Rig Veda, Book 1 (ASCII)

From Wikisource
Jump to: navigation, search

Book 1[edit]

1.1.1a agni/m iiLe puro/hitaM yaj~na/sya deva/m Rtvi/jam
1.1.1c ho/taaraM ratnadhaa/tamam
1.1.2a agni/H puu/rvebhir R/Sibhir ii/Dyo nuu/tanair uta/
1.1.2c sa/ devaa/M+ e/ha/ vakSati
1.1.3a agni/naa rayi/m ashnavat po/Sam eva/ dive/-dive
1.1.3c yasha/saM viira/vattamam
1.1.4a a/gne ya/M yaj~na/m adhvara/M vishva/taH paribhuu/r a/si
1.1.4c sa/ i/d deve/Su gachati
1.1.5a agni/r ho/taa kavi/kratuH satya/sh citra/shravastamaH
1.1.5c devo/ deve/bhir aa/ gamat
1.1.6a ya/d a~Nga/ daashu/Se tva/m a/gne bhadra/M kariSya/si
1.1.6c ta/ve/t ta/t satya/m a~NgiraH
1.1.7a u/pa tvaagne dive/-dive do/Saavastar dhiyaa/ vaya/m
1.1.7c na/mo bha/ranta e/masi
1.1.8a raa/jantam adhvaraa/NaaM gopaa/m Rta/sya dii/divim
1.1.8c va/rdhamaanaM sve/ da/me
1.1.9a sa/ naH pite/va suuna/ve/ .agne suupaayano/ bhava
1.1.9c sa/casvaa naH svasta/ye
1.2.1a vaa/yav aa/ yaahi darshateme/ so/maa a/raMkRtaaH
1.2.1c te/Saam paahi shrudhii/ ha/vam
1.2.2a vaa/ya ukthe/bhir jarante tvaa/m a/chaa jaritaa/raH
1.2.2c suta/somaa aharvi/daH
1.2.3a vaa/yo ta/va prapR~ncatii/ dhe/naa jigaati daashu/Se
1.2.3c uruucii/ so/mapiitaye
1.2.4a i/ndravaayuu ime/ sutaa/ u/pa pra/yobhir aa/ gatam
1.2.4c i/ndavo vaam usha/nti hi/
1.2.5a vaa/yav i/ndrash ca cetathaH sutaa/naaM vaajiniivasuu
1.2.5c taa/v aa/ yaatam u/pa drava/t
1.2.6a vaa/yav i/ndrash ca sunvata/ aa/ yaatam u/pa niSkRta/m
1.2.6c makSv ai\tthaa/ dhiyaa/ naraa
1.2.7a mitra/M huve puuta/dakSaM va/ruNaM ca rishaa/dasam
1.2.7c dhi/yaM ghRtaa/ciiM saa/dhantaa
1.2.8a Rte/na mitraavaruNaav RtaavRdhaav RtaspRshaa
1.2.8c kra/tum bRha/ntam aashaathe
1.2.9a kavii/ no mitraa/va/ruNaa tuvijaataa/ urukSa/yaa
1.2.9c da/kSaM dadhaate apa/sam
1.3.1a a/shvinaa ya/jvariir i/So dra/vatpaaNii shu/bhas patii
1.3.1c pu/rubhujaa canasya/tam
1.3.2a a/shvinaa pu/rudaMsasaa na/raa sha/viirayaa dhiyaa/
1.3.2c dhi/SNyaa va/nataM gi/raH
1.3.3a da/sraa yuvaa/kavaH sutaa/ naa/satyaa vRkta/barhiSaH
1.3.3c aa/ yaataM rudravartanii
1.3.4a i/ndraa/ yaahi citrabhaano sutaa/ ime/ tvaaya/vaH
1.3.4c a/Nviibhis ta/naa puutaa/saH
1.3.5a i/ndraa/ yaahi dhiye/Sito/ vi/prajuutaH sutaa/vataH
1.3.5c u/pa bra/hmaaNi vaagha/taH
1.3.6a i/ndraa/ yaahi tuu/tujaana u/pa bra/hmaaNi harivaH
1.3.6c sute/ dadhiSva nash ca/naH
1.3.7a o/maasash carSaNiidhRto vi/shve devaasa aa/ gata
1.3.7c daashvaa/Mso daashu/SaH suta/m
1.3.8a vi/shve devaa/so aptu/raH suta/m aa/ ganta tuu/rNayaH
1.3.8c usraa/ iva sva/saraaNi
1.3.9a vi/shve devaa/so asri/dha e/himaayaaso adru/haH
1.3.9c me/dhaM juSanta va/hnayaH
1.3.10a paavakaa/ naH sa/rasvatii vaa/jebhir vaaji/niivatii
1.3.10c yaj~na/M vaSTu dhiyaa/vasuH
1.3.11a codayitrii/ suunR/taanaaM ce/tantii sumatiinaa/m
1.3.11c yaj~na/M dadhe sa/rasvatii
1.3.12a maho/ a/rNaH sa/rasvatii pra/ cetayati ketu/naa
1.3.12c dhi/yo vi/shvaa vi/ raajati
1.4.1a suruupakRtnu/m uuta/ye sudu/ghaam iva godu/he
1.4.1c juhuuma/si dya/vi-dyavi
1.4.2a u/pa naH sa/vanaa/ gahi so/masya somapaaH piba
1.4.2c godaa/ i/d reva/to ma/daH
1.4.3a a/thaa te a/ntamaanaaM vidyaa/ma sumatiinaa/m
1.4.3c maa/ no a/ti khya aa/ gahi
1.4.4a pa/rehi vi/gram a/stRtam i/ndram pRchaa vipashci/tam
1.4.4c ya/s te sa/khibhya aa/ va/ram
1.4.5a uta/ bruvantu no ni/do ni/r anya/tash cid aarata
1.4.5c da/dhaanaa i/ndra i/d du/vaH
1.4.6a uta/ naH subha/gaaM+ ari/r voce/yur dasma kRSTa/yaH
1.4.6c syaa/me/d i/ndrasya sha/rmaNi
1.4.7a e/m aashu/m aasha/ve bhara yaj~nashri/yaM nRmaa/danam
1.4.7c pataya/n mandaya/tsakham
1.4.8a asya/ piitvaa/ shatakrato ghano/ vRtraa/Naam abhavaH
1.4.8c praa/vo vaa/jeSu vaaji/nam
1.4.9a ta/M tvaa vaa/jeSu vaaji/naM vaaja/yaamaH shatakrato
1.4.9c dha/naanaam indra saata/ye
1.4.10a yo/ raayo\ .ava/nir mahaa/n supaara/H sunvata/H sa/khaa
1.4.10c ta/smaa i/ndraaya gaayata
1.5.1a aa/ tv e/taa ni/ Siidate/ndram abhi/ pra/ gaayata
1.5.1c sa/khaaya sto/mavaahasaH
1.5.2a puruuta/mam puruuNaa/m ii/shaanaM vaa/ryaaNaam
1.5.2c i/ndraM so/me sa/caa sute/
1.5.3a sa/ ghaa no yo/ga aa/ bhuvat sa/ raaye/ sa/ pu/raMdhyaam
1.5.3c ga/mad vaa/jebhir aa/ sa/ naH
1.5.4a ya/sya saMsthe/ na/ vRNva/te ha/rii sama/tsu sha/travaH
1.5.4c ta/smaa i/ndraaya gaayata
1.5.5a sutapaa/vne sutaa/ ime/ shu/cayo yanti viita/ye
1.5.5c so/maaso da/dhyaashiraH
1.5.6a tva/M suta/sya piita/ye sadyo/ vRddho/ ajaayathaaH
1.5.6c i/ndra jyai/SThyaaya sukrato
1.5.7a aa/ tvaa vishantv aasha/vaH so/maasa indra girvaNaH
1.5.7c sha/M te santu pra/cetase
1.5.8a tvaa/M sto/maa aviivRdhan tvaa/m ukthaa/ shatakrato
1.5.8c tvaa/M vardhantu no gi/raH
1.5.9a a/kSitotiH saned ima/M vaa/jam i/ndraH sahasri/Nam
1.5.9c ya/smin vi/shvaani pau/Msyaa
1.5.10a maa/ no ma/rtaa abhi/ druhan tanuu/naam indra girvaNaH
1.5.10c ii/shaano yavayaa vadha/m
1.6.1a yu~nja/nti bradhna/m aruSa/M ca/rantam pa/ri tasthu/SaH
1.6.1c ro/cante rocanaa/ divi/
1.6.2a yu~nja/nty asya kaa/myaa ha/rii vi/pakSasaa ra/the
1.6.2c sho/Naa dhRSNuu/ nRvaa/hasaa
1.6.3a ketu/M kRNva/nn aketa/ve pe/sho maryaa apesha/se
1.6.3c sa/m uSa/dbhir ajaayathaaH
1.6.4a aa/d a/ha svadhaa/m a/nu pu/nar garbhatva/m erire/
1.6.4c da/dhaanaa naa/ma yaj~ni/yam
1.6.5a viiLu/ cid aarujatnu/bhir gu/haa cid indra va/hnibhiH
1.6.5c a/vinda usri/yaa a/nu
1.6.6a devaya/nto ya/thaa mati/m a/chaa vida/dvasuM gi/raH
1.6.6c mahaa/m anuuSata shruta/m
1.6.7a i/ndreNa sa/M hi/ dR/kSase saMjagmaano/ a/bibhyuSaa
1.6.7c manduu/ samaana/varcasaa
1.6.8a anavadyai/r abhi/dyubhir makha/H sa/hasvad arcati
1.6.8c gaNai/r i/ndrasya kaa/myaiH
1.6.9a a/taH parijmann aa/ gahi divo/ vaa rocanaa/d a/dhi
1.6.9c sa/m asminn R~njate gi/raH
1.6.10a ito/ vaa saati/m ii/mahe divo/ vaa paa/rthivaad a/dhi
1.6.10c i/ndram maho/ vaa ra/jasaH
1.7.1a i/ndram i/d gaathi/no bRha/d i/ndram arke/bhir arki/NaH
1.7.1c i/ndraM vaa/Niir anuuSata
1.7.2a i/ndra i/d dha/ryoH sa/caa sa/mmishla aa/ vacoyu/jaa
1.7.2c i/ndro vajrii/ hiraNya/yaH
1.7.3a i/ndro diirghaa/ya ca/kSasa aa/ suu/ryaM rohayad divi/
1.7.3c vi/ go/bhir a/drim airayat
1.7.4a i/ndra vaa/jeSu no .ava saha/srapradhaneSu ca
1.7.4c ugra/ ugraa/bhir uuti/bhiH
1.7.5a i/ndraM vaya/m mahaadhana/ i/ndram a/rbhe havaamahe
1.7.5c yu/jaM vRtre/Su vajri/Nam
1.7.6a sa/ no vRSann amu/M caru/M sa/traadaavann a/paa vRdhi
1.7.6c asma/bhyam a/pratiSkutaH
1.7.7a tu~nje/-tu~nje ya/ u/ttare sto/maa i/ndrasya vajri/NaH
1.7.7c na/ vindhe asya suSTuti/m
1.7.8a vR/Saa yuuthe/va va/MsagaH kRSTii/r iyarty o/jasaa
1.7.8c ii/shaano a/pratiSkutaH
1.7.9a ya/ e/kash carSaNiinaa/M va/suunaam irajya/ti
1.7.9c i/ndraH pa/~nca kSitiinaa/m
1.7.10a i/ndraM vo vishva/tas pa/ri ha/vaamahe ja/nebhyaH
1.7.10c asmaa/kam astu ke/valaH
1.8.1a e/ndra saanasi/M rayi/M saji/tvaanaM sadaasa/ham
1.8.1c va/rSiSTham uuta/ye bhara
1.8.2a ni/ ye/na muSTihatya/yaa ni/ vRtraa/ ruNa/dhaamahai
1.8.2c tvo/taaso ny a/rvataa
1.8.3a i/ndra tvo/taasa aa/ vaya/M va/jraM ghanaa/ dadiimahi
1.8.3c ja/yema sa/M yudhi/ spR/dhaH
1.8.4a vaya/M shuu/rebhir a/stRbhir i/ndra tva/yaa yujaa/ vaya/m
1.8.4c saasahyaa/ma pRtanyata/H
1.8.5a mahaa/M+ i/ndraH para/sh ca nu/ mahitva/m astu vajri/Ne
1.8.5c dyau/r na/ prathinaa/ sha/vaH
1.8.6a samohe/ vaa ya/ aa/shata na/ras toka/sya sa/nitau
1.8.6c vi/praaso vaa dhiyaaya/vaH
1.8.7a ya/H kukSi/H somapaa/tamaH samudra/ iva pi/nvate
1.8.7c urvii/r aa/po na/ kaaku/daH
1.8.8a evaa/ hy a\sya suunR/taa virapshii/ go/matii mahii/
1.8.8c pakvaa/ shaa/khaa na/ daashu/Se
1.8.9a evaa/ hi/ te vi/bhuutaya uuta/ya indra maa/vate
1.8.9c sadya/sh cit sa/nti daashu/Se
1.8.10a evaa/ hy a\sya kaa/myaa sto/ma uktha/M ca sha/Msyaa
1.8.10c i/ndraaya so/mapiitaye
1.9.1a i/ndre/hi ma/tsy a/ndhaso vi/shvebhiH somapa/rvabhiH
1.9.1c mahaa/M+ abhiSTi/r o/jasaa
1.9.2a e/m enaM sRjataa sute/ mandi/m i/ndraaya mandi/ne
1.9.2c ca/kriM vi/shvaani ca/kraye
1.9.3a ma/tsvaa sushipra mandi/bhi sto/mebhir vishvacarSaNe
1.9.3c sa/caiSu/ sa/vaneSv aa/
1.9.4a a/sRgram indra te gi/raH pra/ti tvaa/m u/d ahaasata
1.9.4c a/joSaa vRSabha/m pa/tim
1.9.5a sa/M codaya citra/m arvaa/g raa/dha indra va/reNyam
1.9.5c a/sad i/t te vibhu/ prabhu/
1.9.6a asmaa/n su/ ta/tra codaye/ndra raaye/ ra/bhasvataH
1.9.6c tu/vidyumna ya/shasvataH
1.9.7a sa/M go/mad indra vaa/javad asme/ pRthu/ shra/vo bRha/t
1.9.7c vishvaa/yur dhehy a/kSitam
1.9.8a asme/ dhehi shra/vo bRha/d dyumna/M sahasrasaa/tamam
1.9.8c i/ndra taa/ rathi/niir i/SaH
1.9.9a va/sor i/ndraM va/supatiM giirbhi/r gRNa/nta Rgmi/yam
1.9.9c ho/ma ga/ntaaram uuta/ye
1.9.10a sute/-sute nyo\kase bRha/d bRhata/ e/d ari/H
1.9.10c i/ndraaya shuuSa/m arcati
