Nyi ma dang zla ba kha sbyor ba chen po gsang ba'i rgyud

@1

153

nyi ma dang zla ba kha sbyor ba chen po gsang ba'i rgyud ces bya ba bzhugs

154

rgya gar skad du

bod skad du

nyi ma dang zla ba kha sbyor ba chen po gsang ba'i rgyud ces bya ba

bcom ldan 'das mngon par byang chub pa chen po phyag 'tshal lo

'di skad bdag gis bstan pa'i dus gcig na

e ma

nga ni 'jig rten bsgral ba'i phyir

skye bzhi'i gzugs su sprul nas ni

sems can kun gyi don byas pas

sangs rgyas da lta rnams kyi snang ba thob

skye gnyis par du sangs rgyas pa'i

155

nges pa'i 'bras bu sus 'dod pa

nga yis bstan pa'i rgyud 'di nyon

rgyud 'di la ni sus gang goms pa

bsgom pa med par sangs rgyas 'thob

sus kyang bslab pa med par na

bla ma'i man ngag rtsad rnams chod

de phyir 'di la goms par gyis

de skad ces mi gnas pa'i rang bzhin gyi gnas chen po nas

mi snang ba'i ston pa chen pos mi 'byed pa'i 'khor la gsungs so

156

gsung ngo

gsung bar 'gyur ro

'di skad bdag gis thos pa'i dus gcig na

gang gis kyang ma byas pa'i yongs su bkod pa chen po'i gnas

rang bzhin gyis rnam par dag pa kha dog dang gzugs brnyan thams cad dus gcig la gsal ba

bkod pa rgya che la dkyil yangs pa

kha dog ma 'dres yongs su rdzogs pa

ltem bzhin pa

mer bzhin pa

'gul bzhin pa

'phrigs bzhin pa

shin tu mnyam pa chen po na

bcom ldan 'das mngon par byang chub chen po sangs rgyas thams cad kyi lta ba dang

dgongs pa mdzad spyod mi zad pa rgyan gyi 'khor lo chen po nyid

rig pa rdo rje lu gu rgyud dang

rig pa khyab gdal chen po'u sku dang

rig pa mngon sum du snang byed kyi sku dang

157

ma bkod pa'i rang bzhin gyi

ye shes chen po lnga dang

chos thams cad stong pa nyid dang

mtshan ma med pa dang

mi dmigs pa dang

rang gis mtshan nyid bral ba dang

mi gnas pa'i stong pa chos nyid chen po dang

mi 'gyur ba chos sku'i tshul 'dzin pa dang

kun tu gsal ba longs spyod rdzogs pa'i sku'i tshul 'dzin pa dang

mdzad pa ma lus pa sprul pa sku'i tshul 'dzin pa dang

rnam par 'phrul pa yang ma yin pa'i rigs las

de bzhin gshegs pa rang gi mtshan nyid 'dzin pa'i rigs dang

rdo rje rigs kyi mtshan nyid 'dzin pa'i lha mo dang

rin po che'i rigs kyi mtshan nyid 'dzin pa'i lha dang lha mo dang

pad ma'i rigs kyi mtshan nyid 'dzin pa'i lha dang lha mo dang

las kyi rigs kyi mtshan nyid 'dzin pa'i lha dang lha mo dang

mi mdzad pa'i mdzad po las

158

rnam par snang mdzad chen po'i phyag rgya dang bcas pa dang

rdo rje mi bskyod pa rdo rje'i rigs las byung chen po sku phyag rgya dang bcas pa dang

rin chen 'byung ldan chen po'i sku phyag rgya dang bcas pa dang

snang ba mtha' yas chen po'i sku phyag rgya dang bcas pa dang

don yod grub pa'i sku phyag rgya dang bcas pa dang

sems dpa' chen po rol pa'i lta stangs rnams dang

sems ma chen mo sgeg mo'i cha lugs rnams dang

rang byung gi he ru ka chen po lnga dang

sku'i phung po dum rnams dang

'jig rten las 'das pa'i theg pa chen po'i yan lag bsam gyis mi khyab pa rnams dang

