Ottava di Tonino
From Wikisource
| Ottava di Tonino de Carlo Goldoni XVIII secolo |
| Informassion su la proveniensa del testo |
Xe un dono de natura la bellezza,
Che se perde col tempo, e se ne va.
Xe un don della fortuna la ricchezza,
Che poderia scambiarse in povertà.
Quel che se stima più, che più se apprezza,
Xe la fede, el bon cuor, la carità.
Questa xe la lizion che mi ghe dago;
La impara sta ottavetta, e me ne vago.