1.10.1a gaa/yanti tvaa gaayatri/No/ .arcanty arka/m arki/NaH
1.10.1c brahmaa/Nas tvaa shatakrata u/d vaMsha/m iva yemire
1.10.2a ya/t saa/noH saa/num aa/ruhad bhuu/ry a/spaSTa ka/rtvam
1.10.2c ta/d i/ndro a/rthaM cetati yuuthe/na vRSNi/r ejati
1.10.3a yukSvaa/ hi/ keshi/naa ha/rii vR/SaNaa kakSyapraa/
1.10.3c a/thaa na indra somapaa giraa/m u/pashrutiM cara
1.10.4a e/hi sto/maaM+ abhi/ svaraabhi/ gRNiihy aa/ ruva
1.10.4c bra/hma ca no vaso sa/ce/ndra yaj~na/M ca vardhaya
1.10.5a uktha/m i/ndraaya sha/MsyaM va/rdhanam puruniSSi/dhe
1.10.5c shakro/ ya/thaa sute/Su No raara/Nat sakhye/Su ca
1.10.6a ta/m i/t sakhitva/ iimahe ta/M raaye/ ta/M suvii/rye
1.10.6c sa/ shakra/ uta/ naH shakad i/ndro va/su da/yamaanaH
1.10.7a suvivR/taM sunira/jam i/ndra tvaa/daatam i/d ya/shaH
1.10.7c ga/vaam a/pa vraja/M vRdhi kRNuSva/ raa/dho adrivaH
1.10.8a nahi/ tvaa ro/dasii ubhe/ Rghaaya/maaNam i/nvataH
1.10.8c je/SaH sva\rvatiir apa/H sa/M gaa/ asma/bhyaM dhuunuhi
1.10.9a aa/shrutkarNa shrudhii/ ha/vaM nuu/ cid dadhiSva me gi/raH
1.10.9c i/ndra sto/mam ima/m ma/ma kRSvaa/ yuja/sh cid a/ntaram
1.10.10a vidmaa/ hi/ tvaa vR/SantamaM vaa/jeSu havanashru/tam
1.10.10c vR/Santamasya huumaha uuti/M sahasrasaa/tamaam
1.10.11a aa/ tuu/ na indra kaushika mandasaana/H suta/m piba
1.10.11c na/vyam aa/yuH pra/ suu/ tira kRdhii/ sahasrasaa/m R/Sim
1.10.12a pa/ri tvaa girvaNo gi/ra imaa/ bhavantu vishva/taH
1.10.12c vRddhaa/yum a/nu vR/ddhayo ju/STaa bhavantu ju/STayaH
1.11.1a i/ndraM vi/shvaa aviivRdhan samudra/vyacasaM gi/raH
1.11.1c rathii/tamaM rathii/naaM vaa/jaanaaM sa/tpatim pa/tim
1.11.2a sakhye/ ta indra vaaji/no maa/ bhema shavasas pate
1.11.2c tvaa/m abhi/ pra/ Nonumo je/taaram a/paraajitam
1.11.3a puurvii/r i/ndrasya raata/yo na/ vi/ dasyanty uuta/yaH
1.11.3c ya/dii vaa/jasya go/mata stotR/bhyo ma/Mhate magha/m
1.11.4a puraa/m bhindu/r yu/vaa kavi/r a/mitaujaa ajaayata
1.11.4c i/ndro vi/shvasya ka/rmaNo dhartaa/ vajrii/ puruSTuta/H
1.11.5a tva/M vala/sya go/mato/ .apaavar adrivo bi/lam
1.11.5c tvaa/M devaa/ a/bibhyuSas tujya/maanaasa aaviSuH
1.11.6a ta/vaaha/M shuura raati/bhiH pra/ty aayaM si/ndhum aava/dan
1.11.6c u/paatiSThanta girvaNo vidu/S Te ta/sya kaara/vaH
1.11.7a maayaa/bhir indra maayi/naM tva/M shu/SNam a/vaatiraH
1.11.7c vidu/S Te ta/sya me/dhiraas te/SaaM shra/vaaMsy u/t tira
1.11.8a i/ndram ii/shaanam o/jasaabhi/ sto/maa anuuSata
1.11.8c saha/sraM ya/sya raata/ya uta/ vaa sa/nti bhuu/yasiiH
1.12.1a agni/M duuta/M vRNiimahe ho/taaraM vishva/vedasam
1.12.1c asya/ yaj~na/sya sukra/tum
1.12.2a agni/m-agniM ha/viimabhiH sa/daa havanta vishpa/tim
1.12.2c havyavaa/ham purupriya/m
1.12.3a a/gne devaa/M+ ihaa/ vaha jaj~naano/ vRkta/barhiSe
1.12.3c a/si ho/taa na ii/DyaH
1.12.4a taa/M+ ushato/ vi/ bodhaya ya/d agne yaa/si duutya\m
1.12.4c devai/r aa/ satsi barhi/Si
1.12.5a ghR/taahavana diidivaH pra/ti Sma ri/Sato daha
1.12.5c a/gne tva/M rakSasvi/naH
1.12.6a agni/naagni/H sa/m idhyate kavi/r gRha/patir yu/vaa
1.12.6c havyavaa/D juhvaaaa\syaH
1.12.7a kavi/m agni/m u/pa stuhi satya/dharmaaNam adhvare/
1.12.7c deva/m amiivacaa/tanam
1.12.8a ya/s tvaa/m agne havi/Spatir duuta/M deva saparya/ti
1.12.8c ta/sya sma praavitaa/ bhava
1.12.9a yo/ agni/M deva/viitaye havi/SmaaM+ aavi/vaasati
1.12.9c ta/smai paavaka mRLaya
1.12.10a sa/ naH paavaka diidivo/ .agne devaa/M+ ihaa/ vaha
1.12.10c u/pa yaj~na/M havi/sh ca naH
1.12.11a sa/ na sta/vaana aa/ bhara gaayatre/Na na/viiyasaa
1.12.11c rayi/M viira/vatiim i/Sam
1.12.12a a/gne shukre/Na shoci/Saa vi/shvaabhir deva/huutibhiH
1.12.12c ima/M sto/maM juSasva naH
1.13.1a su/samiddho na aa/ vaha devaa/M+ agne havi/Smate
1.13.1c ho/taH paavaka ya/kSi ca
1.13.2a ma/dhumantaM tanuunapaad yaj~na/M deve/Su naH kave
1.13.2c adyaa/ kRNuhi viita/ye
1.13.3a na/raasha/Msam iha/ priya/m asmi/n yaj~na/ u/pa hvaye
1.13.3c ma/dhujihvaM haviSkR/tam
1.13.4a a/gne sukha/tame ra/the devaa/M+ iiLita/ aa/ vaha
1.13.4c a/si ho/taa ma/nurhitaH
1.13.5a stRNiita/ barhi/r aanuSa/g ghRta/pRSTham maniiSiNaH
1.13.5c ya/traamR/tasya ca/kSaNam
1.13.6a vi/ shrayantaam RtaavR/dho dvaa/ro devii/r asashca/taH
1.13.6c adyaa/ nuuna/M ca ya/STave
1.13.7a na/ktoSaa/saa supe/shasaasmi/n yaj~na/ u/pa hvaye
1.13.7c ida/M no barhi/r aasa/de
1.13.8a taa/ sujihvaa/ u/pa hvaye ho/taaraa dai/vyaa kavii/
1.13.8c yaj~na/M no yakSataam ima/m
1.13.9a i/Laa sa/rasvatii mahii/ tisro/ devii/r mayobhu/vaH
1.13.9c barhi/H siidantv asri/dhaH
1.13.10a iha/ tva/STaaram agriya/M vishva/ruupam u/pa hvaye
1.13.10c asmaa/kam astu ke/valaH
1.13.11a a/va sRjaa vanaspate de/va deve/bhyo havi/H
1.13.11c pra/ daatu/r astu ce/tanam
1.13.12a svaa/haa yaj~na/M kRNotane/ndraaya ya/jvano gRhe/
1.13.12c ta/tra devaa/M+ u/pa hvaye
1.14.1a ai/bhir agne du/vo gi/ro vi/shvebhiH so/mapiitaye
1.14.1c deve/bhir yaahi ya/kSi ca
1.14.2a aa/ tvaa ka/Nvaa ahuuSata gRNa/nti vipra te dhi/yaH
1.14.2c deve/bhir agna aa/ gahi
1.14.3a indravaayuu/ bR/haspa/tim mitraa/gni/m puuSa/Nam bha/gam
1.14.3c aadityaa/n maa/rutaM gaNa/m
1.14.4a pra/ vo bhriyanta i/ndavo matsaraa/ maadayiSNa/vaH
1.14.4c drapsaa/ ma/dhvash camuuSa/daH
1.14.5a ii/Late tvaa/m avasya/vaH ka/Nvaaso vRkta/barhiSaH
1.14.5c havi/Smanto araMkR/taH
1.14.6a ghRta/pRSThaa manoyu/jo ye/ tvaa va/hanti va/hnayaH
1.14.6c aa/ devaa/n so/mapiitaye
1.14.7a taa/n ya/jatraaM+ RtaavR/dho/ .agne pa/tniivatas kRdhi
1.14.7c ma/dhvaH sujihva paayaya
1.14.8a ye/ ya/jatraa ya/ ii/Dyaas te/ te pibantu jihva/yaa
1.14.8c ma/dhor agne va/SaTkRti
1.14.9a aa/kiiM suu/ryasya rocanaa/d vi/shvaan devaa/M+ uSarbu/dhaH
1.14.9c vi/pro ho/teha/ vakSati
1.14.10a vi/shvebhiH somya/m ma/dhv a/gna i/ndreNa vaayu/naa
1.14.10c pi/baa mitra/sya dhaa/mabhiH
1.14.11a tva/M ho/taa ma/nurhito/ .agne yaj~ne/Su siidasi
1.14.11c se/ma/M no adhvara/M yaja
1.14.12a yukSvaa/ hy a/ruSii ra/the hari/to deva rohi/taH
1.14.12c taa/bhir devaa/M+ ihaa/ vaha
1.15.1a i/ndra so/mam pi/ba Rtu/naa/ tvaa vishantv i/ndavaH
1.15.1c matsaraa/sas ta/dokasaH
1.15.2a ma/rutaH pi/bata Rtu/naa potraa/d yaj~na/m puniitana
1.15.2c yuuya/M hi/ SThaa/ sudaanavaH
1.15.3a abhi/ yaj~na/M gRNiihi no gnaa/vo ne/STaH pi/ba Rtu/naa
1.15.3c tva/M hi/ ratnadhaa/ a/si
1.15.4a a/gne devaa/M+ ihaa/ vaha saada/yaa yo/niSu triSu/
1.15.4c pa/ri bhuuSa pi/ba Rtu/naa
1.15.5a braa/hmaNaad indra raa/dhasaH pi/baa so/mam Rtuu/M+r a/nu
1.15.5c ta/ve/d dhi/ sakhya/m a/stRtam
1.15.6a yuva/M da/kSaM dhRtavrata mi/traavaruNa duuLa/bham
1.15.6c Rtu/naa yaj~na/m aashaathe
1.15.7a draviNodaa/ dra/viNaso graa/vahastaaso adhvare/
1.15.7c yaj~ne/Su deva/m iiLate
1.15.8a draviNodaa/ dadaatu no va/suuni yaa/ni shRNvire/
1.15.8c deve/Su taa/ vanaamahe
1.15.9a draviNodaa/H pipiiSati juho/ta pra/ ca tiSThata
1.15.9c neSTraa/d Rtu/bhir iSyata
1.15.10a ya/t tvaa turii/yam Rtu/bhir dra/viNodo ya/jaamahe
1.15.10c a/dha smaa no dadi/r bhava
1.15.11a a/shvinaa pi/batam ma/dhu dii/dyagnii shucivrataa
1.15.11c Rtu/naa yaj~navaahasaa
1.15.12a gaa/rhapatyena santya Rtu/naa yaj~nanii/r asi
1.15.12c devaa/n devayate/ yaja
1.16.1a aa/ tvaa vahantu ha/rayo vR/SaNaM so/mapiitaye
1.16.1c i/ndra tvaa suu/racakSasaH
1.16.2a imaa/ dhaanaa/ ghRtasnu/vo ha/rii iho/pa vakSataH
1.16.2c i/ndraM sukha/tame ra/the
1.16.3a i/ndram praata/r havaamaha i/ndram prayaty a\dhvare/
1.16.3c i/ndraM so/masya piita/ye
1.16.4a u/pa naH suta/m aa/ gahi ha/ribhir indra keshi/bhiH
1.16.4c sute/ hi/ tvaa ha/vaamahe
1.16.5a se/ma/M na sto/mam aa/ gahy u/peda/M sa/vanaM suta/m
1.16.5c gauro/ na/ tRSita/H piba
1.16.6a ime/ so/maasa i/ndavaH sutaa/so a/dhi barhi/Si
1.16.6c taa/M+ indra sa/hase piba
1.16.7a aya/M te sto/mo agriyo/ hRdispR/g astu sha/MtamaH
1.16.7c a/thaa so/maM suta/m piba
1.16.8a vi/shvam i/t sa/vanaM suta/m i/ndro ma/daaya gachati
1.16.8c vRtrahaa/ so/mapiitaye
1.16.9a se/ma/M naH kaa/mam aa/ pRNa go/bhir a/shvaiH shatakrato
1.16.9c sta/vaama tvaa svaadhya\H
1.17.1a i/ndraava/ruNayor aha/M samraa/jor a/va aa/ vRNe
1.17.1c taa/ no mRLaata iidR/she
1.17.2a ga/ntaaraa hi/ stho/ .avase ha/vaM vi/prasya maa/vataH
1.17.2c dhartaa/raa carSaNiinaa/m
1.17.3a anukaama/M tarpayethaam i/ndraavaruNa raaya/ aa/
1.17.3c taa/ vaaM ne/diSTham iimahe
1.17.4a yuvaa/ku hi/ sha/ciinaaM yuvaa/ku sumatiinaa/m
1.17.4c bhuuyaa/ma vaajadaa/vnaam
1.17.5a i/ndraH sahasradaa/vnaaM va/ruNaH sha/Msyaanaam
1.17.5c kra/tur bhavaty ukthya\H
1.17.6a ta/yor i/d a/vasaa vaya/M sane/ma ni/ ca dhiimahi
1.17.6c syaa/d uta/ prare/canam
1.17.7a i/ndraavaruNa vaam aha/M huve/ citraa/ya raa/dhase
1.17.7c asmaa/n su/ jigyu/Sas kRtam
1.17.8a i/ndraavaruNa nuu/ nu/ vaaM si/SaasantiiSu dhiiSv aa/
