Page:Tain Bo Cuailnge.djvu/34

From Wikisource
Jump to: navigation, search
This page has been proofread.

22

TÁIN BÓ CÚAILNGE


diar nindile.[1] Ropo imdedail[2] cacha slabrai dūn itir mag ⁊ tech.” “Nī mōr brīg sin trā,” ol in gilla, “ebeltar[3] cuilēn din chūain[4] cētna[5] leamsa duit, ⁊ bīam cūsa do imgheadail[6] do chethra ⁊ dot imdedail[6] fēin collēic, co rāssa in cū hīsin ⁊ corip[7] ingnīma. Ocus imdiusa Mag Muirthemne uili[8]; nochombērthar ūaimsea ēit nā halma ass, manip aurrderg[9] limsa. “Bid Cūchulaind th’ ainmseo,[10]” or Cathbad. “Maith lim[11] ced edh[12] mo ainm,” ar Cūchulaind.[13] Fer dorigne sin amdar lāna a .vi. blīadna, nību machtad[14] cē dorōndadside[15] dagnīm ind inbuidse, intan ata lāna a .vii. mbladna dēc,” ol Conaīll Cernach.

“Dogēni feacht naile[16] dino,[17]” ol Fiacha mac Firḟeibi. "Bāi Cathbad drūi hi fail a meic .i. Chonc[h]obar[18] mac Neasa. Cet fer ṅdēinmech dō oc foglaim druidechta hūad. Is ē līn noninchoisced[19] Cathbad. Iarmifoacht araile dia ḟelmacaib[20] do suidiu cid diambad maith a llāsa. Asbert Cathbad ōclach[21] nogēbad gaisced and, forbīad a ainm ar gnīmaib gaiscid firu Ērend,[22] ⁊ nomērtaís a airscēla co brāth. Roclunethar Cūc[h]ulaind anīsin. Dothēit co Conchobar do chuindchid gaiscid.[23] Asbeir Conchobar: “cia dorinchoisc duid?” “Mo popa Cathbad,” ol Cūchulaind. “Roḟedamar[24] ēm,” ol Conchobar. Dober gā[25] ⁊ scīath dō. Bertaigis[26] forra,[27] connā terna[28] nī dona .v. gaiscedaib dēc nobītis d'imorcraid[29] hi teaglach[30] Conchobair fri maidm nairm nō fri gabāil ṅgaiscid[31] do neoch. Co tardad dō gaisced[32] Conchobair fēin. Falloiṅgside immorro ēseom ⁊ bertaigsi[33] hē, ⁊ beandachais in rīg bā gaisced ⁊ asbert: “cēin mair tūaith ⁊ cenēl dianaid rī in fer asa harm so.” Doficc[34] iarum Cathbad chucu ⁊ asber: “In gaisced gebis[35] in gilla?” or Cathbad. “Ed,” ol Conchobar. “Nī sirsan do macc a máthar ēm,” olse. [21a] “Ced ōn? Nāch tussu ēm dodnarchosaig?”[36] ol Conchobar. “Nāch
  1. ↑ ⁊ ar nindili LU.
  2. ↑ imdegail LU., recte
  3. ↑ ébéltair LU.
  4. ↑ chuáni LU.
  5. ↑ chétna LU.
  6. ↑ 6.0 6.1 imdegail LU.
  7. ↑ corop LU.
  8. ↑ uile LU.
  9. ↑ aúrberg correctd to aúrderg LU.
  10. ↑ íarom add. LU.
  11. ↑ Added later over the line
  12. ↑ The mark of aspiration is later
  13. ↑ ol Cú LU.
  14. ↑ machdad LU.
  15. ↑ doronadside LU.
  16. ↑ aile LU.
  17. ↑ dano LU.
  18. ↑ Conchob˘ LU.
  19. ↑ doninchoisced LU.
  20. ↑ felmaccaim LU.
  21. ↑ óclæch LU.
  22. ↑ forbiád a ainm hErind co brath ar gnim gascid LU.
  23. ↑ chuingid gascid LU.
  24. ↑ Over the line is added sen: Rofetammar LU.
  25. ↑ ga on an erasure: gai LU.
  26. ↑ Bertaigthus LU.
  27. ↑ ra of forra on an erasure, and there is a blank space of erasure between forra and ɔna: for lár in taige LU.
  28. ↑ ternó LU.
  29. ↑ di imforcraid LU.
  30. ↑ tegluch LU.
  31. ↑ ngasced LU.
  32. ↑ do stands on the right margin; before gaisced there is an erasure
  33. ↑ bertaigthi LU.
  34. ↑ dafic LU.
  35. ↑ gebes LU.
  36. ↑ donarchosaig LU.
Retrieved from "http://wikisource.org/w/index.php?title=Page:Tain_Bo_Cuailnge.djvu/34&oldid=354749"