Page:Tain Bo Cuailnge.djvu/103

From Wikisource
Jump to navigation Jump to search
This page has been validated.
91
TÁIN BÓ CÚAILNGE

conadadbur[1] ūailli,
frithāilfither ūaindi,[2]
dāig is dar cenn lūaigi
leitērthar co lūath.

Madchīu curaid Chūailgne
co nadamraib[1] ūailli,
nī ar teiched tēit ūaindi,
acht is cucaind tic:
gid rogǣth nī rogand,
is ar maith romolam,
reithid is nī romall
ímar thorand tricc.

Bec nār chonair chonais
ara mēt romolais:
cia fāth arathogais
ō thāinic ō thaig?
Is anoissí fūacraid,
is atāit ga fōbairt,
nāch tānic dia fūapairt[3]
acht mad aigith meith."
Is mithig

Nī cīan īartain co rocomraicedar ar lār ann ātha ⁊ adubairt Fer Diad ri Coinculaind: “Can ticisiu, a Chū?” arse. Dāig cūa ainm na clāine isin tsengaidilc,[4]secht meic imleasan bātar i[5] rīgrosc Conculaind. Dā mac imleasan dībsidi ⁊ sīat clǣna, ⁊ nocho mo a domaisi dō inā [a] maisi dosom, ⁊ da mbeith ainib bad mō for Choinculaind, ised rothuibebad fris ⁊ robāi ca thabairt ūas aird ⁊ doroindi lāid ⁊ im[ḟ]recair Cūchulaind co tarrnaic:

“Can ticiseo, a Chūa,
do t[h]roit re nert nūa?
bid crōderg do chūa
ūas anālaib t’ ech,

  1. 1.0 1.1 co nadabraid LL., Wi. 3354.
  2. this line is superfluous; it is absent in LL.
  3. f added later
  4. ms., st, over which was added later b a to indicate that the letters are to be transposed
  5. originally is, but s almost erased and a line drawn above i