1.17.8c asma/bhyaM sha/rma yachatam
1.17.9a pra/ vaam ashnotu suSTuti/r i/ndraavaruNa yaa/M huve/
1.17.9c yaa/m Rdhaa/the sadha/stutim
1.18.1a somaa/naM sva/raNaM kRNuhi/ brahmaNas pate
1.18.1c kakSii/vantaM ya/ aushija/H
1.18.2a yo/ revaa/n yo/ amiivahaa/ vasuvi/t puSTiva/rdhanaH
1.18.2c sa/ naH siSaktu ya/s tura/H
1.18.3a maa/ naH sha/Mso a/raruSo dhuurti/H pra/Na~N ma/rtyasya
1.18.3c ra/kSaa No brahmaNas pate
1.18.4a sa/ ghaa viiro/ na/ riSyati ya/m i/ndro bra/hmaNas pa/tiH
1.18.4c so/mo hino/ti ma/rtyam
1.18.5a tva/M ta/m brahmaNas pate so/ma i/ndrash ca ma/rtyam
1.18.5c da/kSiNaa paatv a/MhasaH
1.18.6a sa/dasas pa/tim a/dbhutam priya/m i/ndrasya kaa/myam
1.18.6c sani/m medhaa/m ayaasiSam
1.18.7a ya/smaad Rte/ na/ si/dhyati yaj~no/ vipashci/tash cana/
1.18.7c sa/ dhiinaa/M yo/gam invati
1.18.8a aa/d Rdhnoti havi/SkRtim praa/~ncaM kRNoty adhvara/m
1.18.8c ho/traa deve/Su gachati
1.18.9a na/raasha/MsaM sudhR/STamam a/pashyaM sapra/thastamam
1.18.9c divo/ na/ sa/dmamakhasam
1.19.1a pra/ti tya/M caa/rum adhvara/M gopiithaa/ya pra/ huuyase
1.19.1c maru/dbhir agna aa/ gahi
1.19.2a nahi/ devo/ na/ ma/rtyo maha/s ta/va kra/tum para/H
1.19.2c maru/dbhir agna aa/ gahi
1.19.3a ye/ maho/ ra/jaso vidu/r vi/shve devaa/so adru/haH
1.19.3c maru/dbhir agna aa/ gahi
1.19.4a ya/ ugraa/ arka/m aanRcu/r a/naadhRSTaasa o/jasaa
1.19.4c maru/dbhir agna aa/ gahi
1.19.5a ye/ shubhraa/ ghora/varpasaH sukSatraa/so rishaa/dasaH
1.19.5c maru/dbhir agna aa/ gahi
1.19.6a ye/ naa/kasyaa/dhi rocane/ divi/ devaa/sa aa/sate
1.19.6c maru/dbhir agna aa/ gahi
1.19.7a ya/ ii~Nkha/yanti pa/rvataan tira/H samudra/m arNava/m
1.19.7c maru/dbhir agna aa/ gahi
1.19.8a aa/ ye/ tanva/nti rashmi/bhis tira/H samudra/m o/jasaa
1.19.8c maru/dbhir agna aa/ gahi
1.19.9a abhi/ tvaa puurva/piitaye sRjaa/mi somya/m ma/dhu
1.19.9c maru/dbhir agna aa/ gahi
1.20.1a aya/M devaa/ya ja/nmane sto/mo vi/prebhir aasayaa/
1.20.1c a/kaari ratnadhaa/tamaH
1.20.2a ya/ i/ndraaya vacoyu/jaa tatakSu/r ma/nasaa ha/rii
1.20.2c sha/miibhir yaj~na/m aashata
1.20.3a ta/kSan naa/satyaabhyaam pa/rijmaanaM sukha/M ra/tham
1.20.3c ta/kSan dhenu/M sabardu/ghaam
1.20.4a yu/vaanaa pita/raa pu/naH satya/mantraa Rjuuya/vaH
1.20.4c Rbha/vo viSTy a\krata
1.20.5a sa/M vo ma/daaso agmate/ndreNa ca maru/tvataa
1.20.5c aaditye/bhish ca raa/jabhiH
1.20.6a uta/ tya/M camasa/M na/vaM tva/STur deva/sya ni/SkRtam
1.20.6c a/karta catu/raH pu/naH
1.20.7a te/ no ra/tnaani dhattana tri/r aa/ saa/ptaani sunvate/
1.20.7c e/kam-ekaM sushasti/bhiH
1.20.8a a/dhaarayanta va/hnayo/ .abhajanta sukRtya/yaa
1.20.8c bhaaga/M deve/Su yaj~ni/yam
1.21.1a ihe/ndraagnii/ u/pa hvaye ta/yor i/t sto/mam ushmasi
1.21.1c taa/ so/maM somapaa/tamaa
1.21.2a taa/ yaj~ne/Su pra/ shaMsatendraagnii/ shumbhataa naraH
1.21.2c taa/ gaayatre/Su gaayata
1.21.3a taa/ mitra/sya pra/shastaya indraagnii/ taa/ havaamahe
1.21.3c somapaa/ so/mapiitaye
1.21.4a ugraa/ sa/ntaa havaamaha u/peda/M sa/vanaM suta/m
1.21.4c indraagnii/ e/ha/ gachataam
1.21.5a taa/ mahaa/ntaa sa/daspa/tii i/ndraagnii ra/kSa ubjatam
1.21.5c a/prajaaH santv atri/NaH
1.21.6a te/na satye/na jaagRtam a/dhi pracetu/ne pade/
1.21.6c i/ndraagnii sha/rma yachatam
1.22.1a praataryu/jaa vi/ bodhayaashvi/naav e/ha/ gachataam
1.22.1c asya/ so/masya piita/ye
1.22.2a yaa/ sura/thaa rathii/tamobhaa/ devaa/ divispR/shaa
1.22.2c ashvi/naa taa/ havaamahe
1.22.3a yaa/ vaaM ka/shaa ma/dhumaty a/shvinaa suunR/taavatii
1.22.3c ta/yaa yaj~na/m mimikSatam
1.22.4a nahi/ vaam a/sti duurake/ ya/traa ra/thena ga/chathaH
1.22.4c a/shvinaa somi/no gRha/m
1.22.5a hi/raNyapaaNim uuta/ye savitaa/ram u/pa hvaye
1.22.5c sa/ ce/ttaa deva/taa pada/m
1.22.6a apaa/M na/paatam a/vase savitaa/ram u/pa stuhi
1.22.6c ta/sya vrataa/ny ushmasi
1.22.7a vibhaktaa/raM havaamahe va/sosh citra/sya raa/dhasaH
1.22.7c savitaa/raM nRca/kSasam
1.22.8a sa/khaaya aa/ ni/ Siidata savitaa/ sto/myo nu/ naH
1.22.8c daa/taa raa/dhaaMsi shumbhati
1.22.9a a/gne pa/tniir ihaa/ vaha devaa/naam ushatii/r u/pa
1.22.9c tva/STaaraM so/mapiitaye
1.22.10a aa/ gnaa/ agna ihaa/vase ho/traaM yaviSTha bhaa/ratiim
1.22.10c va/ruutriiM dhiSa/NaaM vaha
1.22.11a abhi/ no devii/r a/vasaa maha/H sha/rmaNaa nRpa/tniiH
1.22.11c a/chinnapatraaH sacantaam
1.22.12a ihe/ndraaNii/m u/pa hvaye varuNaanii/M svasta/ye
1.22.12c agnaa/yiiM so/mapiitaye
1.22.13a mahii/ dyau/H pRthivii/ ca na ima/M yaj~na/m \.\ mimikSataam
1.22.13c pipRtaa/M no bha/riimabhiH
1.22.14a ta/yor i/d ghRta/vat pa/yo vi/praa rihanti dhiiti/bhiH
1.22.14c gandharva/sya dhruve/ pade/
1.22.15a syonaa/ pRthivi bhavaanRkSaraa/ nive/shanii
1.22.15c ya/chaa naH sha/rma sapra/thaH
1.22.16a a/to devaa/ avantu no ya/to vi/SNur vicakrame/
1.22.16c pRthivyaa/H sapta/ dhaa/mabhiH
1.22.17a ida/M vi/SNur vi/ cakrame tredhaa/ ni/ dadhe pada/m
1.22.17c sa/muuLham asya paaMsure/
1.22.18a trii/Ni padaa/ vi/ cakrame vi/SNur gopaa/ a/daabhyaH
1.22.18c a/to dha/rmaaNi dhaara/yan
1.22.19a vi/SNoH ka/rmaaNi pashyata ya/to vrataa/ni paspashe/
1.22.19c i/ndrasya yu/jyaH sa/khaa
1.22.20a ta/d vi/SNoH parama/m pada/M sa/daa pashyanti suura/yaH
1.22.20c diviiaa\va ca/kSur aa/tatam
1.22.21a ta/d vi/praaso vipanya/vo jaagRvaa/MsaH sa/m indhate
1.22.21c vi/SNor ya/t parama/m pada/m
1.23.1a tiivraa/H so/maasa aa/ gahy aashii/rvantaH sutaa/ ime/
1.23.1c vaa/yo taa/n pra/sthitaan piba
1.23.2a ubhaa/ devaa/ divispR/shendravaayuu/ havaamahe
1.23.2c asya/ so/masya piita/ye
1.23.3a indravaayuu/ manoju/vaa vi/praa havanta uuta/ye
1.23.3c sahasraakSaa/ dhiya/s pa/tii
1.23.4a mitra/M vaya/M havaamahe va/ruNaM so/mapiitaye
1.23.4c jaj~naanaa/ puuta/dakSasaa
1.23.5a Rte/na yaa/v RtaavR/dhaav Rta/sya jyo/tiSas pa/tii
1.23.5c taa/ mitraa/va/ruNaa huve
1.23.6a va/ruNaH praavitaa/ bhuvan mitro/ vi/shvaabhir uuti/bhiH
1.23.6c ka/rataaM naH suraa/dhasaH
1.23.7a maru/tvantaM havaamaha i/ndram aa/ so/mapiitaye
1.23.7c sajuu/r gaNe/na tRmpatu
1.23.8a i/ndrajyeSThaa ma/rudgaNaa de/vaasaH puu/SaraatayaH
1.23.8c vi/shve ma/ma shrutaa ha/vam
1.23.9a hata/ vRtra/M sudaanava i/ndreNa sa/hasaa yujaa/
1.23.9c maa/ no duHsha/Msa iishata
1.23.10a vi/shvaan devaa/n havaamahe maru/taH so/mapiitaye
1.23.10c ugraa/ hi/ pR/shnimaataraH
1.23.11a ja/yataam iva tanyatu/r maru/taam eti dhRSNuyaa/
1.23.11c ya/c chu/bhaM yaatha/naa naraH
1.23.12a haskaaraa/d vidyu/tas pa/ry a/to jaataa/ avantu naH
1.23.12c maru/to mRLayantu naH
1.23.13a aa/ puuSa~n citra/barhiSam aa/ghRNe dharu/NaM diva/H
1.23.13c aa/jaa naSTa/M ya/thaa pashu/m
1.23.14a puuSaa/ raa/jaanam aa/ghRNir a/paguuLhaM gu/haa hita/m
1.23.14c a/vindac citra/barhiSam
1.23.15a uto/ sa/ ma/hyam i/ndubhiH Sa/D yuktaa/M+ anuse/Sidhat
1.23.15c go/bhir ya/vaM na/ carkRSat
1.23.16a amba/yo yanty a/dhvabhir jaama/yo adhvariiyataa/m
1.23.16c pR~ncatii/r ma/dhunaa pa/yaH
1.23.17a amuu/r yaa/ u/pa suu/rye yaa/bhir vaa suu/ryaH saha/
1.23.17c taa/ no hinvantv adhvara/m
1.23.18a apo/ devii/r u/pa hvaye ya/tra gaa/vaH pi/banti naH
1.23.18c si/ndhubhyaH ka/rtvaM havi/H
1.23.19a apsv a\nta/r amR/tam apsu/ bheSaja/m apaa/m uta/ pra/shastaye
1.23.19c de/vaa bha/vata vaaji/naH
1.23.20a apsu/ me so/mo abraviid anta/r vi/shvaani bheSajaa/
1.23.20c agni/M ca vishva/shambhuvam aa/pash ca vishva/bheSajiiH
1.23.21a aa/paH pRNiita/ bheSaja/M va/ruuthaM tanve\ ma/ma
1.23.21c jyo/k ca suu/ryaM dRshe/
1.23.22a ida/m aapaH pra/ vahata ya/t ki/M ca durita/m ma/yi
1.23.22c ya/d vaaha/m abhidudro/ha ya/d vaa shepa/ utaa/nRtam
1.23.23a aa/po adyaa/nv acaariSaM ra/sena sa/m agasmahi
1.23.23c pa/yasvaan agna aa/ gahi ta/m maa sa/M sRja va/rcasaa
1.23.24a sa/m maagne va/rcasaa sRja sa/m praja/yaa sa/m aa/yuSaa
1.23.24c vidyu/r me asya devaa/ i/ndro vidyaat saha/ R/SibhiH
1.24.1a ka/sya nuuna/M katama/syaamR/taanaam ma/naamahe caa/ru deva/sya naa/ma
1.24.1c ko/ no mahyaa/ a/ditaye pu/nar daat pita/raM ca dRshe/yam maata/raM ca
1.24.2a agne/r vaya/m prathama/syaamR/taanaam ma/naamahe caa/ru deva/sya naa/ma
1.24.2c sa/ no mahyaa/ a/ditaye pu/nar daat pita/raM ca dRshe/yam maata/raM ca
1.24.3a abhi/ tvaa deva savitar ii/shaanaM vaa/ryaaNaam
1.24.3c sa/daavan bhaaga/m iimahe
1.24.4a ya/sh cid dhi/ ta itthaa/ bha/gaH shashamaana/H puraa/ nida/H
1.24.4c adveSo/ ha/stayor dadhe/
1.24.5a bha/gabhaktasya te vaya/m u/d ashema ta/vaa/vasaa
1.24.5c muurdhaa/naM raaya/ aara/bhe
1.24.6a nahi/ te kSatra/M na/ sa/ho na/ manyu/M va/yash canaa/mii/ pata/yanta aapu/H
1.24.6c ne/maa/ aa/po animiSa/M ca/rantiir na/ ye/ vaa/tasya pramina/nty a/bhvam
1.24.7a abudhne/ raa/jaa va/ruNo va/nasyordhva/M stuu/paM dadate puuta/dakSaH
