Pri unu purumbu...
Jump to navigation
Jump to search
Pri-unu purumbu-azburâtoru
Ţâ-lu pitrecu mâratlu-ńi doru,
Fârâ carti, fârâ zboru;
Ca s-vrei tini, ocl’iu laiu,
Ńi-lu pitreaţi maşi cu-unu graiu,
Moi lilici di tru maiu!
Altâoarâ c-unu birbil’iu
Va-ţ pitrecu muşatu cundil’iu
Di-unâ peanâ di sirvil’iu:
S-ţâ scrii dorlu-a tău curatu
Şi mirăchili ţe-ńi ti batu
Când ti culţi plâmtâ-n patu.
Pânâ-atunţi, trandafilâ,
Scumpa mea garafilâ,
Vearsâ-ţ lacrima di doru
Şi-ńi pitreaţi-u pri-unu nioru,
I pri vimtulu câlâtoru
Tra s-ńi-u beau di jali, s-moru.