'dul ba'i sde dang stong mdo sde'i sde dang

159

mngon pa'i sde dang

rang bzhin rdzogs pa chen po'i rnam grangs rnams te

gsung gi phung po bsam gyis mi khyab pa rnams dang

sems rnam par sbyang ba dang

gser gyi sgrom bu lta bu'i sems dang

rnam par gzhil ba dang

rnam par btul ba dang rnal du bab pa dang

mi gnas pa'i rig pa chen po la sogs pa ste

thugs rnams dang

nam mkha' la dngos por dbang bskur ba dang

chu la sreg byed du dbang bsgyur ba dang

me la sdud par byed pa dbang bsgyur ba dang

sa la skyod par byed pa dbang bsgyur ba dang

rlung la brtan par byed par dbang bsgyur ba rnams te phrin las rnams dang

ma bzlas par rtags rnams rang byung ba dang

ma bsgrubs par dngos grub chen po rang byung ba dang

ma bskur ma btsal bzhag pa'i dbang rnams rang thob pa dang

160

ma bslabs par chos thams cad kyi don rang shes pa dang

ma bsgoms par sangs rgyas nyid rang gis rang thob pa la sogs te

yon tan dpag tu med pa rnams dang

mi 'byed pa rgyun gyi ting nge 'dzin la thabs cig tu snyoms par zhugs so

de nas mi rtog pa'i thub pa chen po zhes bya bas

ston pa rdo rje 'chang chen de la

ma chags pa'i mchod pas ni mchod

ma bskul ba'i dbyangs kyis ni gdungs

mi gnas pa'i bsam pas ni bzung

ma bting ba'i stan las ni langs

ma byas pa'i bla gos ni bzar

ma bsgrags pa'i glu yis ni bskul

ma mun pa gsal ba'i dad pa mngon du blangs nas

'di skad du rdo rje'i glu'i tshig rnams kyis ston pa la rab tu zhus so

161

e ma ke ri ka ri mas ta

bha li bha li

sa mi ta su ru su ru

kun dha li ma su ma su

e ka ras su ti bhas ta ye

tsa ki ra bhu li ta lce ye

sa mun ta

tsar ya su gha ye

bhi ting la sa na

bha ghu li ye

sa ta ri dhu ka ni

ma ta ri bhe ta na

pa ra li hi dhi sa na

ma khar te ka la na

tsa ra di pa

sur ya gha ta ra e

pa sha na

ra na bhi ti sa ghu ti pa ya

ghu ra ghu ra pa ga

kha ra na lam

na ra na ra

i tha ra pa tra lam

sir na sir na

bhe sa bhe sa

ras sam lam

bung dha bung dha

tshi sha sa ghe lam

sa sa ri ri

le khe

i i

ma ma

ri ri

la dha a

om a hum

smas ta bha sa li

ma si ta

su ru su ru

kun dhi li ma su

i ka ri li bha ta ye

tsa ka bhu li ta lca ye

sa mud ta tsar ya su gha ye

bhi ti sa na bha ghu ye

ke re dha ka ni

dha ka ma man so ri

ta na sa ra

bha li dhi

sa ni kha ra ta ke la na

sam bhud ra ta

e ka tsa ra pa ti

ta bha sur ya gha ta a

ma na sa pa ra bhi ho

ti ghu ru la

ma smin sa

ghu ti la

ta ya ma ghu ra ghu ra

162

rlang gha kha sa ra na lam

na ra na ra lam

i tha pa ta lam

i tha ra sa ta mam

bir na bhe sa ra lam

sa ke lam

sa sa

ri ri

li li

a a

ma ma

ra ra

zhes pa'i rdo rje'i glu yis ni

ston pa'i thugs dkyil rab tu bzung

mi rtog thub pa chen po nyon

ma bsams bzhag pa'i rang rig ni

rdo rje 'chang gi lung chen las

'di la spyad pas dngos grub thob

ye shes rnams kyi 'dug stangs la

skyes bu rnams kyi dran pa rnyed

phyin ci log tu ma yin te

mi phyed rdo rje'i gzungs yin no

mi 'gyur rang snang chen po las

sgra yi phung po rdzogs par bshad

de yang rnal 'byor thabs kyi gtso

grags pa med pa rdo rje'i glu

sangs rgyas kun gyi yid kyang tshim

rnal 'byor pa yi nyams kyi grogs

mkha' 'gro ma yi yid rnams 'phrogs

rigs drug 'khor ba'i zhen pa bzlog

163

skal dang ldan pa dang 'du'i gnas

sems kyi rgyud kun rang dbang thob

rang rig bde ba'i gsal rnams 'degs

shes pa gcig pa'i yul yang byed

yid can rnams kyi skyon rnams sel

lus can rnams kyi sgrib pa sbyong

dbang dang dam tshig bde ba ster

ma rig pa dag gcar la gnon

theg pa rnams kyi ngal gso'i gnas

lta dang sgom pa 'brel pa'i tshig

snying po rnams kyi 'dul pa'i zhing

mi bskyod rnam par rang bskyod nas

rdo rje sems dpa'i sku yang 'dzin

de phyir rdo rje'i glu blangs pa

thub pa chen po khyod legs so

zhes ston pa nyid kyis de skad ces gsungs so

de nas thub pa chen pos 'di skad ces gsol to

kye kye ston pa rdo rje 'chang

bdag gis smras ba'i gla tshig 'di

164

ston pa nyid la mchod phyir brjod

de la yon tan de tsam na

glu la dgos pa'i ci zhig mchis

yon tan gad tsam yod pa lags

bdag gis 'di dag ma 'tshal na

bcom ldan nyid kyis bdag la gsung

de nas nyid kyis bka' stsal pa

nyon cig thub pa rtog pa med

rdo rje gsang ba'i glu 'di yi

dgos pa ngan song sgo dgag phyir

sangs rgyas nyid kyi mdzad spyod yin

rnal 'byor gang zhig skal ldan pa

dur khrod gnas su rgyu ba'i tshe

rdo rje'i glu ni yang yang blang

mi rtog bsam gtan gnas pa'i grogs

spyod pa kun gyi sngon du 'gro

de phyir rdo rje'i glu nyid blangs

tshogs pad dbang bskur dkyil 'khor 'jug

de dus glu la brtson par bya

mi rtog rgyud la brten dus su

'di nyid skabs su blang bar bya

glu yi don ni 'di dag go

mi rtog ye shes sna 'dren pas

rdo rje nyid kyi glus kyang bskul

gang zhig bsam gtan ma phebs pa

165

'dis ni rnal du 'bebs pa yin

gal te rnal 'byor bying ba'i dus

kis ni gseng na ting 'dzin bzang

rang rig bde ba'i rgya yis 'debs

phyag rgya chen po nyid dang sbyor

bla ma'i man ngag lung kun 'jug

stong pa nyid kyang rgyud la brten

dmigs pa rnams ni rang sar grol

sems kyi dngos po spyod pa'o

de phyir rdo rje'i glu len cing

rtag tu rdo rje'i gar yang bya

glu gar rgyun du rnal sus brten pa

'di ni rdo rje'i rigs su 'gyur

zhes nyid kyis gsungs so

de nas mi rtog pa'i thub pa chen pos

ston pa rdo rje 'chang la 'di skad ces gsol to

kye kye ston pa thugs rje can

gsang ba'i rgyud ni rnam phye ba

sngon byung ston pa byon dus su

'di nyid ci ltar bshad pa lags

de ni ma 'ongs sems can la

ci ltar rgyud nyid bshad par bgyi

'di dag bdag gis ma 'tshal na

thugs rje chen pos bdag la gsung

bcom ldan 'das kyis bka' stsal pa

166

gsang ba chen po'i rgyud rnams ni

phun sum tshogs pa lngar ldan pas

thun mong nyid dang thun mon min

gleng gzhi rnams kyi sa bon no

rang rig sgrib pa kun 'das pa

gnas kyi khyad par nyid du'o

de nyid phyi dang nang khyad las

cit ta rin chen gzhal yas khang

rang rig ye shes sngon byung bas

shes rab rang byung ston pa chi

sku dang ye shes thig le rnams

mi rtog rnam grangs 'khor du byung

gdams pa nyams len bstan pa'i tshul

de nyid gom pa dus kyang yin

de ltar gnas pa'i rgyud de la

bshad pa'i yan lag bzhi dag las

khyad par du ni nang ltar bshad

rtsa ba'i don gyi mtshan ngos bzung

yo ga'i don gyis 'jug sgo bstan

167

dgos ched don gyis rang sar bzhag

tshig gi don gyis dkyus nyid sprad

lo rgyas don gyis yid rnams tshim

mi rtog thub pas yang gsol ba

ma bshad skyon ni ci lta bu

gtso bo nyid kyis bdag la gsungs

thub pa nyid ni yang nyon cig

lo rgyus don gyis ma bshad na

gsang chen nges pa'i bka' 'di la

yid mi ches pa'i skyon du 'gyur

rtsa ba'i don gyis ma bshad na

chos rnams rig par ma 'dus pas

mtha' yas pa yi skyon du 'gyur

yo ga don gyis ma bshad na

theg pa'i ru shan mi 'byed pas

che chung rim par dor med 'gyur

dgos ched don gyis ma bshad na

rdzogs chen 'bad rtsol med pa la

don med pa yi skyon du 'gyur

tshig gi don nyid ma bshad na

rgyud rnams rim par gsal ba'i tshig

'bru mi tshoms pa'i skyon du 'gyur

de ltar skyon rnams spangs pas ni

yon tan thams cad rdzogs par 'gyur

