Page:Fluors alpinas.djvu/132

From Wikisource
Jump to navigation Jump to search
This page has been proofread.


»O zuond containta, chera, mour!
Sainz' el che m'ais il muond?
M'abbandunand, mieu pover cour,
Soffrit dolur profuond!

»Ma eau'l perdun e vögl smancher
Il displaschair soffert;
Sco eau üngün, mê po l'amer .....
clama'm in Dieu bain spert.«

»Mieu sguard, o sour, non ais pü cler,
As fix' intuorn intschert;
Il puls am fügia, vain pü rer;
Soffresch pü del soffert!«

»Addieu, addieu, chera sour!
Tradid' eau mour, perche
Crajaiv' in el, quaist miser cour,
E vair amur e fe!«

»Pü nun crider per me, ma sour!
A bun ans vair cossü!«
L'ögl ais gia ruot, nun batt' il cour;
La chera nun ais pü!
Italia 1887.