Secondo Dialogo/Scena decima
From Wikisource
| ←SCENA NONA | Dialogo secondo [Bilora] SCENA DECIMA de Angelo Beolco dito el Ruzante |
SCENA UNDICESIMA→ |
| Informassion su la proveniensa del testo |
- SCENA DECIMA
- BILORA e PITARO
BILORA Mo al sangue de Domenesteche! a saí ben dire. A no gh'haí criò, dito che a supia sbandizò, e sí n' haí biastemò, nè niente, vu! Miedio, sangue del mal dela lova, da che càncaro sívu? S'haessè biastemò, e se haessè dito ch'a giera sbandizò, a tegno fremamén che 'l me l'harae dò, perchè con a ghe disissi che giera un mal omo e che haea puoco desierio de far ben, el ghe scomenzè a tremolare el sbarbuzale, che 'l no veea l'ora de ficarse in cà.
PITARO Mo te ghe divi vegnire un può ti, perchè te sbravi! Te me n'incaghi ancora. N'è vero?
BILORA Mo a no ve n'incago miga, mo a ve n'he sí puoco gra, che l'è ben puoco.
PITARO Mo a dighe ben. Moa, moa, vuòtu vegnire?
BILORA No mi. Andè pure, ch'a ve sé dire ch'a m'haí servío.
