in raga Ailill tricha chēt[1] cucamsa[2] im buidin. Ber dam co tinne[3] dō ⁊ taulchufa ḟīna.[4]” Tēit cuici[5] iarum ⁊ rāiti fris. “Fō limsa ōn,” ar[6] Cūchulaind, “cia thēis.”
Cotrecat a ndī buidin iarum. Bīd[7] and co hadaig[8]; nō co mbeidis[9] tricha aidche andsūd.[10] Brisid Cūc[h]ulaind tricha lōech dīb cosin tailm.[11] “Bid[12] olca bar nimtheachta,” ol Fergus; “doficfad[13] Ulaid asa nōeindin[14] ⁊ cotomēlad[15] ar mur[16] ⁊ grīan. Is olc in c[h]ūl chatha inonfil[17]. Tāit as do Chūil Airthir.”
Ecmaic dochūaid Cūchulaind in naidchisin do acallaim Ulad. “Scēla lat?” or Conchobar. “Mnā brataiter[18],” or Cūchulaind, “ēiti agathar[19], fir gonaiter.” “Cichi[20] brata? cichi aig[21] cichi[22] goin?” “Berthius buchæ fuile fuirtbe gainne .i. cend fuirtbe āir, berthius Ailill mac Matae ⁊ Fergus mac Rōich rodāna rodacleacht claideb condacoscar eochridi Conchobair cāich ⁊ codescarfa.” “Nī mōr tarbai dait,” or Conchobar, “indīu; donānic ar tinnorcain in chētna.[23]” Tēit as ūaidib iarsuidiu,[24] co naccai na slūagu oc scuchad ass iarsodain.[25]
“Aill[26] amai,” or Ailill. “atchīu carpat condatrindi[27] badbæ[28] ardibi firu iniathu[29] argēba bū[30] cuiretha bith a thrichait imbera[31] iartuidecht slūaig dibuanaib[32] .i. di Laignib sreithfith fuil ammēderad dofæthsad[33] ocimmorāin ar būaib Ulad isinnāth.” Gonaid Cūchulaind tricha lœ́ch[34] dīb for Āth Duirn. Ni roachtatar iarum conid adaig rāngadar[35] Cūil nAirthir. Gonaid Cūc[h]ulaind tricha lóech[36] dīb ocsuidiu[37], ⁊ fochertad a puipli and. Bāi[38] ara Ailella, .i. Cuillius oc nigi na fonnad isinn[39] āth matin. Bentisom co cloich conidromarb. Is de atā Cuillne[40] hi Cūil Airt[h]ir. Rosagat trā co feōtar i nDruim Fēne[41] la Conailli, amal adrubrumar romaind.[42]
- ↑ cét LU.
- ↑ cucumsa LU.
- ↑ tinni LU
- ↑ taulchuma fina LU.
- ↑ chuci LU.
- ↑ ar added over the line: or LU.
- ↑ Bít LU.
- ↑ cotádaig LU.
- ↑ b added over the line later
- ↑ nó—andsud om. LU.
- ↑ nō combetís .xx. aidchi and sin amal itberat araili libair add. LU.
- ↑ Bit LU.
- ↑ toficfat LU.
- ↑ noindin LU.
- ↑ cotomélat LU.; leg. cotobmélat
- ↑ múr LU.; leg. úir
- ↑ Beneath the first n a curved perpendicular stroke has been added later
- ↑ brataitir LU.
- ↑ The mark of aspiration is later: agatair LU.
- ↑ cicen LU.
- ↑ cíche áig LU.
- ↑ ciche LU.
- ↑ chétnæ LU.
- ↑ iarsudiu úadib LU.
- ↑ oscuchud (.i. oc tect) ass LU.
- ↑ after Aill there is an erasure
- ↑ A dividing stroke has been added later between t and r
- ↑ ɔdatrind tauthat slúagu is bodbdæ LU.
- ↑ ináthu LU.
- ↑ gl. .i. Ulad
- ↑ inbera LU.
- ↑ díbúanaib LU.
- ↑ dofoétsat LU.
- ↑ .xxx. lǽch LU.
- ↑ rancatár LU.
- ↑ Gonaid tricha LU.
- ↑ sudiu LU.
- ↑ Búi LU.
- ↑ issind LU.
- ↑ Ath Cuillne LU.
- ↑ i nDrúim Ḟéine LU.
- ↑ atrubramar remoind LU.