168

yon tan rdzogs pa'i rgyud chen 'di

sangs rgyas kun gyis gsang chen pas

'di la sus goms mkhas pa yin

ci ltar rig pa'i rnal 'byor pas

rgyud kyi don rnams khong du chud

gdams yul gang zag rnams la bstan

dbang po yis ni nges phye nas

dmigs pa'i don du sus 'dris pa

'dis ni rgyud rnams dum bur 'gyur

'di ltar bshad nas don rnams 'byung

snying po yang nas yang bsdus pa

'bras bu nges pa'i rgyud du'o

thub pa yis ni yang gsol ba

kye ma sangs rgyas bcom ldan 'das

rgyud kyi rgyal po 'di dag ni

bshad pa'i rim pa de ltar na

bsgoms na ci ltar bsgom pa lags

'on te ma bsgoms grol ba lags

bzung ba'i yon tan ci lta bu

'di dag bdag gis ma 'tshal to

yang dag rdzogs pas yang gsungs ba

mi rtog thub pa chen po nyon

gsang ba yang nas yang bsdus pa'i

169

rgyud kun gyi ni rim pa la

la lar bskom pa nyid du ste

rgyud 'dir ni bsgom pa ma yin no

gong du goms pa'i thugs kyis ni

skye gnyis mtshams su bde ba rnyed

yang na dbang po'i bye phrag gis

rab ni skye gnyis mi dgos te

'bring la skye gnyis mtshams su'o

tha ma rnams ni dbugs dbyung ste

sprul pa pos ni rang rgyud grol

des na skye gnyis med par yang

thog ma'i grol sa gang yin par

rnal 'byor ldan pa de nyid do

nga yi rgyud 'di sus bzung ba

'jig rten phan pa'i 'bras bu dang

nges par snang ba'i sa thob ste

sku gsum la yang longs spyod do

rgyud 'di nyid bcangs pa tsam gyis ni

ma bsgoms bsam gtan 'bab pa dang

ma bslabs chos rnams shes pa dang

ma bstan man ngag nyid goms dang

ma bshad rgyud rnams rang shes dang

ma bskyed lha yang mngon du snang

170

de yi phyir na rgyud 'di brten

rnal 'byor gang zhig skal che bas

'di nyid bcangs pas dngos grub thob

sangs rgyas mdzad spyod dang du longs

ngan song gnas rnams dong sprugs te

bde ba chen po'i lam du 'dzud

rang snang goms pa'i gding thob nas

dbyings su 'phyo ba'i 'jigs med rnyed

gsang ba gsang mchog bla na med

nges pa'i snying po yang gsang 'di

su la snang bar gyur pa de

dus gsum bzhugs pa'i dbang yang thob

brjed 'bral med gzungs 'thob po

zhes nyi zla kha sbyor gsang ba'i rgyud chen po las

rgyud 'byung bar byed pa'i gleng gzhi bshad thabs dang bcas pa'i le'u ste dang po'o

@2

de nas chos thams cad rmi lam dang sgyu ma lta bu'i don ci ltar gnas pa brdas bskul te

snang ba thams cad gtan la dbab pa 'di dag bka' stsal pa

khams rnams dang ni phung po dang

171

skye mched rnams dang dbang po dang

yul dang yul can shes pa rnams

ci ltar gnas pa gtan la dbab

'di dag shes pa'i rnal 'byor pas

snang ba thams cad dbang bsgyur thob

de rnams yul rnams sus 'dzin pa

rnal 'byor ldan pa nyid kyis ni

ci ltar 'di dag shes par bya

mi rtog thub pas yang gsol pa

kye bcom ldan 'das kyis sngar gsungs pa'i

khams lnga rnams ni gang lags

phung po zhes ni ci la bgyi

dbang po rnams ni gang lags

skye mched zhes pa ni ci

yul rnams ni gang lags

yul can zhes bgyi ba ni ci lags

'di dag rnams la bdag ni the tshom gyur

yid gnyis su gyur lags pas

'di dag gi don bdag gis ma 'tshal lags na

bcom ldan 'das kyis bstan du gsol

de nas bcom ldan 'das kyis bka' stsal pa

kye thub pa chen po khyod nyon cig

de dag gi don ngas bstan gyis

khams ni gnyis te phyi yul gyis bsdus pa'i khams dang

nang sems kyis bsdus pa'i khams gnyis yin no

172

mi rtog thub pas yang gsol pa

kye kye bcom ldan 'das phyi yul gyis bsdus pa'i khams gang lags

nang sems kyi bsdus pa'i khams su gang rnams 'gro ba gang lags

bdag la de rnams kyi don gsungs shig

yang bka' stsal pa

thub pa chen po khyod nyon cig

phyi yul gyi bsdus pa'i khams ni

sa'i khams kyis lus kyi gzhi skyed par byed pas na khams so

chu'i khams kyis ming du 'dzin pa thams cad sdud pas na khams so

me yi khams kyis yul rnams smin par byed pas na khams so

rlung gi khams kyis g.yo ba'i 'jig rten thams cad brten pas na khams so

nam mkha'i khams kyis dbang po rnams 'dzin par byed pas na khams so

nang sems kyis bsdus pa'i khams la gnyis te

sems sdud par byed pa'i snod kyi khams dang

sems nyid las byung ba'i khams nyid do

snod kyi khams ni sems dran pa gzhi che ba las byung ba'i gzugs kyi khams dang

dran pa las byung ba'i gzugs med pa'i khams dang

dran pa gud du 'dzin pa las byung ba'i 'dod pa'i khams so

173

sems nyid las byung ba'i khams ni

shes pa rang gsal gyi cha las byung ba'i mig gi khams dang

shes pa rtse gcig pa las byung ba'i rna ba'i khams dang

shes pa mtha' yas pa las byung ba'i sna'i khams dang

shes pa rnams gcig tu 'dus pa las byung ba'i lce'i khams dang

shes pa kun tu 'jug pa las byung ba'i yid kyi khams dang

shes pa rnams kyi rten byed pa las byung ba'i lus kyi khams dang

ming dang kha dog 'dzin pas na mig gi rnam par shes pa'i khams dang

grub pa'i las 'dzin par byed pa'i rna ba'i rnam par shes pa'i khams dang

gzhan rjes su 'dzin par byed pa'i sna'i rnam par shes pa'i khams dang

dngos po nyams su myong bar byed pa lce'i rnam par shes pa'i khams dang

dngos po dang dngos po med pa thams cad la khyab par byed pa'i yid kyi rnam par shes pa'i khams dang

thams cad kyi don sdud par byed pas na lus kyi rnam par shes pa'i khams dang

dngos po rnams la log par rtog pa 'dzin cing yul bsgrubs pas na mig gi 'dus te reg pa'i khams dang

174

snang ba'i yid 'dzin cing 'phro ba sgrub par byed pas na rna ba'i 'dus te reg pa'i khams dang

thob pa'i shes pa rnams dus gcig tu sdud cing gzhan gyi yid 'phrog par byed pas na

sna yi 'dus te reg pa'i khams dang

gang gi dngos po rnams rjes su 'dzin cing nye bar len pas na

lce'i 'dus te reg pa'i khams dang

dran pa thams cad gcig tu sdud cing yul kun la 'jug pas na

yid kyi 'dus te reg pa'i khams dang

rags pa du ma rnams 'dzin cing 'byung ba rnams 'dus pas na

lus kyi 'dus te reg pa'i khams so

de'i phyir na khams de dag rnams kyang yul 'dzin par byed pa yin no

de yang 'khrul pa nyid nang du 'dzin par byed pa'i cha las byung ba'o

phung po rnams ni 'di lta ste

rtog pas sbag pa'i phung po dang

rtog pa rnams rang bzhin gyis med pa'i phung po'o

mi rtog thub pas yang gsol ba

kye bcom ldan 'das

rtog pas sbag pa zhes bya ba'i phung po ni gang lags

175

rtog pa med pa'i phung po ni gang lags

ston pa nyid kyis bdag la gsungs shig

de nas nyid kyis yang bka' stsal pa

kye thub pa chen po rtog pas sbag pa'i phung po ni 'di lta ste

dngos po thams cad gcig tu 'dus te grub pas na gzugs kyi phung po dang

shes pa thams cad 'dus pas ni rnam par shes pa'i phung po dang

nyams su myong ba thams cad gcig tu 'dus pas na tshor ba'i phung po dang

dbang po rnams kyi 'dzin pa gcig tu 'dus pas na 'du shes kyi phung po dang

phra ba'i nyon mongs pa rnams 'dus pas na 'du byed kyi phung po'o

mi rtog pa'i phung po ni 'di lta ste

bsam gtan thams cad 'dus pas ting nge 'dzin gyi phung po dang

rig pa nyid zag pa zad pa'i phyir rnam par grol ba'i ye shes kyi phung po dang

de nyid kyi don skye med du snang bas shes rab kyi phung po dang

dri ma rnams mngon du dag pa'i phyir tshul khrims kyi phung po dang

rnam par rtog pa thams cad las 'das pa'i phyir rnam par grol ba'i ye shes mthong ba'i phung po'o

