Page:Tain Bo Cuailnge.djvu/23

From Wikisource
Jump to: navigation, search
This page has been validated.

11

TÁIN BÓ CÚAILNGE

slūag do imdidnad[1] a mbratnas[2] ⁊ a fortcha ⁊ a mbrat, arnāchasalchad dendgor in dīrma. Fogabadside ind nith focheard[3] Cūchulaind ⁊ airigsitar[4] in gleith[5] geltadar ind eich. Ar geltadar dā ech Sūaltaim a fēr cona bun a talam; lelgadar[6] immorro eich Chonchulaind[7] in nūr[8] corrice[9] na clocha i ndegaid ind ḟeūir. Suidit iarum co tānic in slūag, ⁊ aruspeittet[10] a nōes ciūil. Dosberad i llāim Ḟergusa maic Roeich[11] in nith. Arolēgside[12] [17b] in nogum bōi isinn ith.[13] Asber[14] Meadb iar tīachtain: “cid frisinanad sunn?” ol Medb.[15] “Anmai,” or Fergus, “frisin nith[16] ucat.[17] Atā ogum ina menuc,[18] ⁊ is ed fil and: “nā tīachar[19] secha co nētar fer rolaa id samlaid cona ēnlāim[20] ⁊ ōenslat diatā, ⁊ friscuiriur mo phopa Fergus.” Fīr,” or[21] Feargus, “Cūchulaind rodlā, ⁊ it ē a eich geltadar a[22] magso.” Ocus domber[23] i llāim in druad, ⁊ cachain Fergus in lāidseo sīs:

“Id inso. Ced sloindeas dūind[24]? Ind id cid[25] fothā[26] a rūin[27]?
Cia līn rolaa andse[28]? In hūathad[29] in sochaide?

In dēini erchōit dont slūag ma dochōised huide hūad[30]?
Findaid, a druidi, nī arsin,[31] cid frisifarcbad[32] int id.

Crephnais[33] churad caur rodlā lānaiṅgciss[34] for errida.
Astud[35] ruirech, ferg in dāil, rolaa ēnfer co nēnlāim.[36]

In nāch dia rēir slūag ind rīg, ingi ma rochoillset[37] fīr
conidrolā ūaib namā ōenḟer amal fer ron[38]?
nochonetur acht andsin[39] nī frisicoirthi[40] ind id.”

Id indso ⁊ rl.

Asber[41] Fergos iarum friu: “ma sāraigthe ind nidse,[42]” olse, “nō ma tīstai[43] secha, cia beth[44] i llāim dune nō i taig fo[45] glas, ricfe

  1. ididnad LU.
  2. a bretnas LU.
  3. fogabaitside in nid focheird LU.
  4. Gl. .i. atconcotár LU.
  5. geilt LU.
  6. Gl. .i. lomraiset LU.
  7. da ech Conculaind LU.
  8. in núir LU., recte
  9. corrici LU.
  10. Gl. .i. sennit LU.
  11. Fergusa maic Róich LU.
  12. Arlégaside LU.
  13. isind id LU.
  14. Asbert LU.
  15. cid frisinnanaid and LU.
  16. after nith a letter has been erased
  17. nucut LU., recte
  18. inna menuch LU.
  19. ná tíagar LU.
  20. óenláim LU.
  21. ol LU.
  22. in LU.
  23. damber LU., recte
  24. n LU.
  25. cia LU.
  26. fotá LU., recte
  27. rún LU., recte
  28. insé LU.
  29. inn úated LU.
  30. docoiset ude núad LU.
  31. a is added later under the preceding i
  32. recte frisafarcbad
  33. Crephnas LU.
  34. lán aingces LU.
  35. d added later over the line
  36. ferg in da óenfer co noenlaim rolá LU., with the variant: feirg in dáil rolá oenfer co nóenláim
  37. inge má rochoilled LU.
  38. rolá LU.
  39. insin LU.
  40. frisicorthe LU., leg. frisacorthe
  41. Asbert LU.
  42. in nidso LU.
  43. nó ma thíastá LU.; leg. nó má thíastae
  44. beith LU.
  45. fó LU.