Page:Tain Bo Cuailnge.djvu/33

From Wikisource
Jump to: navigation, search
This page has been proofread.

21

TÁIN BÓ CÚAILNGE


“Regad[1] i nbar ndīaid.[2]” Ō rāngadar ule[3] iarum dond ḟlid,[4] asbert Caulaind[5] fri Conchobar[6]: “In frithalaid[7] nech in bar ṅdíaid[8]?” olse. “Nāthō,” ol Conchobar. Nīrbo c[h]umain[9] lais dāl a daltai ina dead.[10] “Atā" or Cuilleann, "archū leam[11] trī slabrada fair, ⁊ triar cacha slabraida.[12] Lēicthir[13] de dāig ar nindile ⁊ ar ceathra ⁊ dūntar ind[14] leas.” Tic in gilla fo sodain. Fonōbair[15] in cū. Nofeithedsom a cluichi collēicc.[16] Focheirded a līathrōid ⁊ focheird a lloirgg āine[17] ina[18] díaid, co mbenad in līathrōid. Nībo mōo in band oldās a chēle. Ocus focherd a bunsaich[19] ina ndíaid, condagebed re toitim. Ocus nī rothairmisc[20] a chluichi imbi, cia roibi[21] in cū oca ascnom. Torbāis [20b] Conchobar ⁊ a muinter annīsin connārbo eiter leo a ṅglūasacht. Indar leo nī faircibdis[22] i mbethaid ara cind, cid erloisce[23] in leas. Antan[24] didiu dolluid in cū chucaisom, focheirdseom ūad a līathrōit ⁊ a lloirc[25] ⁊ frisinle[26] in coin cona díb lāmaib .i. dobeir indara lāim dō fri hubull brāgad in chon; dober araile fria c[h]ūl. Benta[27] frisin coirthi ina farrad,[28] co sceasain[29] cach ball de[30] a leithi[31]." (Mad iar naraile[32] immorro issī[33] a līathrōit rollāsom ina bēolui,[34] co ruc ann inathar[35] trīt.)

“Comēirgid[36] Ulaid ara amus, araill dīb tar[37] less, araill for dorus lis. Domberad[38] a nucht[39] Conchobair. Focherddar armcrith[40] mōr leo .i. mac sethar ind rīg do ḟalmaissiu a bāis. Dothoet Caulaind[41] isa teach lasodain. “Fochen duid, a maccāin, fodēig cridi do māthar. Misi[42] immorro, nī madairgenus flid. Is bethu imaudu[43] ⁊ is trebad i maig mo threbad i ndeadaig[44] mo chon. Conagaib ainech ⁊ anmain damsa,” olse, “in fer muinteri[45] rucad ūam .i. mo chū. Robo dīn ⁊ dītiu[46] diar feib ⁊
  1. ↑ ragatsa LU.
  2. ↑ i nfar ndiáid LU; O. Ir. i far ndiaid
  3. ↑ uli LU.
  4. ↑ dond ḟleid LU.
  5. ↑ Cauland LU.
  6. ↑ MS.: ɔ̌čob˘
  7. ↑ Over the line, between t and h, a d has been added later
  8. ↑ i nfar ṅdiáid LU.
  9. ↑ chuman LU.
  10. ↑ inna diáid LU.
  11. ↑ "Atá árchú lemsa," ol Culand LU., with a gloss. :.i. cú dorucad dar muir .i. c(ulen) brotcon
  12. ↑ slabraide LU; after this LU. adds: a hEspáin dosfucad
  13. ↑ leicth˘ LU.
  14. ↑ in LU.
  15. ↑ fónópair LU.; leg. fanópair
  16. ↑ cluche colleic LU.
  17. ↑ focherded a loirg LU.
  18. ↑ a added later under n
  19. ↑ bunsaid LU.
  20. ↑ rotairmesc LU.
  21. ↑ ce robói LU.
  22. ↑ faircbitís LU.
  23. ↑ ersloicthe LU., recte
  24. ↑ Intan LU.
  25. ↑ loirg LU.
  26. ↑ frisindle LU.
  27. ↑ bentai LU.
  28. ↑ f has been added later over the line.
  29. ↑ Over the second s is an indecipherable mark, meant for c (?): sescaind LU.
  30. ↑ On an erasure
  31. ↑ a lethe LU.
  32. ↑ iar narailiu LU.
  33. ↑ is LU.
  34. ↑ rolásom inna beolu LU.
  35. ↑ ann inathar: a inathar LU., recte
  36. ↑ comérgit LU.; O. Ir. conérget
  37. ↑ for LU.
  38. ↑ damberat LU.
  39. ↑ i nucht LU.
  40. ↑ armgrith LU.
  41. ↑ Dothéit Culand LU.
  42. ↑ Meise LU.
  43. ↑ immudu LU.; leg. is bethu immudu mo bethu?
  44. ↑ i ndegaid LU.
  45. ↑ It looks like mn̄teri, with the first three letters on an erasure: muintire LU.
  46. ↑ MS. ditiū
Retrieved from "http://wikisource.org/w/index.php?title=Page:Tain_Bo_Cuailnge.djvu/33&oldid=354724"