1.24.7c niicii/naa sthur upa/ri budhna/ eSaam asme/ anta/r ni/hitaaH keta/vaH syuH
1.24.8a uru/M hi/ raa/jaa va/ruNash cakaa/ra suu/ryaaya pa/nthaam a/nvetavaa/ u
1.24.8c apa/de paa/daa pra/tidhaatave .akar utaa/pavaktaa/ hRdayaavi/dhash cit
1.24.9a shata/M te raajan bhiSa/jaH saha/sram urvii/ gabhiiraa/ sumati/S Te astu
1.24.9c baa/dhasva duure/ ni/rRtim paraacai/H kRta/M cid e/naH pra/ mumugdhy asma/t
1.24.10a amii/ ya/ R/kSaa ni/hitaasa uccaa/ na/ktaM da/dRshre ku/ha cid di/veyuH
1.24.10c a/dabdhaani va/ruNasya vrataa/ni vicaa/kashac candra/maa na/ktam eti
1.24.11a ta/t tvaa yaami bra/hmaNaa va/ndamaanas ta/d aa/ shaaste ya/jamaano havi/rbhiH
1.24.11c a/heLamaano varuNeha/ bodhy u/rushaMsa maa/ na aa/yuH pra/ moSiiH
1.24.12a ta/d i/n na/ktaM ta/d di/vaa ma/hyam aahus ta/d aya/M ke/to hRda/ aa/ vi/ caSTe
1.24.12c shu/naHshe/po ya/m a/hvad gRbhiita/H so/ asmaa/n raa/jaa va/ruNo mumoktu
1.24.13a shu/naHshe/po hy a/hvad gRbhiita/s triSv aaaa\ditya/M drupade/Su baddha/H
1.24.13c a/vainaM raa/jaa va/ruNaH sasRjyaad vidvaa/M+ a/dabdho vi/ mumoktu paa/shaan
1.24.14a a/va te he/Lo varuNa na/mobhir a/va yaj~ne/bhir iimahe havi/rbhiH
1.24.14c kSa/yann asma/bhyam asura pracetaa raa/jann e/naaMsi shishrathaH kRtaa/ni
1.24.15a u/d uttama/M varuNa paa/sham asma/d a/vaadhama/M vi/ madhyama/M shrathaaya
1.24.15c a/thaa vaya/m aaditya vrate/ ta/vaa/naagaso a/ditaye syaama
1.25.1a ya/c cid dhi/ te vi/sho yathaa pra/ deva varuNa vrata/m
1.25.1c miniima/si dya/vi-dyavi
1.25.2a maa/ no vadhaa/ya hatna/ve jihiiLaana/sya riiradhaH
1.25.2c maa/ hRNaana/sya manya/ve
1.25.3a vi/ mRLiikaa/ya te ma/no rathii/r a/shvaM na/ sa/Mditam
1.25.3c giirbhi/r varuNa siimahi
1.25.4a pa/raa hi/ me vi/manyavaH pa/tanti va/sya.aiSTaye
1.25.4c va/yo na/ vasatii/r u/pa
1.25.5a kadaa/ kSatrashri/yaM na/ram aa/ va/ruNaM karaamahe
1.25.5c mRLiikaa/yoruca/kSasam
1.25.6a ta/d i/t samaana/m aashaate ve/nantaa na/ pra/ yuchataH
1.25.6c dhRta/vrataaya daashu/Se
1.25.7a ve/daa yo/ viinaa/m pada/m anta/rikSeNa pa/tataam
1.25.7c ve/da naava/H samudri/yaH
1.25.8a ve/da maaso/ dhRta/vrato dvaa/dasha prajaa/vataH
1.25.8c ve/daa ya/ upajaa/yate
1.25.9a ve/da vaa/tasya vartani/m uro/r RSva/sya bRhata/H
1.25.9c ve/daa ye/ adhyaa/sate
1.25.10a ni/ Sasaada dhRta/vrato va/ruNaH pastyaaaa\sv aa/
1.25.10c saa/mraajyaaya sukra/tuH
1.25.11a a/to vi/shvaany a/dbhutaa cikitvaa/M+ abhi/ pashyati
1.25.11c kRtaa/ni yaa/ ca ka/rtvaa
1.25.12a sa/ no vishvaa/haa sukra/tur aaditya/H supa/thaa karat
1.25.12c pra/ Na aa/yuuMSi taariSat
1.25.13a bi/bhrad draapi/M hiraNya/yaM va/ruNo vasta nirNi/jam
1.25.13c pa/ri spa/sho ni/ Sedire
1.25.14a na/ ya/M di/psanti dipsa/vo na/ dru/hvaaNo ja/naanaam
1.25.14c na/ deva/m abhi/maatayaH
1.25.15a uta/ yo/ maa/nuSeSv aa/ ya/shash cakre/ a/saamy aa/
1.25.15c asmaa/kam uda/reSv aa/
1.25.16a pa/raa me yanti dhiita/yo gaa/vo na/ ga/vyuutiir a/nu
1.25.16c icha/ntiir uruca/kSasam
1.25.17a sa/M nu/ vocaavahai pu/nar ya/to me ma/dhv aa/bhRtam
1.25.17c ho/teva kSa/dase priya/m
1.25.18a da/rshaM nu/ vishva/darshataM da/rshaM ra/tham a/dhi kSa/mi
1.25.18c etaa/ juSata me gi/raH
1.25.19a ima/m me varuNa shrudhii ha/vam adyaa/ ca mRLaya
1.25.19c tvaa/m avasyu/r aa/ cake
1.25.20a tva/M vi/shvasya medhira diva/sh ca gma/sh ca raajasi
1.25.20c sa/ yaa/mani pra/ti shrudhi
1.25.21a u/d uttama/m mumugdhi no vi/ paa/sham madhyama/M cRta
1.25.21c a/vaadhamaa/ni jiiva/se
1.26.1a va/siSvaa hi/ miyedhya va/straaNy uurjaam pate
1.26.1c se/ma/M no adhvara/M yaja
1.26.2a ni/ no ho/taa va/reNyaH sa/daa yaviSTha ma/nmabhiH
1.26.2c a/gne divi/tmataa va/caH
1.26.3a aa/ hi/ Smaa suuna/ve pitaa/pi/r ya/jaty aapa/ye
1.26.3c sa/khaa sa/khye va/reNyaH
1.26.4a aa/ no barhii/ rishaa/daso va/ruNo mitro/ aryamaa/
1.26.4c sii/dantu ma/nuSo yathaa
1.26.5a puu/rvya hotar asya/ no ma/ndasva sakhya/sya ca
1.26.5c imaa/ u Su/ shrudhii gi/raH
1.26.6a ya/c cid dhi/ sha/shvataa ta/naa deva/M-devaM ya/jaamahe
1.26.6c tve/ i/d dhuuyate havi/H
1.26.7a priyo/ no astu vishpa/tir ho/taa mandro/ va/reNyaH
1.26.7c priyaa/H svagna/yo vaya/m
1.26.8a svagna/yo hi/ vaa/ryaM devaa/so dadhire/ ca naH
1.26.8c svagna/yo manaamahe
1.26.9a a/thaa na ubha/yeSaam a/mRta ma/rtyaanaam
1.26.9c mitha/H santu pra/shastayaH
1.26.10a vi/shvebhir agne agni/bhir ima/M yaj~na/m ida/M va/caH
1.26.10c ca/no dhaaH sahaso yaho
1.27.1a a/shvaM na/ tvaa vaa/ravantaM vanda/dhyaa agni/M na/mobhiH
1.27.1c samraa/jantam adhvaraa/Naam
1.27.2a sa/ ghaa naH suunu/H sha/vasaa pRthu/pragaamaa sushe/vaH
1.27.2c miiDhvaa/M+ asmaa/kam babhuuyaat
1.27.3a sa/ no duuraa/c caasaa/c ca ni/ ma/rtyaad aghaayo/H
1.27.3c paahi/ sa/dam i/d vishvaa/yuH
1.27.4a ima/m uu Su/ tva/m asmaa/kaM sani/M gaayatra/M na/vyaaMsam
1.27.4c a/gne deve/Su pra/ vocaH
1.27.5a aa/ no bhaja parame/Sv aa/ vaa/jeSu madhyame/Su
1.27.5c shi/kSaa va/svo a/ntamasya
1.27.6a vibhaktaa/si citrabhaano si/ndhor uurmaa/ upaaka/ aa/
1.27.6c sadyo/ daashu/Se kSarasi
1.27.7a ya/m agne pRtsu/ ma/rtyam a/vaa vaa/jeSu ya/M junaa/H
1.27.7c sa/ ya/ntaa sha/shvatiir i/SaH
1.27.8a na/kir asya sahantya paryetaa/ ka/yasya cit
1.27.8c vaa/jo asti shravaa/yyaH
1.27.9a sa/ vaa/jaM vishva/carSaNir a/rvadbhir astu ta/rutaa
1.27.9c vi/prebhir astu sa/nitaa
1.27.10a ja/raabodha ta/d viviDDhi vishe/-vishe yaj~ni/yaaya
1.27.10c sto/maM rudraa/ya dR/shiikam
1.27.11a sa/ no mahaa/M+ animaano/ dhuuma/ketuH purushcandra/H
1.27.11c dhiye/ vaa/jaaya hinvatu
1.27.12a sa/ revaa/M+ iva vishpa/tir dai/vyaH ketu/H shRNotu naH
1.27.12c ukthai/r agni/r bRha/dbhaanuH
1.27.13a na/mo maha/dbhyo na/mo arbhake/bhyo na/mo yu/vabhyo na/ma aashine/bhyaH
1.27.13c ya/jaama devaa/n ya/di shakna/vaama maa/ jyaa/yasaH sha/Msam aa/ vRkSi devaaH
1.28.1a ya/tra graa/vaa pRthu/budhna uurdhvo/ bha/vati so/tave
1.28.1c uluu/khalasutaanaam a/ve/d v indra jalgulaH
1.28.2a ya/tra dvaa/v iva jagha/naadhiSavaNyaaaa\ kRtaa/
1.28.2c uluu/khalasutaanaam a/ve/d v indra jalgulaH
1.28.3a ya/tra naa/ry apacyava/m upacyava/M ca shi/kSate
1.28.3c uluu/khalasutaanaam a/ve/d v indra jalgulaH
1.28.4a ya/tra ma/nthaaM vibadhna/te rashmii/n ya/mitavaa/ iva
1.28.4c uluu/khalasutaanaam a/ve/d v indra jalgulaH
1.28.5a ya/c cid dhi/ tva/M gRhe/-gRha u/luukhalaka yujya/se
1.28.5c iha/ dyuma/ttamaM vada ja/yataam iva dundubhi/H
1.28.6a uta/ sma te vanaspate vaa/to vi/ vaaty a/gram i/t
1.28.6c a/tho i/ndraaya paa/tave sunu/ so/mam uluukhala
1.28.7a aayajii/ vaajasaa/tamaa taa/ hy u\ccaa/ vijarbhRta/H
1.28.7c ha/rii ivaa/ndhaaMsi ba/psataa
1.28.8a taa/ no adya/ vanaspatii RSvaa/v RSve/bhiH sotR/bhiH
1.28.8c i/ndraaya ma/dhumat sutam
1.28.9a u/c chiSTa/M camvo\r bhara so/mam pavi/tra aa/ sRja
1.28.9c ni/ dhehi go/r a/dhi tvaci/
1.29.1a ya/c cid dhi/ satya somapaa anaashastaa/ iva sma/si
1.29.1c aa/ tuu/ na indra shaM+saya go/Sv a/shveSu shubhri/Su saha/sreSu tuviimagha
1.29.2a shi/prin vaajaanaam pate sha/ciivas ta/va daMsa/naa
1.29.2c aa/ tuu/ na indra shaM+saya go/Sv a/shveSu shubhri/Su saha/sreSu tuviimagha
1.29.3a ni/ Svaapayaa mithuudR/shaa sastaa/m a/budhyamaane
1.29.3c aa/ tuu/ na indra shaM+saya go/Sv a/shveSu shubhri/Su saha/sreSu tuviimagha
1.29.4a sasa/ntu tyaa/ a/raatayo bo/dhantu shuura raata/yaH
1.29.4c aa/ tuu/ na indra shaM+saya go/Sv a/shveSu shubhri/Su saha/sreSu tuviimagha
1.29.5a sa/m indra gardabha/m mRNa nuva/ntam paapa/yaamuyaa/
1.29.5c aa/ tuu/ na indra shaM+saya go/Sv a/shveSu shubhri/Su saha/sreSu tuviimagha
1.29.6a pa/taati kuNDRNaa/cyaa duura/M vaa/to va/naad a/dhi
1.29.6c aa/ tuu/ na indra shaM+saya go/Sv a/shveSu shubhri/Su saha/sreSu tuviimagha
1.29.7a sa/rvam parikrosha/M jahi jambha/yaa kRkadaashva\m
1.29.7c aa/ tuu/ na indra shaM+saya go/Sv a/shveSu shubhri/Su saha/sreSu tuviimagha
1.30.1a aa/ va i/ndraM kri/viM yathaa vaajaya/ntaH shata/kratum
1.30.1c ma/MhiSThaM si~nca i/ndubhiH
1.30.2a shata/M vaa ya/H shu/ciinaaM saha/sraM vaa sa/maashiraam
1.30.2c e/d u nimna/M na/ riiyate
1.30.3a sa/M ya/n ma/daaya shuSmi/Na enaa/ hy a\syoda/re
1.30.3c samudro/ na/ vya/co dadhe/
1.30.4a aya/m u te sa/m atasi kapo/ta iva garbhadhi/m
1.30.4c va/cas ta/c cin na ohase
1.30.5a stotra/M raadhaanaam pate gi/rvaaho viira ya/sya te
1.30.5c vi/bhuutir astu suunR/taa
1.30.6a uurdhva/s tiSThaa na uuta/ye .asmi/n vaa/je shatakrato
1.30.6c sa/m anye/Su bravaavahai
1.30.7a yo/ge-yoge tava/staraM vaa/je-vaaje havaamahe
1.30.7c sa/khaaya i/ndram uuta/ye
1.30.8a aa/ ghaa gamad ya/di shra/vat sahasri/Niibhir uuti/bhiH
1.30.8c vaa/jebhir u/pa no ha/vam
