Page:Tain Bo Cuailnge.djvu/36

From Wikisource
Jump to navigation Jump to search
This page has been validated.
24
TÁIN BÓ CÚAILNGE

a llāsin. Fobithi[1] nobīth[2] cach lāth gaile do Ultaib a lāa i Slēib Fūait fri snādud neich dodīsad[3] co nairchetul do chomroc fri fer, co mbad andsin condrīsta ris,[4] arnā tēised nech dochum nEamna cen rathugud.[5] “Do sōinmige[6] sin trā,[7]” or Conall; “rob do būaid[8] ⁊ do[9] choscor sin,” or Conall.[10] “Ēircseo thrā,[11] a Chonaill, don dūn, ⁊ romlēicsea oc forairi sund collēic,” or Cūchulaind. “Bid lōr sōn,” or Conall, “mad fri snādud[12] neich co nairchetul; mad do chomruc fri fer immorro, is rom sōn daitsi[13] cose beos.” “Bēs nīpo ēicen ōn dino[14] itir,” ol Cūchulaind. “Tīagam eterport,[15]” ol Cūchulaind, “do dēiscin ūainn for fertais Locha Echtra. Is gnāth airisem ōc ḟēne[16] and.” “Is maith lim,” or Conall. Tīagait ass iaram. Focherdsem cloich asa thabaill co mmemaid fertais charpait[17] Conaill C[h]ernaich. “Cid frisindrolais in cloich, a maccāin?” or Conall. “Do phromad mo lām ⁊ dīrgi[18] mo urchair,” or Cūchulaind; [21b] “Ocus is bēs dāibsi[19] uar nUltaib nī rēidig[20] tar innglinde.[21] Aircseo[22] arithisi, a phopa, a Chonaill,[23] ⁊ romlēicsea sund oc forairi.” “Maith lim dino,[24]” or Conall. Nī dechaid Conall Cernach sech in maigin sin[25] iarsuidiu. Tēit Cūc[h]ulaind as iarum do Loch Echtra ⁊ nī fūaratar[26] nech and ara cind.[27] Asbert int ara fri Coinculaind ara naurthaitis[28] do Emain, co tarsitis[29] ōl and. “Acc,” ol Cūchulaind. “Ced slīab inso thall?” ol Cūchulaind. “Slīab Mondairn[30],” ol int ara. “Tīagam co rīsem[31],” ol Cūchulaind. Tīagaid iarum co rrāngadar. Iar tīachtain[32] dōib int shlēbe, imcōemorcair[33] Cūchulaind iarum: “Cia carnd ngel[34] inso thall ind úachtar[35] int slēbe[36]?” ol Cūchulaind.[37] “Findcharnd na foraire,[38]” ol int ara. “Ced mag anī thall?” ol Cūchulaind.” “Mag mBreg,” ol int ara. Adfēd dō dino[39] ainm cech prīmdūne itir Themair ⁊ C[h]enandus. Adfēd dō chétamus a nīathu ⁊ a nāthu, a nairdrici[40] ⁊ a treba, a ndūne ⁊ a mārdingnu.[41]

  1. The second i added later: fobíth LU.
  2. nobíid LU.: O. Ir. nombíid
  3. dothíssad LU; leg. do-d-ísed
  4. fris LU.
  5. MS. rathugͩ
  6. MS. soinmīe; sonmigi LU.; leg. sóinmigi
  7. On an erasure
  8. dobuaid, dob added later on the margin.
  9. om. LU.
  10. sin or Conall om. LU.
  11. Eirgsu trá LU.
  12. The first d has been added later over the line: snádud LU.
  13. daitsiu LU.
  14. om. LU.
  15. etarphort LU.
  16. féne LU.
  17. fertais carpait LU.
  18. dírge LU.
  19. duibsi LU.
  20. réidid LU. recte
  21. On an erasure: tar églindne LU; leg. tar éclinde
  22. do Emain, add. LU.
  23. a phopa Ɔaill LU.
  24. dano LU.
  25. sin om. LU.
  26. atar on an erasure
  27. chiund LU.
  28. ara nurtháitís LU.
  29. co táirsitís LU.
  30. Monduird LU.
  31. rísam LU.
  32. riachtain LU. = O. Ir. ríchtin
  33. imchomarcair LU.
  34. leg. carn gel?
  35. i nuáchtor LU.
  36. s added under the line
  37. ol Cúchulaind om. LU.
  38. na foraire om. LU.
  39. dano LU.
  40. a nairdirci LU.
  41. a narddindgnu LU.