176

dbang po la gnyis te

gzugs kyi cha las byung ba'i dbang po dang

shes rab kyi cha las byung ba'i dbang po'o

mi rtog thub pas yang gsol pa

kye kye bcom ldan 'das gzugs kyi cha las byung ba'i dbang po rnams gang lags

shes rab kyi cha las byung ba'i dbang po'i cha ni gang lags

bcom ldan 'das kyis bdag la gsung du gsol

bcom ldan 'das kyis bka' stsal pa

kye mi rtog pa'i thub pa chen po khyod nyon cig

gzugs kyi cha las byung ba'i dbang po ni drug ste

rags pa rtsa ba'i cha 'dzin pa mig gi dbang po dang

bskyod pa rlung gi cha 'dzin pa rna ba'i dbang po dang

sdud pa chu'i cha 'dzin pa sna'i dbang po dang

smin pa me'i cha 'dzin pa lce'i dbang po dang

khyab pa nam mkha'i cha 'dzin pa yid kyi dbang po dang

'dus pa sna tshogs pa'i cha 'dzin pa lus kyi dbang po'o

shes rab kyi cha las byung ba'i dbang po ni drug ste

177

sems rnam par gdung ba dad pa'i dbang po dang

sems rnam par rno ba brtson 'grus kyi dbang po dang

bar ma chod par tshig don 'dzin pa dran pa'i dbang po dang

chos nyid stong pa nyid mngon sum pa nye bar len pa'i dbang po dang

lta ba'i don nye bar len pa shes rab kyi dbang po dang

mi rtog pa'i don skye bar byed pa'i sems rnams par zhi ba'i dbang po'o

skye mched la gnyis te

gzung ba'i skye mched dang

'dzin pa'i skye mched do

mi rtog thub pas yang gsol pa

kye kye bcom ldan 'das

bzung ba'i skye mched ni gang lags

'dzin pa'i skye mched ni gang lags

'di dag rnams bdag gis ma 'tshal na

bcom ldan 'das kyis bdag la gsung du gsol

de nas ston pas bka' stsal pa

thub pa chen po legs par nyon

gzugs la 'du shes su sems pa dang

sgra la 'du shes su sems pa dang

dri la 'du shes su sems pa dang

ro la 'du shes su sems pa dang

178

chos la 'du shes su sems pa dang

reg la 'du shes sus sems pa dang

mig gis gzung ba'i cha dang

rna bas gzung ba'i cha dang

snas gzung ba'i cha dang

lces gzung ba'i cha dang

yid kyis gzung ba'i cha dang

lus kyis gzung ba'i cha ste bcu gnyis so

'dzin pa'i skye mched bcu gnyis te

ming rnams dang

gzugs dang

kha dog rnams dang

dbyibs rnams dang

tshig ti tshogs 'dzin pa rnams dang

tha snyad kyi tshogs du ma rnams dang

brda'i tshogs rnams dang

rten cing 'brel bar 'byung ba rnams dang

bdag dang bdag ma yin pa rnams dang

thams cad la 'du shes su sems pa dang

nye bar len pa'i rgyu dang

rkyen rnams dang

'byung ba rnams su 'du shes pa'o

yul ni gnyis te

dngos po'i yul dang

stong nyid kyi yul lo

mi rtog thub pas yang gsol pa

kye kye bcom ldan 'das

dngos po'i yul gang lags

stong pa'i yul rnams gang lags

179

bdag la gsung du gsol

de nas bcom ldan 'das kyis gsungs pa

kye mi rtog thub pa yang nyon cig

dngos po'i yul ni 'di dag go

gzugs dang sgra dang dri dang ro dang chos dang reg tu snang ba dang

'byung ba chen po bzhir snang ba dang

'jug pa'i rkyen tha dad du snang ba rnams so

stong pa'i yul ni stong pa nyid thams cad dang

mthar 'dzin pa'i shes pa thams cad dang bral ba'o

yul ma yin pa ni gnyis te

mtha' las 'das pa rnams dang

lta ba las 'das pa'o

mi rtog thub pas yang gsol pa

kye kye bcom ldan 'das mtha' las 'das pa zhes bgyi ba ni gang lags

blta ba las 'das pa'i yul ma yin pa zhes bya ba ni gang lags

bdag la gsung du gsol

de nas yang ston pas bka' stsal pa

kye kye mi rtog thub pa chen po khyod nyon cig

mtha' las 'das pa zhes bya ba ni

dngos po la bdag tu mi 'dzin pa'o

yang gsol ba

dngos po bdag tu mi 'dzin pa de gang lags

bka' stsal pa

180

chos thams cad 'dus ma byas pa'o

yang gsol pa

chos thams cad 'dus ma byas pa zhes bgyi ba de rang gang lags

bka' stsal pa

de ni chos thams cad nyag gcig tu 'du shes par zhes bya'o

yang gsol pa

gcig tu 'du shes pa de gang lags

bka' stsal pa

de ni byung tshor rnams kyi sgo 'gag pa'o

yang gsol pa

byung tshor gyi sgo 'gag pa de gang lags

de ni rang bzhin gyis 'od gsal ba'o

yang gsol pa

rang bzhin gyis 'od gsal ba de gang lags

bka' stsal pa

de ni yul thams cad rnam par dag pa'o

yang gsol pa

yul thams cad rnam par dag pa zhes bgyi ba de gang lags

bka' stsal pa

de ni chos thams cad kyis zad pa'i mtshan nyid shes pa'o

yang gsol pa

kye kye bcom ldan 'das de lta bas na

lta ba las 'das pa de gang lags

bka' stsal pa

lta ba las 'das pa ni brjod du med pa zhes bya'o

yang gsol pa

de nyid gang lags

bka' stsal pa

de ni rkyen thams cad las 'das pa'o

yang gsol pa

rkyen thams cad las grol ba de nyid gang lags

181

bka' stsal pa

de ni mtha' gang du yang mi 'byed pa'o

yang gsol pa

mtha' gang du yang mi 'byed pa de gang lags

bka' stsal pa

de ni rtsis gdab thams cad las 'das pa nyid do

bya byed 'bad rtsol las 'das pa nyid do

