chethramthain scāilte ricfaidis[1] ūaim doc[h]um in dūnaid i ndegaid[2] do charpait.” “Nāchimt[h]omaid im sodain,” ol Etercomol. “In cor amra ronenaisc, .i. comruc re hēnfer,[3] is mise ciatacomraicfe rit[4] di feraib nĒrend imbārach.” Tēit as iarum.
Tintāi afrithisi ō Mēit[h]iu ⁊ Chet[h]iu, anasbert fria araid: “robāgus,” olse, “fīad Ḟergais comroc[5] fri Coinchulaind[6] imbārach. Nī hassu dūnn dino[7] a idnaidi. Tōi forsna heochu isin[8] telaig dofrithisi.” Atchī Lōeg annīsin,[9] ⁊ asbert fri Coinchulaind:[6] “dofil in carpat afhrithisi,[10] ⁊ dorala clār clē frind.” “Nī fīach opaid,” ol Cūchulaind.[11] “Ara chind dūn sīs dond āth co fīasmar,” or Cūchulaind.[12] “Nī accobar[13] lem,” ol Cūchulaind,[11] “a condaigi form.” “Is ēcen daitsiu ōn,” or Etercomal. Benaid Cūchulaind in fōt bāi fo chosaib, co torchair ina ligi[14] ⁊ a ḟōt fora thairr. “Āirrg ūaim” ar[15] [28b] Cūc[h]ulaind; “is sgīth[16] leam glanad mo lām indat[17]. Fotdāilfind a nilparttib[18] ō chīanaib acht nīpad[19] Fergus.” “Nī scarfam in c[h]ruthsa,” ar Etercomal,[20] “co rrucsa do cheandso nō cofārcabsa mo chend latso.” “Is ed ōn ēm bīas andsom,” ol Cūchulaind. Bentai Cūc[h]ulaind cona claideb[21] isa[22] dib noxalaib,[23] co torchair a ētach ṅde,[24] ⁊ nīforbai imo chnes.[25] “Colla trā,” [ol][26] Cūchulaind. “Aicc,” ol Eterchomol.[27] Donaidle[28] Cūchulaind[29] iarum co fogaid in chlaidib co sebaid[30] a folt de amal bid co naltain noberthá. Nī forroim cid drisiuc for toind dō. Ō ropa t[h]romtha[31] iarum ⁊ robo leanamnach int aithech,[32] bentai hi fossud a mullaich[33], conidrorand corigi[34] a imlind. Co naicci[35] Fergus in carpat secha ⁊ in nōenḟer and. Tintā[36] Fergus do debaid re[37] Coinculaind. “Olc dit,[38] a siriti,” olse, “mo dīguin; is gairit[39] mo lorc lat,” olse. “Nā ba lonn frim, a poba Fergus,” ol Cūchulaind:
- ↑ ricfaitis LU.
- ↑ MS. indedaid, with a dot before n and a dot over it: i ndegaid LU.
- ↑ comrac fri óenfer LU.
- ↑ messe cíatacomraicfe frit LU.
- ↑ Fergus comrac LU.
- ↑ 6.0 6.1 Coinculaind LU.
- ↑ LU.
- ↑ asin LU.
- ↑ anísin LU.
- ↑ p̌ altered to f̌
- ↑ 11.0 11.1 Cú LU.
- ↑ arachend—Cuchulaind om. LU.
- ↑ accobor LU.
- ↑ lige LU.
- ↑ ar on an erasure: or LU.
- ↑ s added over the line: scíth lem LU.
- ↑ inniut LU.: O. Ir. indiut
- ↑ It looks like parttib, with a stroke erased after the second t, and with i over it: i nilpartib LU.
- ↑ acht mainbad LU.
- ↑ ol Etarcomol LU.
- ↑ claid˘ LU.; leg. chlaidiub
- ↑ asa LU.; leg. ósa
- ↑ díb naxalaib LU.
- ↑ de LU.
- ↑ ima cnes LU.
- ↑ om. YBL.
- ↑ Etarcomol LU.
- ↑ Danaidle LU.
- ↑ Cú LU.
- ↑ sebaind LU.
- ↑ ropu tromda LU.
- ↑ aidech LU.
- ↑ mullaid LU.
- ↑ corrici LU.
- ↑ Co nacci LU.
- ↑ Tintái LU.
- ↑ fri UL.
- ↑ dait LU.
- ↑ garit LU.
