Page:Tain Bo Cuailnge.djvu/30

From Wikisource
Jump to navigation Jump to search
This page has been validated.
18
TÁIN BÓ CÚAILNGE

macc. Conboiṅgæth[1] airthiu iarum cach cluichiu [19b] ind indussin chaidche.[2] Gabaid in gilla oc sudiu imbirt a dornn foraib, co napad[3] .l. macc dīb.[4] Tēit for teithed[5] lasodain co mbōi fo adurt imdai Chonchobair. Conērged[6] Ulaid imbi; conēirgimsea ⁊ C[h]onchobar laiseom. Conēirigseom fon imda[7] dino[8] co corastar in nimdai de[9] cosin tricha[10] lāth ngaile robāi[11] indi, co mbāi[12] ar[13] lār in tigi. Saigid[14] Ulaid imbi lasodain isin tig. “Cōraigmaidne[15] iarum,” or Fergus, “⁊ sīthaigmít[16] in macraid friseom iarsin.”

“Bāi imnissi[17] chatha[18] itir Ultaib[19] ⁊ Eōgan mac Durthacht.[20] Tīagaid Ulaid don chath. Fācobarsom[21] inna chodlad.[22] Maithi[23] for Ultu. Fācabair[24] Conc[h]obar ⁊ C[h]uscraid Mend Macha ⁊ sochaidi[25] mōr olchena. Dosuisceosom[26] a ngol. Sīnithi iarum co memdadar in dā liicc robādar imbi. Hi fiādnaisi Bricriu[27] hucut dorōnad,” ol Fergus. “Atraig lasodain. Cotricimsea fris i ndorus lis[28] ⁊ mē adgāiti.[29] “Fuit! Dia do betha[30]! a phopo, a Fergais[31]” olse. “Cate[32] Conchobar?” “Ni ḟetarsa,” olmē. Tēit ass iarum. Ba dorcha ind agaig.[33] Fōbair a nārmach. Co nacca ara chind in fer ⁊ leth a chind fair ⁊ leth fir[34] aile for a muin. “Congna lem, a Chūchulaind,” olse. “Rombīth, ⁊ tucus leth mo bráthar ar[35] mo muin. Ber sīst lim.” “Nī bēr,” olse.[36] Lasodain focherd[37] in nairi dó. Focherdsom[38] de. Imasīnit[h]ar dōib. Doscarthar Cūchulaind. Co cūala nī, in boidb dinaib collaib. “Olc damna lōich[39] fil and fo chosaib aurdragh.[40]” Lasodain fanēraig[41] Cūchulaind ⁊ benaid a chend de cossin[42] luirg áine, ⁊ gaibig[43] immān līathrōide riam darin nārmaig.[44] “Hi[45] fail mo popa[46] Conchobar isinn[47] ārmaigse?” Frisgairside[48] dō. Tēit chuici conindnaca[49] isin c[h]lud, ⁊ robōi indnúir[50] imbi do cach leith dia dīc[h]lith. “Cid día tudchadso[51] isin nārmaigh,[52]” ol Conchobar,

  1. conbóing LU.
  2. ind indassin caidche LU.
  3. conidapad LU.
  4. díib LU.
  5. teched LU.
  6. conerget LU.
  7. fón imdái LU.
  8. dano LU.
  9. de added over the line; de in nimdái LU.
  10. .xxx. LU.: leg. trichait
  11. robói LU.
  12. mbói LU.
  13. for LU.
  14. sedait LU.
  15. córaigmitni LU.
  16. sídaígmít LU.
  17. Bói imnisse LU.
  18. th added later over the line
  19. Ul¯ LU.
  20. nDurtacht LU.
  21. facabarsom LU.
  22. chotlud LU.
  23. Maiti LU.
  24. facabar LU.
  25. sochaide LU.
  26. dofúsciseom LU.
  27. leg. fíad Bricre?
  28. ind lis LU.
  29. athgáite LU.
  30. bethu LU.
  31. a popa Fer” LU.
  32. Cáte LU.
  33. adaig LU.
  34. fir on an erasure
  35. = for
  36. orse LU.
  37. fochéirt LU.
  38. foceirdsom LU.
  39. damnæ láich LU.
  40. The mark of aspiration is later: chossaib auddrag LU.
  41. fónérig LU.
  42. cosind LU.
  43. gabaid LU.
  44. darin mag LU: leg. darsa mag
  45. In LU., recte.
  46. phopa LU.
  47. isind LU.
  48. The first s is added over the line
  49. conidnacca LU.
  50. ind úir LU.; leg. ind úr
  51. tánac LU.
  52. The mark of aspiration is later: isinnármag LU.; leg. isa nármag