phyogs ris thams cad las las 'das te lhun gyis rdzogs pa nyid do

de nas yang mi rtog thub pas 'di skad ces gsol to

kye kye bcom ldan 'das de lta bas na

nyon mongs pa zhes bgyi ba rnams ni gang lags

de dag rnams kyi don ma rtogs pa ni gang lags

log par rtogs pa rnams ni ci ltar lags

phyogs rtogs pa ni gang lags

'di dag rnams ni bdag gis ma 'tshal na

bcom ldan 'das kyis gsung dang

ston pas bka' stsal pa

e ma ho

mi rtog pa'i thub pa chen po khyod nyon cig

nyon mongs pa ni drug ste

ma rig pa zhes bya ba ni

gzhi'i 'khrul rtog gi cha 'dzin pa'o

gti mug ni shes rab kyi cha las 'khrul pa'o

zhe sdang ni bskyed pa'i rim pa'i cha las 'khrul ba'o

182

nga rgyal ni lta ba'i cha las 'khrul pa'o

'dod chags ni snang ba'i cha las 'khrul pa'o

phrag dog ni mi rtog pa'i cha las 'khrul pa'o

de dag la sogs te nyon mongs pa ni

bsam pa 'dzin pa'i sems dang

dran pa rnams 'dzin pa'i yid dang

mtshams sbyor ba'i bag chags dang

the tshom thams cad kyi gzhir gyur ga'i rtog pa dang

yul dang dngos por 'dzin pa'i cha la sogs te dpag tu med do

de rnams kyi don ma rtogs pa ni

so so'i skye bo nas a nu man chad do

log par rtogs pa ni mu stegs can rnams te

mthar 'dzin pa'i lta ba dang

bdag tu 'dzin pa'i thams cad dang

mdor na yid dpyod du 'dzin pa'i lta ba rnams dang

rtag chad du 'dzin pa'i lta ba rnams dang

'du shes can du 'dzin pa'i lta ba la sogs pa rnams so

phyogs rtogs pa ni nyan thos dang rang sangs rgyas la sogs te theg pa rim pa dgu'o

mi rtog thub pas yang gsol pa

183

kye kye rdo rje 'chang chen po

ston pa nyid kyis gong du bstan pa de rnams spang lags sam

sbyang lags sam

sgyur ba lags sam

rang zhir btang ba lags sam

de dag re re la yang gnyen po re res 'dul ba lags sam

rang lugs su 'jog pa lags sam

de nyid rang chos nyid lags sam

de dag rnams rang gis rang grol ba lags sam

'di dag rnams kyi don bdag gis ma 'tshal lags so

ston pa thugs rje chen po nyid kyis gsung bar zhu

de nas rdo rje 'chang gis bka' stsal pa

kye ma nyon cig thub pa chen po khyod

ngas bstan pa yi tshig rnams ni

sems can kun gyi rgyud la gnas

de rnams kyis ni 'khor bar bcings

bde ba chen po nyid bsgribs pas

'di dag rnams ni spang ba min

de bzhin nyid du ma rtogs na

rnal 'byor lus dang grib ma bzhin

de las de nyid rang byung bas

spangs pas spang ba ma yin no

de bzhin sbyangs pas kyang ni min

bsgyur bas kyang ni mi 'gyur ro

184

'gyur med snying po ma rtogs pas

shel gyi brag gam g.yu rdo bzhin

sbyang zhing zhi bar nus pa min

rang bzhin gyis ni gnas dag tu

rnal 'byor ldan pa yis ni brtags

de bzhin zhi ba nyid kyang min

mngon sum lhag mthong ma shes par

ri rab ri yi rgyal po bzhin

sus kyang gzhig nus pa min

gnyen po yis ni grol ba min

ma btsal rang dag ma shes par

rnyog ma sangs 'dod chu rnyog bzhin

phyir phyir sangs pa ma yin no

de nyid rang yang chos nyid min

rang snang lhug pa ma shes par

tha mal blun po'i snang ba bzhin

mngon zhen zlog pa ma yin no

kye ma thub pa yang nyon cig

'di dag blo rim rnam gnyis te

'bad bcas rnams dang 'bad med do

'bad bcas rnams ni rang sar bzhag

snang ba goms pa'i tshad rnams kyis

185

ye shes dag pa'i snang ba nyid

phyi nang kun la rang shar tshe

rkyen des skye ba ma yin no

srid de dag skyes gyur kyang

rang bzhag rang sangs nyid du grol

de phyir rnal 'byor snang ba'o

'bad med rnams ni 'di lta ste

rang gis rang grol rang nyid la

rang gi mar ni rang grol bas

lcags kyi lcags rnams gshog pa dang

rdo yis rdo rnams gcog pa bzhin

rang gi gnyen por rang nyid che

rang bzhin rdzogs chen rtogs pa che

'di ltar goms pa gang yin pas

ma btsal bzhag pas don rnams rnyed

ma bsgoms par ni bde chen rgyas

rang bzhin nyid du mngon sum rig

'di nyid su dang 'phrad pa de

mtshams sdig dang ldan pa yang

'di nyid goms pas grol ba ni

the tshom nyid med na ra kan

de nas yang mi rtog pa'i thub pa chen pos

186

bcom ldan 'das pa rab tu mchod cing bstod nas

'di skad ces gsol to

kye kye bcom ldan rdo rje 'chang chen po lags

de dag ni rang bzhin gyi bar do la nyon mongs pa rnams kyis bsdus pa'i rgyu lags na

de kun 'khor ba'i rgyu 'ba' zhig lags pas rang bzhin gyi bar ma do 'di la

mya ngan las 'das pa'i rgyu gnas pa lags sam

'on te gong du gsungs pa de dag dang rgyu gcig pa lags sam

yang na gtan med pa lags

'di la the tshom mchis na bdag gi the tshom bsal du gsol

zhes zhus so

ston pas bka' stsal pa

kye thub pa chen po khyod nyon cig

rang bzhin gnas pa'i bar do'i sems can lus kyi bsdus pa thams cad la

mya ngan las 'das pa'i rgyu ni dus gsum na bzhugs pa'i sangs rgyas thams cad dang

