O bon tempo da Roma, o compagnia

O bon tempo da Roma, o compagnia,
O camere, locande, o vigne, o cocchi,
O caldi rosti, o zìccore marzochi,
Che me sona in le recchie tuttavia.

O felice visina anima mia,
O bei, o cari, o lucidissimi occhi,
Vedéme qua fra cimesi e pedochi,
Fin condanao a morir in gallìa.

E se no havé pietà della mia pena,
Mandéme solamente un bollettin
Che me mettarò al remo, alla caena.

Ma s'havé niente caldo el coresin
Del fuogo che me bùlega in la schena,
Me par sentirve a dir: Gramo meschin,

C'ha fatto el poverin?
Per qual peccà, per qual fiera sententia,
Patise 'l cusì dura penitentia?

Vita mia, habbi pasientia,
Vogiéme pur ben vu, che mi ve zuro
Che vuoi tornarve a star a muro, a muro,

Che no darìa seguro
Del vostro amor, cusì dolce speranza,
Per esser Zeneral del Re de Franza.