soun Troupél rodo le Coumunal,
Yeu soun anat cent cops parla-li de moun mal;
Més la cruélo cour à las autros Pastouros.

Ah ! Soulel de mous éls, se jamay sur tout se
Yeu podi fourrupa dous poutets à plaze,
Yeu fare ta gintet que duraran tres houros.