Povere filandine
From Wikisource
| Povere filandine de anonimo (canto popolare) |
| Informassion su la proveniensa del testo |
Povere filandine,
desfortunàe che semo,
la paga che ciapemo
li ne la vol magnar.
Ghe ne ciapemo trenta,
li ne magna quaranta,
al sioba li ne la canta,
al sabo li ne la tien.
Povere filandine,
desfortunàe che semo,
la paga che ciapemo
li ne la vol magnar.
Povere filandine,
levemo su a bonora,
ciapemo una malora
par mèso franco al dì.
E anche 'l caposala,
che no xe bon da gnente,
ghe venga un asidente
su la punta del cor.
Povere filandine,
desfortunàe che semo,
la paga che ciapemo
li ne la vol magnar.