1.30.9a a/nu pratna/syau/kaso huve/ tuviprati/M na/ram
1.30.9c ya/M te puu/rvam pitaa/ huve/
1.30.10a ta/M tvaa vaya/M vishvavaaraa/ shaasmahe puruhuuta
1.30.10c sa/khe vaso jaritR/bhyaH
1.30.11a asmaa/kaM shipri/NiinaaM so/mapaaH somapaa/vnaam
1.30.11c sa/khe vajrin sa/khiinaam
1.30.12a ta/thaa ta/d astu somapaaH sa/khe vajrin ta/thaa kRNu
1.30.12c ya/thaa ta ushma/siiSTa/ye
1.30.13a reva/tiir naH sadhamaa/da i/ndre santu tuvi/vaajaaH
1.30.13c kSuma/nto yaa/bhir ma/dema
1.30.14a aa/ gha tvaa/vaan tma/naapta/ stotR/bhyo dhRSNav iyaana/H
1.30.14c RNo/r a/kSaM na/ cakryo\H
1.30.15a aa/ ya/d du/vaH shatakratav aa/ kaa/maM jaritRRNaa/m
1.30.15c RNo/r a/kSaM na/ sha/ciibhiH
1.30.16a sha/shvad i/ndraH po/pruthadbhir jigaaya naa/nadadbhiH shaa/shvasadbhir dha/naani
1.30.16c sa/ no hiraNyaratha/M daMsa/naavaan sa/ naH sanitaa/ sana/ye sa/ no .adaat
1.30.17a aa/shvinaav a/shvaavatyeSaa/ yaataM sha/viirayaa
1.30.17c go/mad dasraa hi/raNyavat
1.30.18a samaana/yojano hi/ vaaM ra/tho dasraav a/martyaH
1.30.18c samudre/ ashvine/yate
1.30.19a ny a\ghnya/sya muurdha/ni cakra/M ra/thasya yemathuH
1.30.19c pa/ri dyaa/m anya/d iiyate
1.30.20a ka/s ta uSaH kadhapriye bhuje/ ma/rto amartye
1.30.20c ka/M nakSase vibhaavari
1.30.21a vaya/M hi/ te a/manmahy aa/ntaad aa/ paraakaa/t
1.30.21c a/shve na/ citre aruSi
1.30.22a tva/M tye/bhir aa/ gahi vaa/jebhir duhitar divaH
1.30.22c asme/ rayi/M ni/ dhaaraya
1.31.1a tva/m agne prathamo/ a/~Ngiraa R/Sir devo/ devaa/naam abhavaH shiva/H sa/khaa
1.31.1c ta/va vrate/ kava/yo vidmanaa/paso/ .ajaayanta maru/to bhraa/jadRSTayaH
1.31.2a tva/m agne prathamo/ a/~NgirastamaH kavi/r devaa/naam pa/ri bhuuSasi vrata/m
1.31.2c vibhu/r vi/shvasmai bhu/vanaaya me/dhiro dvimaataa/ shayu/H katidhaa/ cid aaya/ve
1.31.3a tva/m agne prathamo/ maatari/shvana aavi/r bhava sukratuuyaa/ viva/svate
1.31.3c a/rejetaaM ro/dasii hotRvuu/rye/ .asaghnor bhaara/m a/yajo maho/ vaso
1.31.4a tva/m agne ma/nave dyaa/m avaashayaH puruura/vase sukR/te sukR/ttaraH
1.31.4c shvaatre/Na ya/t pitro/r mu/cyase pa/ry aa/ tvaa puu/rvam anayann aa/param pu/naH
1.31.5a tva/m agne vRSabha/H puSTiva/rdhana u/dyatasruce bhavasi shravaa/yyaH
1.31.5c ya/ aa/hutim pa/ri ve/daa va/SaTkRtim e/kaayur a/gre vi/sha aavi/vaasasi
1.31.6a tva/m agne vRjina/vartaniM na/raM sa/kman piparSi vida/the vicarSaNe
1.31.6c ya/H shuu/rasaataa pa/ritakmye dha/ne dabhre/bhish cit sa/mRtaa ha/Msi bhuu/yasaH
1.31.7a tva/M ta/m agne amRtatva/ uttame/ ma/rtaM dadhaasi shra/vase dive/-dive
1.31.7c ya/s taatRSaaNa/ ubha/yaaya ja/nmane ma/yaH kRNo/Si pra/ya aa/ ca suura/ye
1.31.8a tva/M no agne sana/ye dha/naanaaM yasha/saM kaaru/M kRNuhi sta/vaanaH
1.31.8c Rdhyaa/ma ka/rmaapa/saa na/vena devai/r dyaavaapRthivii praa/vataM naH
1.31.9a tva/M no agne pitro/r upa/stha aa/ devo/ deve/Sv anavadya jaa/gRviH
1.31.9c tanuukR/d bodhi pra/matish ca kaara/ve tva/M kalyaaNa va/su vi/shvam o/piSe
1.31.10a tva/m agne pra/matis tva/m pitaa/si nas tva/M vayaskR/t ta/va jaama/yo vaya/m
1.31.10c sa/M tvaa raa/yaH shati/naH sa/M sahasri/NaH suvii/raM yanti vratapaa/m adaabhya
1.31.11a tvaa/m agne prathama/m aayu/m aaya/ve devaa/ akRNvan na/huSasya vishpa/tim
1.31.11c i/Laam akRNvan ma/nuSasya shaa/saniim pitu/r ya/t putro/ ma/makasya jaa/yate
1.31.12a tva/M no agne ta/va deva paayu/bhir magho/no rakSa tanva\sh ca vandya
1.31.12c traataa/ toka/sya ta/naye ga/vaam asy a/nimeSaM ra/kSamaaNas ta/va vrate/
1.31.13a tva/m agne ya/jyave paayu/r a/ntaro .aniSa~Ngaa/ya caturakSa/ idhyase
1.31.13c yo/ raata/havyo .avRkaa/ya dhaa/yase kiire/sh cin ma/ntram ma/nasaa vano/Si ta/m
1.31.14a tva/m agna urusha/Msaaya vaagha/te spaarha/M ya/d re/kNaH parama/M vano/Si ta/t
1.31.14c aadhra/sya cit pra/matir ucyase pitaa/ pra/ paa/kaM shaa/ssi pra/ di/sho vidu/STaraH
1.31.15a tva/m agne pra/yatadakSiNaM na/raM va/rmeva syuuta/m pa/ri paasi vishva/taH
1.31.15c svaadukSa/dmaa yo/ vasatau/ syonakR/j jiivayaaja/M ya/jate so/pamaa/ diva/H
1.31.16a imaa/m agne shara/Nim miimRSo na ima/m a/dhvaanaM ya/m a/gaama duuraa/t
1.31.16c aapi/H pitaa/ pra/matiH somyaa/naam bhR/mir asy RSikR/n ma/rtyaanaam
1.31.17a manuSva/d agne a~Ngirasva/d a~Ngiro yayaativa/t sa/dane puurvava/c chuce
1.31.17c a/cha yaahy aa/ vahaa dai/vyaM ja/nam aa/ saadaya barhi/Si ya/kSi ca priya/m
1.31.18a ete/naagne bra/hmaNaa vaavRdhasva sha/ktii vaa ya/t te cakRmaa/ vidaa/ vaa
1.31.18c uta/ pra/ NeSy abhi/ va/syo asmaa/n sa/M naH sRja sumatyaa/ vaa/javatyaa
1.32.1a i/ndrasya nu/ viiryaaaa\Ni pra/ vocaM yaa/ni cakaa/ra prathamaa/ni vajrii/
1.32.1c a/hann a/him a/nv apa/s tatarda pra/ vakSa/Naa abhinat pa/rvataanaam
1.32.2a a/hann a/him pa/rvate shishriyaaNa/M tva/STaasmai va/jraM svarya\M tatakSa
1.32.2c vaashraa/ iva dhena/vaH sya/ndamaanaa a/~njaH samudra/m a/va jagmur aa/paH
1.32.3a vRSaaya/maaNo .avRNiita so/maM tri/kadrukeSv apibat suta/sya
1.32.3c aa/ saa/yakam magha/vaadatta va/jram a/hann enam prathamajaa/m a/hiinaam
1.32.4a ya/d indraa/han prathamajaa/m a/hiinaam aa/n maayi/naam a/minaaH pro/ta/ maayaa/H
1.32.4c aa/t suu/ryaM jana/yan dyaa/m uSaa/saM taadii/tnaa sha/truM na/ ki/laa vivitse
1.32.5a a/han vRtra/M vRtrata/raM vya\Msam i/ndro va/jreNa mahataa/ vadhe/na
1.32.5c ska/ndhaaMsiiva ku/lishenaa vi/vRkNaa/hiH shayata upapR/k pRthivyaa/H
1.32.6a ayoddhe/va durma/da aa/ hi/ juhve/ mahaaviira/M tuvibaadha/m RjiiSa/m
1.32.6c naa/taariid asya sa/mRtiM vadhaa/naaM sa/M rujaa/naaH pipiSa i/ndrashatruH
1.32.7a apaa/d ahasto/ apRtanyad i/ndram aa/sya va/jram a/dhi saa/nau jaghaana
1.32.7c vR/SNo va/dhriH pratimaa/nam bu/bhuuSan purutraa/ vRtro/ ashayad vya\staH
1.32.8a nada/M na/ bhinna/m amuyaa/ sha/yaanam ma/no ru/haaNaa a/ti yanty aa/paH
1.32.8c yaa/sh cid vRtro/ mahinaa/ parya/tiSThat taa/saam a/hiH patsutaHshii/r babhuuva
1.32.9a niicaa/vayaa abhavad vRtra/putre/ndro asyaa a/va va/dhar jabhaara
1.32.9c u/ttaraa suu/r a/dharaH putra/ aasiid daa/nuH shaye saha/vatsaa na/ dhenu/H
1.32.10a a/tiSThantiinaam aniveshanaa/naaM kaa/SThaanaam ma/dhye ni/hitaM sha/riiram
1.32.10c vRtra/sya niNya/M vi/ caranty aa/po diirgha/M ta/ma aa/shayad i/ndrashatruH
1.32.11a daasa/patniir a/higopaa atiSThan ni/ruddhaa aa/paH paNi/neva gaa/vaH
1.32.11c apaa/m bi/lam a/pihitaM ya/d aa/siid vRtra/M jaghanvaa/M+ a/pa ta/d vavaara
1.32.12a a/shvyo vaa/ro abhavas ta/d indra sRke/ ya/t tvaa pratya/han deva/ e/kaH
1.32.12c a/jayo gaa/ a/jayaH shuura so/mam a/vaasRjaH sa/rtave sapta/ si/ndhuun
1.32.13a naa/smai vidyu/n na/ tanyatu/H siSedha na/ yaa/m mi/ham a/kirad dhraadu/niM ca
1.32.13c i/ndrash ca ya/d yuyudhaa/te a/hish cotaa/parii/bhyo magha/vaa vi/ jigye
1.32.14a a/her yaataa/raM ka/m apashya indra hRdi/ ya/t te jaghnu/So bhii/r a/gachat
1.32.14c na/va ca ya/n navati/M ca sra/vantiiH shyeno/ na/ bhiito/ a/taro ra/jaaMsi
1.32.15a i/ndro yaato/ .avasitasya raa/jaa sha/masya ca shR~Ngi/No va/jrabaahuH
1.32.15c se/d u raa/jaa kSayati carSaNiinaa/m araa/n na/ nemi/H pa/ri taa/ babhuuva
1.33.1a e/taa/yaamo/pa gavya/nta i/ndram asmaa/kaM su/ pra/matiM vaavRdhaati
1.33.1c anaamRNa/H kuvi/d aa/d asya/ raayo/ ga/vaaM ke/tam pa/ram aava/rjate naH
1.33.2a u/pe/d aha/M dhanadaa/m a/pratiitaM ju/STaaM na/ shyeno/ vasati/m pataami
1.33.2c i/ndraM namasya/nn upame/bhir arkai/r ya/ stotR/bhyo ha/vyo a/sti yaa/man
1.33.3a ni/ sa/rvasena iSudhii/M+r asakta sa/m aryo/ gaa/ ajati ya/sya va/STi
1.33.3c coSkuuya/maaNa indra bhuu/ri vaama/m maa/ paNi/r bhuur asma/d a/dhi pravRddha
1.33.4a va/dhiir hi/ da/syuM dhani/naM ghane/naM+ e/kash ca/rann upashaake/bhir indra
1.33.4c dha/nor a/dhi viSuNa/k te/ vy aaaa\yann a/yajvaanaH sanakaa/H pre/tim iiyuH
1.33.5a pa/raa cic chiirSaa/ vavRjus ta/ indraa/yajvaano ya/jvabhi spa/rdhamaanaaH
1.33.5c pra/ ya/d divo/ hariva sthaatar ugra ni/r avrataa/M+ adhamo ro/dasyoH
1.33.6a a/yuyutsann anavadya/sya se/naam a/yaatayanta kSita/yo na/vagvaaH
1.33.6c vRSaayu/dho na/ va/dhrayo ni/raSTaaH prava/dbhir i/ndraac cita/yanta aayan
1.33.7a tva/m etaa/n rudato/ ja/kSatash caa/yodhayo ra/jasa indra paare/
1.33.7c a/vaadaho diva/ aa/ da/syum uccaa/ pra/ sunvata/ stuvata/H sha/Msam aavaH
1.33.8a cakraaNaa/saH pariiNa/ham pRthivyaa/ hi/raNyena maNi/naa shu/mbhamaanaaH
1.33.8c na/ hinvaanaa/sas titirus ta/ i/ndram pa/ri spa/sho adadhaat suu/ryeNa
1.33.9a pa/ri ya/d indra ro/dasii ubhe/ a/bubhojiir mahinaa/ vishva/taH siim
1.33.9c a/manyamaanaaM+ abhi/ ma/nyamaanair ni/r brahma/bhir adhamo da/syum indra
1.33.10a na/ ye/ diva/H pRthivyaa/ a/ntam aapu/r na/ maayaa/bhir dhanadaa/m parya/bhuuvan
1.33.10c yu/jaM va/jraM vRSabha/sh cakra i/ndro ni/r jyo/tiSaa ta/maso gaa/ adukSat
