Page:Irische Texte 1.djvu/118

96

III Scél mucci Mic Dáthó

Incipit Scel mucci Mic Dáthó.

Durch kleinen Druck im Texte sind die in L verwischten Wörter kenntlich gemacht, die ich nur mit Hülfe der anderen Handschriften errathen konnte. Die Sternchen bezeichnen schwierige Wörter und Stellen; mehrere derselben sind im Anhang besprochen.

1. Boi rí amra for Laignib,^[1] .i. Mac Dathó a ainm. Bui cu oca, no ditned^[2] in cu Lagniu uile. Ailbe ainm in chon, ocus lan^[3] hEriu dia aurdarcus^[4]. Tancas^[5] o Ailill ocus o Meidb do chungid in chon. I n‑oen uair dana tancatar ocus techta Conchobair mic Nessa^[6] do chungid in chon chetna. Ro ferad failte friu uile, ocus ructha chuci-sium isin m‑bruidin. Is í sein in t‑ṡeised bruiden ro boi i n‑hErind in tan sin^[7]: i. bruden Daderga i crich Cualand, ocus bruden Ḟorgaill Manaich, ocus bruden Mic Dareo i m‑Brefni, ocus bruden Dachoca i n‑iarthor Mide ocus bruden Blai briuga i n‑Ultaib^[8]. Secht n‑doruis isin bruidin ocus secht sligeda tréthi, ocus secht tellaige inti, ocus secht core, ocus dam^[9] ocus tinne in cach coire. In fer do theiged iarsin t‑ṡligi^[10], do bered in n‑ael isin coire, ocus na tabrad^[11] don chét gabail, issed no ithed. Mani thucad ní don chét tadall^[12], ni bered a n‑aill^[13].

2. Ructha trá na techta naimdai chuci-sium^[14] do airiuc thuile doib riasin feiss^[15]. Ro raidset a n‑athesc^[16]: „Do chungid in chon do dechammar-ni ó Ailill ocus ó Meidb^[17]“, ar tecta Connacht, „ocus dobertar tri fichit cét lilgach a chétóir^[18] ocus carpat ocus da ech bas ḟerr la Connachta^[19], ocus a chommáin

1. Boi ri brug, amrae la Laignib H.
2. no imthigid H.
3. ba lan H.
4. di irdurcus in chon H.
5. do thoet techta H.
6. immalle de dechotar ocus techta Ulad H.
7. für in tan sin: isandaimsir sen H.
8. blai brug, a coic, Concob. H.
9. secht n‑dam H.
10. no tegind iersan t‑slig. M.
11. für na tabrad: atabr. H.
12. mani thucad vero ni don ced gab. H.
13. araild H.
14. inaimga (?) chucesem H.
15. für riasin feiss: riesiun doberta ambíad andocom H.
16. athes L. athiusca H. aithescae M.
17. dodeochamarne al techtoi ConnVIII i. o Medb ocus Ail. H.
18. a chétoir om. H.
19. bus dech la C. fo c. uair H.