khyad par med par gnas pa yin no

de yang sku rnams kyi bdag nyid dang

ye shes dang

'od dang

thig le dang

rig pa rang gi ngo bor gnas pa yin no

de nas mi rtog pa'i thub pas yang gsol pa

kye kye bcom ldan rdo rje 'chang chen po lags

187

sku rnams kyi bdag nyid ni gang lags

ye shes ni ci lta bu lags

'od ni gang lags

thig le ni ci lta bu zhig mchis

rig pa zhes bgyi ba ni ci lags

'di kun bdag gis ma 'tshal na

bcom ldan 'das kyis bdag la gsung bar zhu 'tshal

zhes zhus so

de nas yang ston pas bka' stsal pa

kye mi rtog pa'i thub pa chen po khyod nyon cig

sku ni gnyis te

rig pa yul snang gi sku dang

dangs ma rnams 'dus pa'i su'o

yang gsol pa

kye ston pa drug pa rdo rje 'chang chen po lags

rig pa yul snang gi sku gang lags

dangs ma rnams 'dus pa'i sku ci lags

'di dag bdag la bstan du gsol

yang bka' stsal pa

kye thub pa chen po khyod nyon cig

rig pa yul la snang ba'i sku ni

dbang po rnams rnam par dag pa'i sku chen po dang

phung po rnams rnam par dag pa'i sku chen po dang

khams dang

skye mched dang

yul dang

yul can dang nyon mongs pa rnams rnam par dag pa'i sku chen po'o

188

dangs ma 'dus pa'i sku ni 'di lta ste

rang gi mtshan nyid 'dzin pa'i sku dang

ye ci bzhin pa'i sku'o

yang gsol pa

kye bcom ldan 'das rang gi mtshan nyid 'dzin pa'i sku ni gang lags

ye ci bzhin pa'i sku ni ci ltar lags

bdag la gsung du gsol

de nas yang bka' stsal pa

kye thub pa chen po khyod nyon cig

rang gi mtshan nyid 'dzin pa'i sku ni 'di lta ste

rnam par mi 'byed pa'i rol pa chen po'i sku dang

dma pa spyi phud chen po'i sku dang

rigs rjes su 'dzin pa'i sku'o

ye ci bzhin pa'i sku ni 'di lta ste

ye gnas dang po'i sku dang

ye thog ma mi 'gyur ba'i sku dang

'bras bu rang rdzogs pa'i sku'o

yang gsol pa

kye kye bcom ldan 'das

'bras bu rang rdzogs pa'i zhes bgyi ba'i sku ni ci lta bu lags

'di dag rnams phye la gsungs shig

de nas yang bka' stsal pa

kye thub pa chen po nyon cig

189

'bras bu rang rdzogs pa'i sku zhes bya ba ni gsum ste

chos kyi sku spros pa med pa chen po dang

longs spyod rdzogs pa'i sku 'dzin pa med pa chen po dang

sprul pa'i sku bdag med pa chen po'o

yang gsol pa

kye ston pa chen po chos kyi sku spros pa med pa ni gang lags

longs spyod rdzogs pa'i sku ni gang lags

sprul pa'i sku zhes gang lags

bka' stsal pa

kye thub pa chen po nyon cig

chos kyi sku ni gsum ste

mi 'gyur rang dag ngo bo'i sku dang

khyab gdal chen po'i rang bzhin gyi sku dang

kun tu ma 'gags pa thugs rje'i sku'o

longs spyod rdzogs pa'i sku ni gsum ste

sna tshogs rang grol lhun grub kyi sku dang

mtshan nyid 'dzin pa rigs lnga'i sku dang

rang gsal ma 'dres pa yongs su rdzogs pa'i sku'o

sprul pa'i sku ni gsum ste

ma dag pa sprul pa'i sku dang

'gro ba 'dul ba'i sprul pa'i sku dang

rang bzhin sprul pa'i sku'o

ye shes ni gnyis te

190

gzhi gnas kyi ye shes dang

rang gi mtshan nyid 'dzin pa'i ye shes so

yang gsol pa

kye kye bcom ldan 'das gzhi gnas kyi ye shes la du zhig mchis

mtshan nyid 'dzin pa ni du lags

de nas yang bka' stsal pa

thub pa chen po khyod nyon cig

gzhi gnas kyi ye shes ni gsum ste

ngo bo ka dag gi ye shes dang

rang bzhin lhun grub kyi ye shes dang

thugs rje rang snang gi ye shes so

mtshan nyid 'dzin pa'i ye shes ni lnga ste

chos kyi dbyings kyi ye shes dang

me long lta bu'i ye shes dang

mnyam pa nyid kyi ye shes dang

so sor rtog pa'i ye shes dang

bya ba grub pa'i ye shes so

'od ni gnyis te

rang gsal kha dog 'dzin pa'i 'od dang

mi gnas pa'i ye shes rang sar dag pa kha dog las 'das pa'i 'od do

yang gsol pa

rang gsal snang ba kha dog 'dzin pa'i 'od ni gang lags

mi gnas pa'i ye shes rang sar dag pa kha dog las 'das pa'i 'od ni gang lags

bka' stsal pa

rang snang gsal ba'i kha dog 'dzin pa'i 'od lnga ste

191

dkar po dang

ser po dang

dmar po dang

ljang gu dang

mthing ga'o

mi gnas pa'i ye shes rang sar dag pa kha dog las 'das pa'i 'od ni

dri ma med pa'i dkar po rang sar dag ste snang ba gang du yang mi 'byed

ma btsal bzhag pa'i ser po rang sar dag ste yul du mar mi snang

chags pa med pa'i dmar po rang sar dag ste shes pa 'di zhes bya ba ni mi snang

bya btsal bral ba'i ljang gu rang sar dag ste bya byed thams cad las 'das

mi 'gyur yangs pa'i mthing ga rang sar dag ste shes pa ci'i ngo bor yang ma grub par gnas so

thig le ni gsum ste

gzhi 'dzin pa'i thig le dang

snang ba lam gyi thig la dang

'bras bu rang smin pa'i thig le'o

yang gsol pa

gzhi 'dzin pa'i thig le ni gang lags

snang ba lam gyi thig le ni gang lags

'bras bu rang smin pa'i thig le ni gang lags

'di rnams bdag la gsung bar zhu

yang bka' stsal pa

gzhi 'dzin pa'i thig le ni gnyis te

rang bzhin kyi thig le dang

192

kun tu bzang po'i thig le'o

snang ba lam gyi thig le ni gnyis te

kun rdzob rgyu'i thig le dang

gnas pa don dam gyi thig le'o

yang gsol ba

kun rdzob rgyu'i thig le gang lags

gnas pa don dam gyi thig le gang lags

bdag la bstan du gsol

yang bka' stsal pa

kun rdzob rgyu'i thig le ni

lus can kun rtsa'i nang na gnas te

pha'i rgyu dang ma'i rkyen du snang ba'o

de yang 'byung ba'i dangs ma 'dus pa las

ma'i thig le dmar po byung

byang chub kyi sems thams cad kyi snyigs ma 'dus pa las

pha'i thig le dkar po byung ngo

de'i phyir na 'byung ba 'dus pa las gzugs su smin

byang chub kyi sems 'dus pa las dran bsam dang

byung tshor dang

rig pa byung ngo

de yang rdzus skyes dang

sgong skyes dang

drod skyes rnams la yang

'byung ba 'dus pa'i sa bon dang

byang chub sems 'dus pa'i sa bon gnyis rang chas su 'dzom pa las skye ba nyid len pa'o

193

de ltar lus can thams cad la lus sdud par byed pa'i thig le dkar dmar gnyis ni rang chas su gnas pa'o

de yang skye pa rnams kyi 'byung ba'i sa bon ni

'byung ba'i rang rgyas 'thums nas mngon du mi snang

bud med rnams la byang chub kyi sa bon ni gzhi mi 'gyur bas mngon du mi 'byung

de'i phyir du bud med rnams kyis bde ba bsgom du mi rung gis

thig le dang rlung nyid bsgoms kyang mi grol ba'i phyir ro

de ltar sa bon gnyis kyis phung po'i rten byed pas skyes bu rnams kyi tshe'i dus byed pa yang 'di gnyis kyis byed ste

'byung ba rang rang gi dgras ni glo bur du 'du byed do

'byung ba khad kyis stobs zad pa rnams ni

'di gnyis 'phos par byed pa yin no

gnas pa don dam gyi thig le ni gnyis te

rang gnas rgyu'i thig le dang

skyes bu goms pa las byung ba'o

rang gnas rgyu'i thig le ni

194

lus can rnams kyi snying na 'od kyi dangs ma 'dus pa'i thig le tshon sna lnga'i gru gu bsdogs pa lta bu'am

nya'i mig lta bu'am

khra tshad na nyal ba'i mig lta bu'am

mkha' 'gro ma yid 'gyur ma'i bur skabs su rtsa rnams kyi nang nas rgyu zhing gnas so