1.33.11a a/nu svadhaa/m akSarann aa/po asyaa/vardhata ma/dhya aa/ naavyaaaa\naam
1.33.11c sadhriicii/nena ma/nasaa ta/m i/ndra o/jiSThena ha/nmanaahann abhi/ dyuu/n
1.33.12a ny aaaa\vidhyad iliibi/shasya dRLhaa/ vi/ shR~Ngi/Nam abhinac chu/SNam i/ndraH
1.33.12c yaa/vat ta/ro maghavan yaa/vad o/jo va/jreNa sha/trum avadhiiH pRtanyu/m
1.33.13a abhi/ sidhmo/ ajigaad asya sha/truun vi/ tigme/na vRSabhe/Naa pu/ro .abhet
1.33.13c sa/M va/jreNaasRjad vRtra/m i/ndraH pra/ svaa/m mati/m atirac chaa/shadaanaH
1.33.14a aa/vaH ku/tsam indra ya/smi~n caaka/n praa/vo yu/dhyantaM vRSabha/M da/shadyum
1.33.14c shapha/cyuto reNu/r nakSata dyaa/m u/c chvaitreyo/ nRSaa/hyaaya tasthau
1.33.15a aa/vaH sha/maM vRSabha/M tu/gryaasu kSetrajeSe/ maghava~n chvi/tryaM gaa/m
1.33.15c jyo/k cid a/tra tasthivaa/Mso akra~n chatruuyataa/m a/dharaa ve/danaakaH
1.34.1a tri/sh cin no adyaa/ bhavataM navedasaa vibhu/r vaaM yaa/ma uta/ raati/r ashvinaa
1.34.1c yuvo/r hi/ yantra/M himye/va vaa/saso .abhyaayaMse/nyaa bhavatam maniiSi/bhiH
1.34.2a tra/yaH pava/yo madhuvaa/hane ra/the so/masya venaa/m a/nu vi/shva i/d viduH
1.34.2c tra/ya skambhaa/sa skabhitaa/sa aara/bhe tri/r na/ktaM yaatha/s tri/r v ashvinaa di/vaa
1.34.3a samaane/ a/han tri/r avadyagohanaa tri/r adya/ yaj~na/m ma/dhunaa mimikSatam
1.34.3c tri/r vaa/javatiir i/So ashvinaa yuva/M doSaa/ asma/bhyam uSa/sash ca pinvatam
1.34.4a tri/r varti/r yaataM tri/r a/nuvrate jane/ tri/H supraavye\ tredhe/va shikSatam
1.34.4c tri/r naandya\M vahatam ashvinaa yuva/M tri/H pR/kSo asme/ akSa/reva pinvatam
1.34.5a tri/r no rayi/M vahatam ashvinaa yuva/M tri/r deva/taataa tri/r utaa/vataM dhi/yaH
1.34.5c tri/H saubhagatva/M tri/r uta/ shra/vaaMsi nas triSTha/M vaaM suu/re duhitaa/ ruhad ra/tham
1.34.6a tri/r no ashvinaa divyaa/ni bheSajaa/ tri/H paa/rthivaani tri/r u dattam adbhya/H
1.34.6c omaa/naM shaMyo/r ma/makaaya suuna/ve tridhaa/tu sha/rma vahataM shubhas patii
1.34.7a tri/r no ashvinaa yajataa/ dive/-dive pa/ri tridhaa/tu pRthivii/m ashaayatam
1.34.7c tisro/ naasatyaa rathyaa paraava/ta aatme/va vaa/taH sva/saraaNi gachatam
1.34.8a tri/r ashvinaa si/ndhubhiH sapta/maatRbhis tra/ya aahaavaa/s tredhaa/ havi/S kRta/m
1.34.8c tisra/H pRthivii/r upa/ri pravaa/ divo/ naa/kaM rakSethe dyu/bhir aktu/bhir hita/m
1.34.9a kva\ trii/ cakraa/ trivR/to ra/thasya kva\ tra/yo vandhu/ro ye/ sa/niiLaaH
1.34.9c kadaa/ yo/go vaaji/no raa/sabhasya ye/na yaj~na/M naasatyopayaatha/H
1.34.10a aa/ naasatyaa ga/chataM huuya/te havi/r ma/dhvaH pibatam madhupe/bhir aasa/bhiH
1.34.10c yuvo/r hi/ puu/rvaM savito/Sa/so ra/tham Rtaa/ya citra/M ghRta/vantam i/Syati
1.34.11a aa/ naasatyaa tribhi/r ekaadashai/r iha/ deve/bhir yaatam madhupe/yam ashvinaa
1.34.11c praa/yus taa/riSTaM nii/ ra/paaMsi mRkSataM se/dhataM dve/So bha/vataM sacaabhu/vaa
1.34.12a aa/ no ashvinaa trivR/taa ra/thenaarvaa/~ncaM rayi/M vahataM suvii/ram
1.34.12c shRNva/ntaa vaam a/vase johaviimi vRdhe/ ca no bhavataM vaa/jasaatau
1.35.1a hva/yaamy agni/m prathama/M svasta/ye hva/yaami mitraa/va/ruNaav ihaa/vase
1.35.1c hva/yaami raa/triiM ja/gato nive/shaniiM hva/yaami deva/M savitaa/ram uuta/ye
1.35.2a aa/ kRSNe/na ra/jasaa va/rtamaano nivesha/yann amR/tam ma/rtyaM ca
1.35.2c hiraNya/yena savitaa/ ra/thenaa/ devo/ yaati bhu/vanaani pa/shyan
1.35.3a yaa/ti deva/H prava/taa yaa/ty udva/taa yaa/ti shubhraa/bhyaaM yajato/ ha/ribhyaam
1.35.3c aa/ devo/ yaati savitaa/ paraava/to/ .apa vi/shvaa duritaa/ baa/dhamaanaH
1.35.4a abhii/vRtaM kR/shanair vishva/ruupaM hi/raNyashamyaM yajato/ bRha/ntam
1.35.4c aa/sthaad ra/thaM savitaa/ citra/bhaanuH kRSNaa/ ra/jaaMsi ta/viSiiM da/dhaanaH
1.35.5a vi/ ja/naa~n chyaavaa/H shitipaa/do akhyan ra/thaM hi/raNyapra.augaM va/hantaH
1.35.5c sha/shvad vi/shaH savitu/r dai/vyasyopa/sthe vi/shvaa bhu/vanaani tasthuH
1.35.6a tisro/ dyaa/vaH savitu/r dvaa/ upa/sthaaM+ e/kaa yama/sya bhu/vane viraaSaa/T
1.35.6c aaNi/M na/ ra/thyam amR/taa/dhi tasthur iha/ braviitu ya/ u ta/c ci/ketat
1.35.7a vi/ suparNo/ anta/rikSaaNy akhyad gabhiira/vepaa a/suraH suniitha/H
1.35.7c kve\daa/niiM suu/ryaH ka/sh ciketa katamaa/M dyaa/M rashmi/r asyaa/ tataana
1.35.8a aSTau/ vy a\khyat kaku/bhaH pRthivyaa/s trii/ dha/nva yo/janaa sapta/ si/ndhuun
1.35.8c hiraNyaakSa/H savitaa/ deva/ aa/gaad da/dhad ra/tnaa daashu/Se vaa/ryaaNi
1.35.9a hi/raNyapaaNiH savitaa/ vi/carSaNir ubhe/ dyaa/vaapRthivii/ anta/r iiyate
1.35.9c a/paa/miivaam baa/dhate ve/ti suu/ryam abhi/ kRSNe/na ra/jasaa dyaa/m RNoti
1.35.10a hi/raNyahasto a/suraH suniitha/H sumRLiika/H sva/vaaM+ yaatv arvaa/~N
1.35.10c apase/dhan rakSa/so yaatudhaa/naan a/sthaad deva/H pratidoSa/M gRNaana/H
1.35.11a ye/ te pa/nthaaH savitaH puurvyaa/so .areNa/vaH su/kRtaa anta/rikSe
1.35.11c te/bhir no adya/ pathi/bhiH suge/bhii ra/kSaa ca no a/dhi ca bruuhi deva
1.36.1a pra/ vo yahva/m puruuNaa/M vishaa/M devayatii/naam
1.36.1c agni/M suukte/bhir va/cobhir iimahe / ya/M siim i/d anya/ ii/Late
1.36.2a ja/naaso agni/M dadhire sahovR/dhaM / havi/Smanto vidhema te
1.36.2c sa/ tva/M no adya/ suma/naa ihaa/vitaa/ / bha/vaa vaa/jeSu santya
1.36.3a pra/ tvaa duuta/M vRNiimahe ho/taaraM vishva/vedasam
1.36.3c maha/s te sato/ vi/ caranty arca/yo / divi/ spRshanti bhaana/vaH
1.36.4a devaa/sas tvaa va/ruNo mitro/ aryamaa/ / sa/M duuta/m pratna/m indhate
1.36.4c vi/shvaM so/ agne jayati tva/yaa dha/naM / ya/s te dadaa/sha ma/rtyaH
1.36.5a mandro/ ho/taa gRha/patir a/gne duuto/ vishaa/m asi
1.36.5c tve/ vi/shvaa sa/Mgataani vrataa/ dhruvaa/ / yaa/ni devaa/ a/kRNvata
1.36.6a tve/ i/d agne subha/ge yaviSThya / vi/shvam aa/ huuyate havi/H
1.36.6c sa/ tva/M no adya/ suma/naa utaa/para/M / ya/kSi devaa/n suvii/ryaa
1.36.7a ta/M ghem itthaa/ namasvi/na u/pa svaraa/jam aasate
1.36.7c ho/traabhir agni/m ma/nuSaH sa/m indhate / titirvaa/Mso a/ti sri/dhaH
1.36.8a ghna/nto vRtra/m ataran ro/dasii apa/ / uru/ kSa/yaaya cakrire
1.36.8c bhu/vat ka/Nve vR/Saa dyumny aa/hutaH / kra/ndad a/shvo ga/viSTiSu
1.36.9a sa/M siidasva mahaa/M+ asi sho/casva devavii/tamaH
1.36.9c vi/ dhuuma/m agne aruSa/m miyedhya sRja/ prashasta darshata/m
1.36.10a ya/M tvaa devaa/so ma/nave dadhu/r iha/ / ya/jiSThaM havyavaahana
1.36.10c ya/M ka/Nvo me/dhyaatithir dhanaspR/taM / ya/M vR/Saa ya/m upastuta/H
1.36.11a ya/m agni/m me/dhyaatithiH ka/Nva iidha/ Rtaa/d a/dhi
1.36.11c ta/sya pre/So diidiyus ta/m imaa/ R/cas / ta/m agni/M vardhayaamasi
1.36.12a raaya/s puurdhi svadhaavo/ .asti hi/ \!\ te/ .agne deve/Sv aa/pyam
1.36.12c tva/M vaa/jasya shru/tyasya raajasi / sa/ no mRLa mahaa/M+ asi
1.36.13a uurdhva/ uu Su/ Na uuta/ye ti/SThaa devo/ na/ savitaa/
1.36.13c uurdhvo/ vaa/jasya sa/nitaa ya/d a~nji/bhir / vaagha/dbhir vihva/yaamahe
1.36.14a uurdhvo/ naH paahy a/Mhaso ni/ ketu/naa / vi/shvaM sa/m atri/NaM daha
1.36.14c kRdhii/ na uurdhvaa/~n cara/thaaya jiiva/se / vidaa/ deve/Su no du/vaH
1.36.15a paahi/ no agne rakSa/saH paahi/ dhuurte/r a/raavNaH
1.36.15c paahi/ rii/Sata uta/ vaa ji/ghaaMsato / bR/hadbhaano ya/viSThya
1.36.16a ghane/va vi/Svag vi/ jahy a/raavNas / ta/purjambha yo/ asmadhru/k
1.36.16c yo/ ma/rtyaH shi/shiite a/ty aktu/bhir / maa/ naH sa/ ripu/r iishata
1.36.17a agni/r vavne suvii/ryam agni/H ka/Nvaaya sau/bhagam
1.36.17c agni/H praa/van mitro/ta/ me/dhyaatithim / agni/H saataa/ upastuta/m
1.36.18a agni/naa turva/shaM ya/dum \.\ paraava/ta / ugraa/devaM havaamahe
1.36.18c agni/r nayan na/vavaastvam bRha/drathaM / turvii/tiM da/syave sa/haH
1.36.19a ni/ tvaa/m agne ma/nur dadhe jyo/tir ja/naaya sha/shvate
1.36.19c diide/tha ka/Nva Rta/jaata ukSito/ / ya/M namasya/nti kRSTa/yaH
1.36.20a tveSaa/so agne/r a/mavanto arca/yo / bhiimaa/so na/ pra/tiitaye
1.36.20c rakSasvi/naH sa/dam i/d yaatumaa/vato vi/shvaM sa/m atri/NaM daha
1.37.1a kriiLa/M vaH sha/rdho maa/rutam anarvaa/NaM ratheshu/bham
1.37.1c ka/Nvaa abhi/ pra/ gaayata
1.37.2a ye/ pR/Satiibhir RSTi/bhiH saaka/M vaa/shiibhir a~nji/bhiH
1.37.2c a/jaayanta sva/bhaanavaH
1.37.3a ihe/va shRNva eSaaM ka/shaa ha/steSu ya/d va/daan
1.37.3c ni/ yaa/ma~n citra/m R~njate
1.37.4a pra/ vaH sha/rdhaaya ghR/Svaye tveSa/dyumnaaya shuSmi/Ne
1.37.4c deva/ttam bra/hma gaayata
1.37.5a pra/ shaMsaa go/Sv a/ghnyaM kriiLa/M ya/c cha/rdho maa/rutam
1.37.5c ja/mbhe ra/sasya vaavRdhe
1.37.6a ko/ vo va/rSiSTha aa/ naro diva/sh ca gma/sh ca dhuutayaH
1.37.6c ya/t siim a/ntaM na/ dhuunutha/
1.37.7a ni/ vo yaa/maaya maa/nuSo dadhra/ ugraa/ya manya/ve
1.37.7c ji/hiita pa/rvato giri/H
1.37.8a ye/Saam a/jmeSu pRthivii/ jujurvaa/M+ iva vishpa/tiH
