Page:Tain Bo Cuailnge.djvu/19

This page has been validated.

7

TÁIN BÓ CÚAILNGE

for Scúaip

for Imscúaip

for Cend Ferna

for Baile

for Aile

for Báil Scena

for Dáil Scena

for Fertse

for Ross Lochad

for Sále

for Lochmach

for Ánmag

for Deind

for Deilt

for Dubglaiss

for Fid Mór

for Colbtha

for Crond

hi Cūalngi.

A Findabair Chūalngi is ass fodāilte int ṡlóig hĒrend fón cóiced do c[h]uingid in tairb. Ár ropo thairsiúsin dochótar céin co rāncatar Findabair. Finit a titulrad; incipit in scél iar núrd.

[56^b]

IN SCÉL IAR NURD INSO SÍS

Ō dodeochatár a cétna rude a Crūachnaib co mbátár hi Cúil Sibrinne, asbert Medb fria haraid ara nindled a nōi carpti dí, co rolád cor isin dúnud co naccad dús cía lasmboth scīth ⁊ lasmboth laind techt int slōgaid.

Focress a phupall colléic for Ailill ⁊ sudigthe a thincur eter choilcthe ⁊ brothracha. Fergus mac Rōich didiu for lāim Ailello isin phupull. Cormac Cóndlongas mac Conchobair fora láimsidi; Conall Cernach fora lāim; Fīacha mac Fir Febe fora láimside, macc ingine Conchobair; Medb ingen Echach Fedlig fora