Page:Tain Bo Cuailnge.djvu/37

From Wikisource
Jump to: navigation, search
This page has been validated.

25

TÁIN BÓ CÚAILNGE

“Inchosaich[1] dō dino[2] dūn trī mac Nechtain Scēne[3] .i. Foill ⁊ Fandall ⁊ Tūachell a nanmand.[4] “Indad ēiside asberad,” ar[5] Cūchulaind, “nāch mōo fil do Ultaib i mbethaid oldus robeodtarsom[6] dīb?” “At ē ēicin,” ol int ara. “Tīagam condarīssem,[7]” or Cūchulaind. “Is gūas[8] dūn ēm,” ol intara. “Nī dia imgabāil ām thīagma,[9]” ol Cūchulaind. Tīagaid as iarum ⁊ scorit a nneocho oc commor māna ⁊ aba allandeas ūas dūn a chēle, ⁊ srēithi in nid būi[10] forsin coirthi rout a lāma isin nabaind ⁊ lēicthe la sruth, dāig ba coll geisi[11] do maccaib Nechtain[12] Scēne annīsin.[13] Airigidside iarum ⁊ dothīagad a ndochum. Contuli Cūchulaind iarum ocon choirthi iar lēcud ind ide frisin sruth, ⁊ asbert frisin naraid: “nīmdersaigi fri ūathad, nomdīusca immorro fri sochaidi.” Ba himecail[14] immorro int ara collēic, ⁊ indlithside a charpat ⁊ dosrenga a fortgæ ⁊ a forgaimniu robādar fo Coinchulaind,[15] hūair nāchrolámadh[16] a dīuscad[17]; dāig asbert Cūchulaind frisin[18] ar t[h]ūs nāchuscad[19] fri ūathad.[20] Tecaid iarum maic Nechtain[21] Scēne. “Cia fil sund?” ol fer dīb. “Macc bec dochōid indiu ar oesclu[22] hi carpat,” or[23] int ara. “Nī rob[24] do soinmige,[25]” ol in lōech, “⁊ nī rob do fechtnaidi[26] dō a chētgabāil ṅgaiscid. Nā bīd inar tīr ⁊ nā gelat ind eich and nī as mōo,” ol in lōech. “Ataat a nēisi im lāimse,” ol int ara. “Nīrbo latso tuilled ēcraide,[27]” ol Ibar frisin lōech, “⁊ atā dino[2] in macc ina chotlad.[28]” “Nīdam[29] macc ēicin,” ol[30] Cūchulaind, “acht is do chuindchid comraic[31] fri fer dodechaid in macc fil and.” “Is [s]ain limsa ōn,” ol in lōech. “Bid sain duidseo innossa isinn[32] āth ucud,” ar[33] Cūchulaind.

“Is taccar dait trā,” ol[30] int ara, “foichle i[n] fer dothoet[34] ar do chend—Foill a ainm,” or se—“ar maini [22a] tetarrais[35] isin chētḟorcam,[36] nī therarrais[37] co fescor.” “Toṅga[38] do dīa toiṅges mo

  1. INchoscid LU.
  2. 2.0 2.1 dano LU.
  3. Nechta Scene LU., with a gloss .i. o Inbiur Scéne, and a marginal note: Fer ulli mac Lugdach a nathair ⁊ Nechtan Scéne a mmathair. Ullaid dano romarbsat a nathair. ISS air robatár hi cocud faraib.
  4. a nanmandaidi LU.
  5. Indat eside asberat or LU. Over against ar is written between the columns banlan
  6. oldás robéotarsom LU., recte
  7. condarisam LU.
  8. MS. gus; gúais LU.
  9. tíagma LU.
  10. bói LU.
  11. ngisse LU.
  12. Nechta LU.
  13. anísin LU.
  14. himecal LU.
  15. for Coinculaind LU.
  16. nachrolamar LU.
  17. dúscud LU.
  18. friseom LU., recte
  19. nachdúsced LU.
  20. huáted LU.
  21. Nechta LU.
  22. esclu LU.
  23. ol LU.
  24. po LU.
  25. MS. soinme and what we take to be ig added later beneath e
  26. fechtnaige LU.; leg. fechtnaigi
  27. tollem écraite LU.
  28. chotlud LU.
  29. nimda LU.
  30. 30.0 30.1 or LU.
  31. chomraic LU.
  32. issind LU.
  33. ol LU.
  34. dothǽt LU: leg. dothét
  35. The second a is added later under the line: thetarrais LU.
  36. chetforgam LU.
  37. The mark of aspiration is later, and the second a is added under the line
  38. Tongu LU., recte