1.37.8c bhiyaa/ yaa/meSu re/jate
1.37.9a sthira/M hi/ jaa/nam eSaaM va/yo maatu/r ni/retave
1.37.9c ya/t siim a/nu dvitaa/ sha/vaH
1.37.10a u/d u tye/ suuna/vo gi/raH kaa/SThaa a/jmeSv atnata
1.37.10c vaashraa/ abhij~nu/ yaa/tave
1.37.11a tya/M cid ghaa diirgha/m pRthu/m miho/ na/paatam a/mRdhram
1.37.11c pra/ cyaavayanti yaa/mabhiH
1.37.12a ma/ruto ya/d dha vo ba/laM ja/naaM+ acucyaviitana
1.37.12c girii/M+r acucyaviitana
1.37.13a ya/d dha yaa/nti maru/taH sa/M ha bruvate/ .adhvann aa/
1.37.13c shRNo/ti ka/sh cid eSaam
1.37.14a pra/ yaata shii/bham aashu/bhiH sa/nti ka/NveSu vo du/vaH
1.37.14c ta/tro Su/ maadayaadhvai
1.37.15a a/sti hi/ Smaa ma/daaya vaH sma/si Smaa vaya/m eSaam
1.37.15c vi/shvaM cid aa/yur jiiva/se
1.38.1a ka/d dha nuuna/M kadhapriyaH pitaa/ putra/M na/ ha/stayoH
1.38.1c dadhidhve/ vRktabarhiSaH
1.38.2a kva\ nuuna/M ka/d vo a/rthaM ga/ntaa divo/ na/ pRthivyaa/H
1.38.2c kva\ vo gaa/vo na/ raNyanti
1.38.3a kva\ vaH sumnaa/ na/vyaaMsi ma/rutaH kva\ suvitaa/
1.38.3c kvo\ vi/shvaani sau/bhagaa
1.38.4a ya/d yuuya/m pRshnimaataro ma/rtaasaH syaa/tana
1.38.4c stotaa/ vo amR/taH syaat
1.38.5a maa/ vo mRgo/ na/ ya/vase jaritaa/ bhuud a/joSyaH
1.38.5c pathaa/ yama/sya gaad u/pa
1.38.6a mo/ Su/ NaH pa/raa-paraa ni/rRtir durha/Naa vadhiit
1.38.6c padiiSTa/ tR/SNayaa saha/
1.38.7a satya/M tveSaa/ a/mavanto dha/nva~n cid aa/ rudri/yaasaH
1.38.7c mi/haM kRNvanty avaataa/m
1.38.8a vaashre/va vidyu/n mimaati vatsa/M na/ maataa/ siSakti
1.38.8c ya/d eSaaM vRSTi/r a/sarji
1.38.9a di/vaa cit ta/maH kRNvanti parja/nyenodavaahe/na
1.38.9c ya/t pRthivii/M vyunda/nti
1.38.10a a/dha svanaa/n maru/taaM vi/shvam aa/ sa/dma paa/rthivam
1.38.10c a/rejanta pra/ maa/nuSaaH
1.38.11a ma/ruto viiLupaaNi/bhish citraa/ ro/dhasvatiir a/nu
1.38.11c yaate/m a/khidrayaamabhiH
1.38.12a sthiraa/ vaH santu nema/yo ra/thaa a/shvaasa eSaam
1.38.12c su/saMskRtaa abhii/shavaH
1.38.13a a/chaa vadaa ta/naa giraa/ jaraa/yai bra/hmaNas pa/tim
1.38.13c agni/m mitra/M na/ darshata/m
1.38.14a mimiihi/ shlo/kam aasye\ parja/nya iva tatanaH
1.38.14c gaa/ya gaayatra/m ukthya\m
1.38.15a va/ndasva maa/rutaM gaNa/M tveSa/m panasyu/m arki/Nam
1.38.15c asme/ vRddhaa/ asann iha/
1.39.1a pra/ ya/d itthaa/ paraava/taH shoci/r na/ maa/nam a/syatha
1.39.1c ka/sya kra/tvaa marutaH ka/sya va/rpasaa ka/M yaatha ka/M ha dhuutayaH
1.39.2a sthiraa/ vaH santv aa/yudhaa paraaNu/de viiLuu/ uta/ pratiSka/bhe
1.39.2c yuSmaa/kam astu ta/viSii pa/niiyasii maa/ ma/rtyasya maayi/naH
1.39.3a pa/raa ha ya/t sthira/M hatha/ na/ro varta/yathaa guru/
1.39.3c vi/ yaathana vani/naH pRthivyaa/ vy aa/shaaH pa/rvataanaam
1.39.4a nahi/ vaH sha/trur vivide/ a/dhi dya/vi na/ bhuu/myaaM rishaadasaH
1.39.4c yuSmaa/kam astu ta/viSii ta/naa yujaa/ ru/draaso nuu/ cid aadhR/Se
1.39.5a pra/ vepayanti pa/rvataan vi/ vi~ncanti va/naspa/tiin
1.39.5c pro/ aarata maruto durma/daa iva de/vaasaH sa/rvayaa vishaa/
1.39.6a u/po ra/theSu pR/Satiir ayugdhvam pra/STir vahati ro/hitaH
1.39.6c aa/ vo yaa/maaya pRthivii/ cid ashrod a/biibhayanta maa/nuSaaH
1.39.7a aa/ vo makSuu/ ta/naaya ka/M ru/draa a/vo vRNiimahe
1.39.7c ga/ntaa nuuna/M no/ .avasaa ya/thaa pure/tthaa/ ka/Nvaaya bibhyu/Se
1.39.8a yuSme/Sito maruto ma/rtyeSita aa/ yo/ no a/bhva ii/Sate
1.39.8c vi/ ta/M yuyota sha/vasaa vy o/jasaa vi/ yuSmaa/kaabhir uuti/bhiH
1.39.9a a/saami hi/ prayajyavaH ka/NvaM dada/ pracetasaH
1.39.9c a/saamibhir maruta aa/ na uuti/bhir ga/ntaa vRSTi/M na/ vidyu/taH
1.39.10a a/saamy o/jo bibhRthaa sudaanavo/ .asaami dhuutayaH sha/vaH
1.39.10c RSidvi/Se marutaH parimanya/va i/SuM na/ sRjata dvi/Sam
1.40.1a u/t tiSTha brahmaNas pate devaya/ntas tvemahe
1.40.1c u/pa pra/ yantu maru/taH sudaa/nava i/ndra praashuu/r bhavaa sa/caa
1.40.2a tvaa/m i/d dhi/ sahasas putra ma/rtya upabruute/ dha/ne hite/
1.40.2c suvii/ryam maruta aa/ sva/shvyaM da/dhiita yo/ va aacake/
1.40.3a prai/tu bra/hmaNas pa/tiH pra/ devy e\tu suunR/taa
1.40.3c a/chaa viira/M na/ryam pa~Nkti/raadhasaM devaa/ yaj~na/M nayantu naH
1.40.4a yo/ vaagha/te da/daati suuna/raM va/su sa/ dhatte a/kSiti shra/vaH
1.40.4c ta/smaa i/LaaM suvii/raam aa/ yajaamahe supra/tuurtim aneha/sam
1.40.5a pra/ nuuna/m bra/hmaNas pa/tir ma/ntraM vadaty ukthya\m
1.40.5c ya/sminn i/ndro va/ruNo mitro/ aryamaa/ devaa/ o/kaaMsi cakrire/
1.40.6a ta/m i/d vocemaa vida/theSu shambhu/vam ma/ntraM devaa aneha/sam
1.40.6c imaa/M ca vaa/cam pratiha/ryathaa naro vi/shve/d vaamaa/ vo ashnavat
1.40.7a ko/ devaya/ntam ashnavaj ja/naM ko/ vRkta/barhiSam
1.40.7c pra/-pra daashvaa/n pastyaaaa\bhir asthitaantarvaa/vat kSa/yaM dadhe
1.40.8a u/pa kSatra/m pR~nciita/ ha/nti raa/jabhir bhaye/ cit sukSiti/M dadhe
1.40.8c naa/sya vartaa/ na/ tarutaa/ mahaadhane/ naa/rbhe asti vajri/NaH
1.41.1a ya/M ra/kSanti pra/cetaso va/ruNo mitro/ aryamaa/
1.41.1c nuu/ cit sa/ dabhyate ja/naH
1.41.2a ya/m baahu/teva pi/prati paa/nti ma/rtyaM riSa/H
1.41.2c a/riSTaH sa/rva edhate
1.41.3a vi/ durgaa/ vi/ dvi/SaH puro/ ghna/nti raa/jaana eSaam
1.41.3c na/yanti duritaa/ tira/H
1.41.4a suga/H pa/nthaa anRkSara/ aa/dityaasa Rta/M yate/
1.41.4c naa/traavakhaado/ asti vaH
1.41.5a ya/M yaj~na/M na/yathaa nara aa/dityaa Rju/naa pathaa/
1.41.5c pra/ vaH sa/ dhiita/ye nashat
1.41.6a sa/ ra/tnam ma/rtyo va/su vi/shvaM toka/m uta/ tma/naa
1.41.6c a/chaa gachaty a/stRtaH
1.41.7a kathaa/ raadhaama sakhaaya sto/mam mitra/syaaryamNa/H
1.41.7c ma/hi psa/ro va/ruNasya
1.41.8a maa/ vo ghna/ntam maa/ sha/pantam pra/ti voce devaya/ntam
1.41.8c sumnai/r i/d va aa/ vivaase
1.41.9a catu/rash cid da/damaanaad bibhiiyaa/d aa/ ni/dhaatoH
1.41.9c na/ duruktaa/ya spRhayet
1.42.1a sa/m puuSann a/dhvanas tira vy a/Mho vimuco napaat
1.42.1c sa/kSvaa deva pra/ Nas pura/H
1.42.2a yo/ naH puuSann agho/ vR/ko duHshe/va aadi/deshati
1.42.2c a/pa sma ta/m patho/ jahi
1.42.3a a/pa tya/m paripanthi/nam muSiivaa/NaM hurashci/tam
1.42.3c duura/m a/dhi srute/r aja
1.42.4a tva/M ta/sya dvayaavi/no .agha/shaMsasya ka/sya cit
1.42.4c padaa/bhi/ tiSTha ta/puSim
1.42.5a aa/ ta/t te dasra mantumaH puu/Sann a/vo vRNiimahe
1.42.5c ye/na pitRR/n a/codayaH
1.42.6a a/dhaa no vishvasaubhaga hi/raNyavaashiimattama
1.42.6c dha/naani suSa/Naa kRdhi
1.42.7a a/ti naH sashca/to naya sugaa/ naH supa/thaa kRNu
1.42.7c puu/Sann iha/ kra/tuM vidaH
1.42.8a abhi/ suuya/vasaM naya na/ navajvaaro/ a/dhvane
1.42.8c puu/Sann iha/ kra/tuM vidaH
1.42.9a shagdhi/ puurdhi/ pra/ yaMsi ca shishiihi/ praa/sy uda/ram
1.42.9c puu/Sann iha/ kra/tuM vidaH
1.42.10a na/ puuSa/Nam methaamasi suuktai/r abhi/ gRNiimasi
1.42.10c va/suuni dasma/m iimahe
1.43.1a ka/d rudraa/ya pra/cetase miiLhu/STamaaya ta/vyase
1.43.1c voce/ma sha/MtamaM hRde/
1.43.2a ya/thaa no a/ditiH ka/rat pa/shve nR/bhyo ya/thaa ga/ve
1.43.2c ya/thaa tokaa/ya rudri/yam
1.43.3a ya/thaa no mitro/ va/ruNo ya/thaa rudra/sh ci/ketati
1.43.3c ya/thaa vi/shve sajo/SasaH
1.43.4a gaatha/patim medha/patiM rudra/M ja/laaSabheSajam
1.43.4c ta/c chaMyo/H sumna/m iimahe
1.43.5a ya/H shukra/ iva suu/ryo hi/raNyam iva ro/cate
1.43.5c shre/STho devaa/naaM va/suH
1.43.6a sha/M naH karaty a/rvate suga/m meSaa/ya meSye\
1.43.6c nR/bhyo naa/ribhyo ga/ve
1.43.7a asme/ soma shri/yam a/dhi ni/ dhehi shata/sya nRNaa/m
1.43.7c ma/hi shra/vas tuvinRmNa/m
1.43.8a maa/ naH somaparibaa/dho maa/raatayo juhuranta
1.43.8c aa/ na indo vaa/je bhaja
1.43.9a yaa/s te prajaa/ amR/tasya pa/rasmin dhaa/mann Rta/sya
1.43.9c muurdhaa/ naa/bhaa soma vena aabhuu/SantiiH soma vedaH
1.44.1a a/gne vi/vasvad uSa/sash citra/M raa/dho amartya
1.44.1c aa/ daashu/Se jaatavedo vahaa tva/m adyaa/ devaa/M+ uSarbu/dhaH
1.44.2a ju/STo hi/ duuto/ a/si havyavaa/hano/ .agne rathii/r adhvaraa/Naam
1.44.2c sajuu/r ashvi/bhyaam uSa/saa suvii/ryam asme/ dhehi shra/vo bRha/t
1.44.3a adyaa/ duuta/M vRNiimahe va/sum agni/m purupriya/m
1.44.3c dhuuma/ketum bhaa/RjiikaM vyu\STiSu yaj~naa/naam adhvarashri/yam
1.44.4a shre/SThaM ya/viSTham a/tithiM svaaaa\hutaM ju/STaM ja/naaya daashu/Se
1.44.4c devaa/M+ a/chaa yaa/tave jaata/vedasam agni/m iiLe vyu\STiSu
1.44.5a staviSyaa/mi tvaa/m aha/M vi/shvasyaamRta bhojana
1.44.5c a/gne traataa/ram amR/tam miyedhya ya/jiSThaM havyavaahana
1.44.6a susha/Mso bodhi gRNate/ yaviSThya ma/dhujihvaH svaaaa\hutaH
1.44.6c pra/skaNvasya pratira/nn aa/yur jiiva/se namasyaa/ dai/vyaM ja/nam
1.44.7a ho/taaraM vishva/vedasaM sa/M hi/ tvaa vi/sha indha/te
1.44.7c sa/ aa/ vaha puruhuuta pra/cetaso/ .agne devaa/M+ iha/ drava/t
1.44.8a savitaa/ram uSa/sam ashvi/naa bha/gam agni/M vyu\STiSu kSa/paH
1.44.8c ka/Nvaasas tvaa suta/somaasa indhate havyavaa/haM svadhvara
