Robāi dino[1] Caur oc airbert[2] gaiscid hi tūaimim a scēith corice trian ind lāi friseom, ⁊ nīcontetarrad[3] bēim nā forgab fair la dechrad inna cleas, ⁊ nīconfidirsom in fer ind imḟorgub[4] fris, co nepert Fīacha mac FirFebe fri Coinculaind: "fomna in lōech fodotben." Danēcai Cūchulaind[5] secha; sraiti in nubaill cleasa[6] tarraid ina lāim, co lluid itir cobrad[7] ⁊ brōin in scēith, co lluid triana chend ind aithig sīar. Nō[8] comad i nImsligi Glendamnach dino[9] dofǣthsad Caur.[10]
Tintāi Fergus forsin sligid[11] frisin slog. "Munobgaib far nglindi,[12]" olse, "anaid co arabārach.[13]" "Nip aṅd," ol Ailill; "regmai diar sostaib afrithisi."
Guidter dino[14] Lāth mac Dabrō ara c[h]end, amal roṅges Cur.[15] Dothuitside dino cadeisssin.[16] Dointāth dino[14] Fergus beos do chor a nglindi[17] forru. Ansait sin[18] trā corrubad and Caur mac Dalāth ⁊ Lāth mac Dabrō ⁊ Foirc mac tri nAigneach ⁊ Srūbgaile mac Eōbith. Ar galaib ōenfer roggōeta[19] uli.
"Colla[20] dūn, a bobba a Lāig,[21] isa ndūnad co nairlit[h]er[22] Lugaid mac Nōis hui Lomairc, dūs cia dothoet[23] ar mo cend ambārach,[24] ⁊ a fiarfaidhedh[25] co llēir ⁊ a imchomarc lat ⁊ reliqua.[26]" "Fochen a Lugaid,[27] nī sirsan do C[h]oinc[h]ulaind a nimneth itā a ēnfer[28]" fri firu hĒrind amin.[29] Ar coicēle diblīnaib amin, mallacht a gaiscid fair, is hē thoite[30] ara chend ambārach,[31] .i.[32] Ferbāeth. Doberar Findabair dō airi ⁊ rīgi a c[h]eniūil.[33]"
"Nī forboeilig[34] mo popa Lōeg dia aithisc,[35]" or Cūchulaind. Atfēt[36] Lōeg dō uile a aithesc.[37] Rocongrad Ferbǣth i pupull da Ailill ⁊ do Meidb,[38] ⁊ asber fris suide for lāim Fiṅdabrach, ⁊ a tabairt dō, ara[39] [31a] ba hē a togu ar c[h]omruc[40] fri
- ↑ dano LU.
- ↑ airimbert LU.
- ↑ nicontetarraid LU.
- ↑ ind is added later under im: i nimforgub LU.
- ↑ Cú LU.
- ↑ sráithi in nubullchless LU.
- ↑ chobrad LU.
- ↑ om. LU.
- ↑ dano LU.
- ↑ iar naraile slicht add. LU.
- ↑ forsin sligid om. LU.
- ↑ mánopgaib far glinne LU.
- ↑ ara added later under the line: sund co bárach LU.
- ↑ 14.0 14.1 dano LU.
- ↑ On an erasure: Cáur LU.
- ↑ Datuitside dano cadessin LU.
- ↑ a glinni LU.
- ↑ andsin LU.
- ↑ rogæta LU.
- ↑ Collaa (.i. erig) LU.
- ↑ a popa Lóig LU.
- ↑ gl. .i. co niarfaigea LU.
- ↑ dothǽt LU.
- ↑ imbárach LU.
- ↑ fiar is on an erasure, and the marks of aspiration are later; = a iarfaigid: Iarfaigther LU.
- ↑ for ⁊ rꝉ LU. has Rosoich iarom Lǽg.
- ↑ Fochen duit or Lugaid LU.
- ↑ a óenur LU.
- ↑ Over this, and running into the margin, has been added later: cia dotæt ar cend Conculaind amarach; this is probably meant to follow amin fri firu hErend LU.
- ↑ théte LU.
- ↑ imbárach LU.
- ↑ om. LU.
- ↑ Soid Lǽg afrithisi co airm imbói Cuculaind add. LU.
- ↑ forǽlid LU.
- ↑ athiusc LU.
- ↑ adfét LU.
- ↑ anísin (.i. a athesc) LU.
- ↑ do Ailill ⁊ Medb LU.
- ↑ ar LU.
- ↑ chomrac LU.
