ima[1] brāigit[2]. Cēt snāthēicne do c[h]arrmocal[3] c[h]umascda [33 b] i timt[h]acht[4] fria chend. Ceit[h]ri tibri ceachtar a dā grūad .i. tibre buidi[5] ⁊ tibre ūaine ⁊ tibre corcarda.[6] Secht ngemma do ruithin ruisc cechtar a dā rīgrosc. Secht meōir cechtar a dā chos ⁊[7] secht meōir cechtar a dā lām co ngabāil iṅgni sebaicc co forgobāil[8] iṅgne griūin ar cach nāi fo leith dīb.[9]
Gaibidsom[10] a dilatt[11] nōenaich nimbi in laasin. Bāi da ētgud imbi .i. fūan cāin cōir corcardai[12] cortharach cōicdīabail.[13] Delc findruine nō findarcaid[14] arna necor[15] d'ōr indtlaisse[16] ūasa bānbruindi gel, immar bad lōchrann lānṡolusta nād cumgaidis[17] sūile[18] dōine dēicsin ar gleoraideacht ⁊ glainidheacht[19]. Clīabinar sīric srethnach[20] congebethar[21] co bari ūachtar a dondfūathrōici[22] donddergi mīlita do srōll[23] rīg. Dondscīath dondderg dondc[h]orcra co cōicroth ōir co mbil[24] findruine[25] fair. Claideb ōrduirn indtlaisi co torceltaib ōir deirg i nardgabāil gaili fora c[h]ris. Gāi fota fǣbarglas re faga fēig fobartach co semandaib[26] ōir ōrlas[r]ach ina[27] farrad[28] isin charpat. Nōi cind isindala lāim dō, deich cind isind lāim aile. Rosechroth[29] ūad frisna slūagaib. Conid fōbairt[30] aidchi do Choinc[h]ulaind for ceithri cōicedaib hĒrenn dosin.[31] Is annsin frisocbad[32] mnā Connacht forsna buidne ⁊ fordriṅgtis mnā Muman[33] firu do dēicsin chrotha Conculaind. Folloig[34] immorro Medb a hainech ⁊ nī lāmair taidbsin a gnūsa[35], acht bōi fo damdabaich scīath ar omun Conculaind. Conad[36] ¯desin asbert Dubthach Dǣl[37] Ulad:
Masa[38] hē in rīastairthi,[39]biaít collai dune[40] de,
biait[41] ēigme im lissiu,[42]biait fuind fri airise.[43]
- ↑ imma LU.
- ↑ brágit LU.
- ↑ charmocol LU.
- ↑ hi timthacht LU.
- ↑ buide LU.
- ↑ corcra LU.
- ↑ om. LU.
- ↑ forgabáil LU.
- ↑ diibsin LU.
- ↑ Gabaidseom LU.
- ↑ dillat LU.
- ↑ corcorglan LU.
- ↑ cóicdíabuil LU.
- ↑ Delg find findárgit LU.
- ↑ ecor LU.
- ↑ intlassi LU.
- ↑ chumgaitís LU.
- ↑ suili LU.
- ↑ the first mark of aspiration is later
- ↑ sróil siricda ré chnes LU.
- ↑ dó add. LU.
- ↑ the f is later
- ↑ srol LU.
- ↑ It looks as if l had been altered from b
- ↑ findruini LU.
- ↑ semmannaib LU.
- ↑ inna LU.
- ↑ f added later
- ↑ Rosecroth LU.
- ↑ commram LU.
- ↑ for—dosin: sin LU.
- ↑ frisócbat LU.
- ↑ Added later above the line: om. LU.
- ↑ Follaig LU.
- ↑ gnusi LU.
- ↑ Conid LU.
- ↑ dóel LU.
- ↑ Masu LU.
- ↑ riastartha LU.
- ↑ dúine LU.
- ↑ deite LU.
- ↑ there is space between l and s for a or u; and it looks as though one or the other had been altered to is: lissu LU.
- ↑ airisiu LU.
