Page:Безбородов М. И. Сочиненият 1-це томсь (1939).djvu/101

From Wikisource
Jump to navigation Jump to search
This page has been proofread.

* * *


Покодсь паксяса,
Тюже розьнятнень
Веляфтсть тарвазса.
Ванан, ош пяльде
Арды алаша,
Лангсонза ломанть
Пиндолдсь палажоц.
Лафту лангсонза
Ульсть пагононза,
Кедень кяскавса
Ульсть кагодонза.
Кармась церькавста
Пайгонь шавома,
Тяфта эряскодсь
Кулянь азома.
Кода фкя ломань,
Пряснон кеподезь
Паксяса нуйхне,
Модань сокайхне.
Ваныхть велети, —
Мезьгя аф няеви —
Мезенкса пайгонь
Вайгяль маряви?
Мярьголеть пожар
Велеть фатязе, —
Качамонц народсь
Вай, аш няезе.
Сембонь сельмоста
Кяшевсь, юмась шись,
Ласьки ломаньда
Пяшкодсь паксянь кись.
Ласькихть алятне,
Ласькихть аватне,
Сяда пяк ласькихть
Стирьхне, цьоратне.
Пуромсть велети,
Пайгонь шавить ваксс,



96