skyes bu goms pa las byung ba ni

dang po 'od kyi snam bur snang ba dang

gnyis pa 'od kyi brer thag tu gnas pa dang

gsum pa thig le khyud du 'char ro

'bras bu rang smin pa'i thig le ni gsum ste

'od rnams smin pa'i thig le dang

ye shes smin pa'i thig le dang

rig pa smin pa'i thig le'o

yang gsol pa

'od rnams 'dus shing smin pa'i thig le gang lags

ye shes smin pa'i thig le gang lags

rig pa smin pa'i thig le gang lags

bdag la gsung dang

yang bka' stsal pa

kye thub pa chen po khyod nyon cig

'od rnams smin pa'i thig le bsgrengs par gnas

shin tu gsal la ma 'dres 'ja' tshon bzhin

195

'di la goms na snang ba yang mthong ngo

ye shes smin pa'i thig le rtsibs la gnas

kha dog rang gsal nyi ma'i dkyil 'khor 'dra

'di la goms pas 'di la rang snang mthong

rig pa smin pa'i thig le mu khyud bcas

rang gsal zlum po 'di la gang goms pa

dag pa chen po'i snang ba mthong bar 'gyur

de dag rnams kyi thig le'i phyi dbyibs zlum

'di la goms na rnal 'byor 'bras bu thob

rig pa ni gnyis te

gzhi 'dzin pa'i rig pa dang

mtshan nyid 'dzin pa'i rig pa'o

yang gsol ba

gzhi 'dzin pa'i rig pa ni gang lags

mtshan nyid 'dzin pa'i rig pa ni gang lags

bdag la bstan du gsol

bka' stsal ba

gzhi 'dzin pa'i rig pa ni

rdo rje lu gu rgyud du snang ba'i rig pa chen po ste

rgyang zhags chu'i sgron ma las rig pa gcer bur rang thon pa'o

'di ni rnal 'byor pa rnams kyi nyams brtan pa'i ye shes su snang ba'o

mtshan nyid 'dzin pa'i rig pa ni

196

sems can thams cad la rang khyab tu gnas pa'o

de nas yang mi rtog thub pas 'di skad ces zhus so

kye kye bcom ldan 'das don de rnams ni bdag cag gis lam du byed na

thabs gang gi sgo nas byed pa lags

bdag la bstan du gsol

de nas ston pas gsungs pa

de yi don rtogs par byed pa'i thabs ni

rang gi shes rab dang

sbyong ba'i rnam pa rnams dang

sgom pa'i rnam pa rnams dang

lta ba'i rnam pa rnams so

yang gsol ba

ston pa chen po

shes rab ni gang lags

spyod pa ni ci tsam zhig

sgom pa ni gang lta bu

lta ba ni ci lta bu lags

bdag la gsung dang

bka' stsal pa

shes rab ni gsum ste

thos pa'i shes rab kyis phyi yi sgro 'dogs gcod pa dang

bsam pa'i shes rab kyis nang gi sgro 'dogs gcod pa dang

sgom pa'i shes rab kyis gsang ba'i sgro 'dogs gcod pa'o

spyod pa ni gsum ste

'khor 'das ru shan 'byed pa lus ngag gi spyod pa dang

brtul zhugs lam du slong bar byed pa grangs kyi spyod pa dang

snang ba rang sar grol ba rig pa rnal du phebs pa'i spyod pa'o

197

yang gsol pa

brtul zhugs lam du slong bar byed pa dbang po'i bye brag gi grangs kyi spyod pa zhes bgyi ba 'di gang lags