1.44.9a pa/tir hy a\dhvaraa/Naam a/gne duuto/ vishaa/m a/si
1.44.9c uSarbu/dha aa/ vaha so/mapiitaye devaa/M+ adya/ svardR/shaH
1.44.10a a/gne puu/rvaa a/nuuSa/so vibhaavaso diide/tha vishva/darshataH
1.44.10c a/si graa/meSv avitaa/ puro/hito/ .asi yaj~ne/Su maa/nuSaH
1.44.11a ni/ tvaa yaj~na/sya saa/dhanam a/gne ho/taaram Rtvi/jam
1.44.11c manuSva/d deva dhiimahi pra/cetasaM jiira/M duuta/m a/martyam
1.44.12a ya/d devaa/naam mitramahaH puro/hito/ .antaro yaa/si duutya\m
1.44.12c si/ndhor iva pra/svanitaasa uurma/yo .agne/r bhraajante arca/yaH
1.44.13a shrudhi/ shrutkarNa va/hnibhir devai/r agne sayaa/vabhiH
1.44.13c aa/ siidantu barhi/Si mitro/ aryamaa/ praataryaa/vaaNo adhvara/m
1.44.14a shRNva/ntu sto/mam maru/taH sudaa/navo .agnijihvaa/ RtaavR/dhaH
1.44.14c pi/batu so/maM va/ruNo dhRta/vrato .ashvi/bhyaam uSa/saa sajuu/H
1.45.1a tva/m agne va/suuM+r iha/ rudraa/M+ aadityaa/M+ uta/
1.45.1c ya/jaa svadhvara/M ja/nam ma/nujaataM ghRtapru/Sam
1.45.2a shruSTiivaa/no hi/ daashu/Se devaa/ agne vi/cetasaH
1.45.2c taa/n rohidashva girvaNas tra/yastriMshatam aa/ vaha
1.45.3a priyamedhava/d atriva/j jaa/tavedo viruupava/t
1.45.3c a~Ngirasva/n mahivrata pra/skaNvasya shrudhii ha/vam
1.45.4a ma/hikerava uuta/ye priya/medhaa ahuuSata
1.45.4c raa/jantam adhvaraa/Naam agni/M shukre/Na shoci/Saa
1.45.5a ghR/taahavana santyemaa/ u Su/ shrudhii gi/raH
1.45.5c yaa/bhiH ka/Nvasya suuna/vo ha/vante/ .avase tvaa
1.45.6a tvaa/M citrashravastama ha/vante vikSu/ janta/vaH
1.45.6c shoci/Skesham purupriyaa/gne havyaa/ya vo/Lhave
1.45.7a ni/ tvaa ho/taaram Rtvi/jaM dadhire/ vasuvi/ttamam
1.45.7c shru/tkarNaM sapra/thastamaM vi/praa agne di/viSTiSu
1.45.8a aa/ tvaa vi/praa acucyavuH suta/somaa abhi/ pra/yaH
1.45.8c bRha/d bhaa/ bi/bhrato havi/r a/gne ma/rtaaya daashu/Se
1.45.9a praataryaa/vNaH sahaskRta somape/yaaya santya
1.45.9c ihaa/dya/ dai/vyaM ja/nam barhi/r aa/ saadayaa vaso
1.45.10a arvaa/~ncaM dai/vyaM ja/nam a/gne ya/kSva sa/huutibhiH
1.45.10c aya/M so/maH sudaanavas ta/m paata tiro/ahnyam
1.46.1a eSo/ uSaa/ a/puurvyaa vy u\chati priyaa/ diva/H
1.46.1c stuSe/ vaam ashvinaa bRha/t
1.46.2a yaa/ dasraa/ si/ndhumaataraa manota/raa rayiiNaa/m
1.46.2c dhiyaa/ devaa/ vasuvi/daa
1.46.3a vacya/nte vaaM kakuhaa/so juurNaa/yaam a/dhi viSTa/pi
1.46.3c ya/d vaaM ra/tho vi/bhiS pa/taat
1.46.4a havi/Saa jaaro/ apaa/m pi/parti pa/purir naraa
1.46.4c pitaa/ ku/Tasya carSaNi/H
1.46.5a aadaaro/ vaam matiinaa/M naa/satyaa matavacasaa
1.46.5c paata/M so/masya dhRSNuyaa/
1.46.6a yaa/ naH pii/parad ashvinaa jyo/tiSmatii ta/mas tira/H
1.46.6c taa/m asme/ raasaathaam i/Sam
1.46.7a aa/ no naavaa/ matiinaa/M yaata/m paaraa/ya ga/ntave
1.46.7c yu~njaa/thaam ashvinaa ra/tham
1.46.8a ari/traM vaaM diva/s pRthu/ tiirthe/ si/ndhuunaaM ra/thaH
1.46.8c dhiyaa/ yuyujra i/ndavaH
1.46.9a diva/s kaNvaasa i/ndavo va/su si/ndhuunaam pade/
1.46.9c sva/M vavri/M ku/ha dhitsathaH
1.46.10a a/bhuud u bhaa/ u aMsha/ve hi/raNyam pra/ti suu/ryaH
1.46.10c vy a\khyaj jihva/yaa/sitaH
1.46.11a a/bhuud u paara/m e/tave pa/nthaa Rta/sya saadhuyaa/
1.46.11c a/darshi vi/ sruti/r diva/H
1.46.12a ta/t-tad i/d ashvi/nor a/vo jaritaa/ pra/ti bhuuSati
1.46.12c ma/de so/masya pi/pratoH
1.46.13a vaavasaanaa/ viva/svati so/masya piityaa/ giraa/
1.46.13c manuSva/c chambhuu aa/ gatam
1.46.14a yuvo/r uSaa/ a/nu shri/yam pa/rijmanor upaa/carat
1.46.14c Rtaa/ vanatho aktu/bhiH
1.46.15a ubhaa/ pibatam ashvinobhaa/ naH sha/rma yachatam
1.46.15c avidriyaa/bhir uuti/bhiH
1.47.1a aya/M vaam ma/dhumattamaH suta/H so/ma RtaavRdhaa
1.47.1c ta/m ashvinaa pibataM tiro/ahnyaM dhatta/M ra/tnaani daashu/Se
1.47.2a trivandhure/Na trivR/taa supe/shasaa ra/thenaa/ yaatam ashvinaa
1.47.2c ka/Nvaaso vaam bra/hma kRNvanty adhvare/ te/SaaM su/ shRNutaM ha/vam
1.47.3a a/shvinaa ma/dhumattamam paata/M so/mam RtaavRdhaa
1.47.3c a/thaadya/ dasraa va/su bi/bhrataa ra/the daashvaa/Msam u/pa gachatam
1.47.4a triSadhasthe/ barhi/Si vishvavedasaa ma/dhvaa yaj~na/m mimikSatam
1.47.4c ka/Nvaaso vaaM suta/somaa abhi/dyavo yuvaa/M havante ashvinaa
1.47.5a yaa/bhiH ka/Nvam abhi/STibhiH praa/vataM yuva/m ashvinaa
1.47.5c taa/bhiH Sv a\smaa/M+ avataM shubhas patii paata/M so/mam RtaavRdhaa
1.47.6a sudaa/se dasraa va/su bi/bhrataa ra/the pR/kSo vahatam ashvinaa
1.47.6c rayi/M samudraa/d uta/ vaa diva/s pa/ry asme/ dhattam puruspR/ham
1.47.7a ya/n naasatyaa paraava/ti ya/d vaa stho/ a/dhi turva/she
1.47.7c a/to ra/thena suvR/taa na aa/ gataM saaka/M suu/ryasya rashmi/bhiH
1.47.8a arvaa/~ncaa vaaM sa/ptayo .adhvarashri/yo va/hantu sa/vane/d u/pa
1.47.8c i/Sam pR~nca/ntaa sukR/te sudaa/nava aa/ barhi/H siidataM naraa
1.47.9a te/na naasatyaa/ gataM ra/thena suu/ryatvacaa
1.47.9c ye/na sha/shvad uuha/thur daashu/Se va/su ma/dhvaH so/masya piita/ye
1.47.10a ukthe/bhir arvaa/g a/vase puruuva/suu arkai/sh ca ni/ hvayaamahe
1.47.10c sha/shvat ka/NvaanaaM sa/dasi priye/ hi/ kaM so/mam papa/thur ashvinaa
1.48.1a saha/ vaame/na na uSo vy u\chaa duhitar divaH
1.48.1c saha/ dyumne/na bRhataa/ vibhaavari raayaa/ devi daa/svatii
1.48.2a a/shvaavatiir go/matiir vishvasuvi/do bhuu/ri cyavanta va/stave
1.48.2c u/d iiraya pra/ti maa suunR/taa uSash co/da raa/dho magho/naam
1.48.3a uvaa/soSaa/ uchaa/c ca nu/ devii/ jiiraa/ ra/thaanaam
1.48.3c ye/ asyaa aaca/raNeSu dadhrire/ samudre/ na/ shravasya/vaH
1.48.4a u/So ye/ te pra/ yaa/meSu yu~nja/te ma/no daanaa/ya suura/yaH
1.48.4c a/traa/ha ta/t ka/Nva eSaaM ka/Nvatamo naa/ma gRNaati nRNaa/m
1.48.5a aa/ ghaa yo/Seva suuna/ry uSaa/ yaati prabhu~njatii/
1.48.5c jara/yantii vR/janam padva/d iiyata u/t paatayati pakSi/NaH
1.48.6a vi/ yaa/ sRja/ti sa/manaM vy a\rthi/naH pada/M na/ vety o/datii
1.48.6c va/yo na/kiS Te paptivaa/Msa aasate vyu\STau vaajiniivati
1.48.7a eSaa/yukta paraava/taH suu/ryasyoda/yanaad a/dhi
1.48.7c shata/M ra/thebhiH subha/goSaa/ iya/M vi/ yaaty abhi/ maa/nuSaan
1.48.8a vi/shvam asyaa naanaama ca/kSase ja/gaj jyo/tiS kRNoti suuna/rii
1.48.8c a/pa dve/So magho/nii duhitaa/ diva/ uSaa/ uchad a/pa sri/dhaH
1.48.9a u/Sa aa/ bhaahi bhaanu/naa candre/Na duhitar divaH
1.48.9c aava/hantii bhuu/ry asma/bhyaM sau/bhagaM vyucha/ntii di/viSTiSu
1.48.10a vi/shvasya hi/ praa/NanaM jii/vanaM tve/ vi/ ya/d ucha/si suunari
1.48.10c saa/ no ra/thena bRhataa/ vibhaavari shrudhi/ citraamaghe ha/vam
1.48.11a u/So vaa/jaM hi/ va/Msva ya/sh citro/ maa/nuSe ja/ne
1.48.11c te/naa/ vaha sukR/to adhvaraa/M+ u/pa ye/ tvaa gRNa/nti va/hnayaH
1.48.12a vi/shvaan devaa/M+ aa/ vaha so/mapiitaye .anta/rikSaad uSas tva/m
1.48.12c saa/smaa/su dhaa go/mad a/shvaavad ukthya\m u/So vaa/jaM suvii/ryam
1.48.13a ya/syaa ru/shanto arca/yaH pra/ti bhadraa/ a/dRkSata
1.48.13c saa/ no rayi/M vishva/vaaraM supe/shasam uSaa/ dadaatu su/gmyam
1.48.14a ye/ cid dhi/ tvaa/m R/SayaH puu/rva uuta/ye juhuure/ .avase mahi
1.48.14c saa/ na sto/maaM+ abhi/ gRNiihi raa/dhaso/SaH shukre/Na shoci/Saa
1.48.15a u/So ya/d adya/ bhaanu/naa vi/ dvaa/raav RNa/vo diva/H
1.48.15c pra/ no yachataad avRka/m pRthu/ chardi/H pra/ devi go/matiir i/SaH
1.48.16a sa/M no raayaa/ bRhataa/ vishva/peshasaa mimikSvaa/ sa/m i/Laabhir aa/
1.48.16c sa/M dyumne/na vishvatu/roSo mahi sa/M vaa/jair vaajiniivati

Related Links[edit]

  1. Rig Veda (ASCII)
    1. Rig Veda, Book 1 (ASCII) (1.1.1a-1.48.16c)
    2. Rig Veda, Book 1A (ASCII) (1.49.1a-1.102.11c)
    3. Rig Veda, Book 1B (ASCII) (1.103.1a-1.140.13c)
    4. Rig Veda, Book 1C (ASCII) (1.141.1a-1.191.16c)
    5. Rig Veda, Book 2 (ASCII) (2.1.1a-2.43.3c)
    6. Rig Veda, Book 3 (ASCII) (3.1.1a-3.32.17c)
    7. Rig Veda, Book 3A (ASCII) (3.33.1a-3.62.18c)
    8. Rig Veda, Book 4 (ASCII) (4.1.1a-4.25.8c)
    9. Rig Veda, Book 4B (ASCII) (4.26.1a-4.58.11c)
    10. Rig Veda, Book 5 (ASCII) (5.1.1a-5.43.17c)
    11. Rig Veda, Book 5A (ASCII) (5.44.1a-5.87.9c)
    12. Rig Veda, Book 6 (ASCII) (6.1.1a-6.39.5c)
    13. Rig Veda, Book 6A (ASCII) (6.40.1a-6.75.19c)
    14. Rig Veda, Book 7 (ASCII) (7.1.1a-7.45.4c)
    15. Rig Veda, Book 7A (ASCII) (7.46.1a-7.104.25c)
    16. Rig Veda, Book 8 (ASCII) (8.1.1a-8.24.30c)
    17. Rig Veda, Book 8A (ASCII) (8.25.1a-8.60.20c)
    18. Rig Veda, Book 8B (ASCII) (8.61.1a-8.103.14c)
    19. Rig Veda, Book 9 (ASCII) (9.1.1a-9.72.9c)
    20. Rig Veda, Book 9A (ASCII) (9.73.1a-9.114.4c)
    21. Rig Veda, Book 10 (ASCII) (10.1.1a-10.40.14c)
    22. Rig Veda, Book 10A (ASCII) (10.41.1a-10.78.8c)
    23. Rig Veda, Book 10B (ASCII) (10.79.1a-10.108.11c)
    24. Rig Veda, Book 10C (ASCII) (10.109.1a-10.191.4c)

External Links[edit]