'di bdag la gsung dang

ston pas bka' stsal pa

kye kye thub pa chen po nyon cig

ngas bstan khyod kyis legs par nyon

rnal 'byor don la sus sbyor ba

spyod pa 'di la goms par bya

bung ba lta bu'i spyod pa yis

chos rnams kun gyi ro myang bya

ri dwags lta bu'i spyod pa yis

'khrul pa'i rkyen gyur yul rnams spang

lkugs pa lta bu'i spyod pa yis

'khrul pa'i ngag ni spang bar bya

thi bya lta bu'i spyod pa yis

gsang ba'i sngags kyi the tshom bcad

smyon pa lta bu'i spyod pa yis

gcig tu gnas pa'i yul rnams spang

seng ge lta bu'i spyod pa yis

'jigs pa'i sems spang dur khrod rgyu

khyi phag lta bu'i spyod pa yis

gtsang dang sme ba'i rtog pa spang

dom bu lta bu'i spyod pa yis

dran bsam thog khab nyid du spyod

bu chung lta bu'i spyod pa yis

'khrul pa'i zhen pa rgyud rengs spang

ngang mo lta bu'i spyod pa yis

198

'jig rten mthun pa'i tshig gis drang

glang chen lta bu'i spyod pa yis

'khor ba'i g.yul rnams gting nas bzlog

ri skegs lta bu'i spyod pa yis

bu dang dgra yi 'du shes spang

nya mo lta bu'i spyod pa yis

'dod pas chog shes dus tshod bcad

dre'u mo lta bu'i spyod pa yis

'khor ba'i sa bon spel mi bya

bram ze lta bu'i spyod pa yis

gzhan gyi longs spyod zas rnams spang

dpa' bo lta bu'i spyod pa yis

'khor 'das rnams kyi ru shan dbye

chu mig lta bu'i spyod pa yis

dran pa'i rten nyid rang sar bzhag

nam mkha' mdud skor spyod pa yis

dngos po rnams la zang thal spyod

bar snang rlung 'dra'i spyod pa yis

gzung dang 'dzin pa'i rtog pa spang

bya khyung lta bu'i spyod pa yis

g.yang sa rnams ni rlabs kyis gcad

ri bo lta bu'i spyod pa yis

'gyur med rang dag steng du spyad

theg chen lta bu'i spyod pa yis

snang ba phyir mi ldog par spyad

kye thub pa chen po yang nyon cig

sgom pa ni gsum ste

lha la sogs pa sems kyis bsgom pa dang

199

theg pa chen po'i bsam gtan dang

dus gsum gyi sangs rgyas thams cad kyi dgongs pa nyid yin no

de nas yang gsol pa

kye kye bcom ldan 'das

lha la sogs pa sems kyis bsgom pa ni gang lags

theg pa chen po rnams kyi sems kyi bsam gtan ni gang lags

sangs rgyas rnams kyi dgongs pa ni gang lags

bdag la gsung dang

de nas yang bka' stsal pa

kye kye

thub pa chen po yang nyon cig

yi ge a la sems gtad pas

dngos po'i zhen pa rang sar 'don

bskyed pa'i lha la sems gtad pas

lus kyi dri ma dag par byed

ngag gi rdo rje'i glu yis ni

de yi yid ni tshim par byed

yi ge hum la sems gtad pas

de yi ngag gi dri ma dag

ram la sems ni sus 'dzin pa

de yis dngos po thams cad sbyang

yi ge ha la su gnas pa

gti mug thams cad zad par byed

gang zhig phat la sems gtad pa

de yis lus ngag gnod pa spangs

smin mtshams thig le gang bsgom pa

'dis ni rlung la goms par 'gyur

200

bu ga dgu la sems 'dzin pa

des ni dbang po'i sgo rnams khegs

sna rtser yid ni sus goms pas

'byung ba yas pa rang sar sdud

lus rten rang 'od gang bsgom pa

'dis ni bar do'i sa la goms

nam mkhar sams ni sus 'phang ba

de ni stong pa nyid la goms

gang gis rna bar sems gzung ba

'dis ni sgra rnams ci dgar spyod

gang gis snyin gar sems 'dzin pa

'dis ni bsam pa rang sar dag

stong pa nyid la su gnas pa

'dis ni dngos po'i zhen pa 'gag

stong nyid had por sus bsgom pa

dran pa rnams ni cig char stong

mi rtog sems la gang bsgom pa

'dis ni 'khor ba'i zhen pa bzlog

'byung ba lnga la sems bzung na

des ni lus kyi rtag rnams 'byung

mi rtog ye shes gang bsgom pa

'dis ni mtshan ma'i zhen pa 'gag

gnyis 'jug bde ba sus bsgom pa

'dis ni 'dod yon lam du byed

bar snang lam du sus byed pa

'dis ni sems la dbang yang thob

kye kye thub pa chen po yang nyon cig

201

theg pa chen po'i bsam gtan ni

rang bzhin shugs kyi bsam gtan gyis

ma bcos lus ngag rnal du phebs

dmigs pa rgyud brtan bsam gtan gyis

'phral byung nyon mongs mgo rnams gnon

sa la gnas pa'i bsam gtan gyis

rang rang rgyud kyi 'tsho skyong byed

mi rtog thub pa yang nyon cig

bder gshegs dgongs pa rnam gnyis te

ma bcos bzhag pas byung tshor 'gags

ma bsgoms bltas pas drod tshad rnyed

kye thub pa chen po lta ba ni gnyis te

phyi chos can rnams la bltas pas

yul snang gnyis su med par bstan pa dang

nang chos nyid la bltas pas

rnal 'byor pa rnams kyi sems la rang dbang du 'gyur ba'o

mi rtog thub pas yang gsol pa

kye kye bcom ldan rdo rje 'chang

chos can lta ba ci lta bu

de bzhin chos nyid lta ba gang

'di dag bdag la bstan du gsol

rdo rje 'chang gis bka' stsal pa

mi rtog thub pa yang nyon cig

phyi yi lta ba 'di lta ste

dmigs par snang ba'i yul rnams la

rang bzhin med par gang goms pa

'di ni snang stong gnyis su med

202

tshogs drug ma 'gags lhug pa'o

nang gi lta ba 'di lta ste

dbyings dang rig pa sus mthong ba

'di ni sangs rgyas sa la goms

'di las thabs gzhan gong na med

yid dpyod rnams las khyad par 'phags

mi rtog thub pas yang gsol pa

kye kye bcom ldan rdo rje 'chang

de ltar lta dang sgom pa dang

de bzhin du yang spyod pa yi

don rnams rnam par bsdu ba'am

yang na de rnams 'bras bu gang

bcom ldan 'das kyis bdag la gsungs

de nas ston pas bka' stsal pa

kye ma mi rtog thub pa khyod nyon cig

de dag rnams ni bsdus pa yis

gcig par gnas pa'i thig le mthong

de yang gang dang gang zhe na

bzhag pa rnams kyis rang rgyas thob

dgongs pa rnams kyis dus tshod bstan

zad lugs rnams kyis dag pa bstan

bstan pa'i gdings ni mi ldog tshad

de ltar don rnams bsdus pa'o

de yi 'bras bu 'di dag yin

dbyings kyi sgron ma sus mthong ba

203

chos kyi dbyings la mngon du spyod

thig le'i sgron ma sus mthong ba

rtsol bcas rnams kyis reg nas thob

shes rab sgron ma sus mthong ba

spyi dang rang gi mtshan nyid rtogs

chu yi sgron ma sus mthong ba

dbang po rnams la dbang bsgyur thob

lu gu rgyud la sus goms pa

rig pa rnams ni srang la phebs

de yi 'bras bu sku gsum sa

'di nyid rnams ni rang rig las

rang bzhin gnas pa'i bar ma dor

'di rnams goms pa'i skyes bu ni

'byung ba thams cad rang dengs su

'gyur ba 'di la the tshom med

ngas bstan pa yi chos rnams ni

mdo kun kyang ni 'dir 'dus so

zhes nyi zla kha sbyor gsang ba'i rgyud chen po las

rang bzhin gnas pa'i bar do'i snang ba bstan pa'i le'u ste gnyis pa'o

@3

de nas mi rtog thub pas yang gsol pa

kye kye bcom ldan rdo rje 'chang

204

rang bzhin bar do de ltar na

'chi kha'i bar do ci ltar lags

skyes bu rnams ni 'chi ba'i tshe

'chi ba'i rtags ni ci lta bu

'chi ba las ni bzlog pa yi

thabs ni ci lta bu zhig mchis

skyes bu 'byung ba'i stobs zad nas

gang zhig lam du 'jug pa'i tshe

thabs 'di rnams ni ci ltar 'chang

bdag la gsung dang bcom ldan 'das

de nas ston pas bka' stsal pa

mi rtog ye shes thub pa nyon

khyod kyis zhus pa de legs so

gang zhig lus can skyes bu rnams

tshe ni mi rtag rmi lam 'dra

rmi lam gyis ni grub pa med

tshe 'di mi rtag chu drag 'dra

'bab chu gcig tu bsdad pa med

tshe 'di mi zin rlung dang 'dra

rlung gis skyes bu gzung ba med

tshe 'di yun thung sprul pa 'dra

sprul pa rtag tu gnas pa med

tshe 'di bden med sgyu ma 'dra

sgyu mas bden pa'i sa bzung med

tshe 'di mi sdod mgron po 'dra

mgron po rtag tu bsdad pa med

tshe 'di ma nges char sprin 'dra

sprin gyis dus tshod gzung ba med

205

de ltar skyes bu'i tshe yi tshad

'di ltar gcig tu ma nges te

glo bur ba dang thog babs su

dus tshod 'di 'dra gzung ba med

'on kyang lus kyi 'byung ba dang

'chi bdag gi ni ldang dus kyis

'chi kha'i bar do'i rtags 'di ltar

dben skyes pa'i gnas sam lung stong du

'chi ba'i dus tshod gzung ba des

'di dag rtags ni su la byung

lus can tshe yi 'du byed byed

yan lag sen mo'i bkrag med na

zla ba dgu na gdon mi za

skyes bu'i mig sprin yal ba na

de bzhin zla ba lnga na'o

'chi bdag gshin rje nyid langs na

zhag ni nyi shu gcig nas 'chi

de la cis kyang phan pa med

rkang pa'i long bu phyir thon na

de bzhin zla ba gcig na'o

gal te gzhan gyi lus brtag na

skyes bu nad kyis btab pa'i tshe

so yi rtsa bar dreg pa chags

zhag dgu na ni de yang 'chi

de bzhin sna zhom zhag lnga nas

206

de bzhin du yang 'chi ba'o

yan lag yang yang rkyang skum byed

de ni nyi ma bdun 'das nas

mig ni 'bru tshugs blta ba na

zhag gsum nas ni tro ta'o

ngag gi tshig rnams rab 'khrul na

de ni zla ba phyed na'o

'gram pha yi ni rgyud chad na

de bzhin zhag ni bcu dgu na

skyes bu'i tshe yi 'du byed byed

dbugs ni brtsegs mar yang rgod na

de yang zla pa drug na'o

sna yi ma si ka chad na

zhag bdun na ni 'gum par 'gyur

mig gi ba ra na chad na

zhag lnga dag na de yang 'gum

'gram pa g.yon gyi sha shor na

zhag gcig na ni de yang 'gum

steng 'og so ni 'tham gyur na

zhag gsum gyis ni gdon mi za

lce la nag po'i thig byung na

zhag gnyis kyis ni de yang 'gum

rna ba mgo la 'byar gyur na

de ni de nub nam phyed do

brang gi lhen sna zhom pa na

zla ba phyed na gdon mi za

gnyid log rtsa ni med pa na

de yang zla ba phyed na'o

gal te rang gi don byed na

nam mkha'i khams kyi gzugs brnyan ni

mi rtag gyur te yal ba na

207

zla gsugs med de 'chi ba yin

yan lag bzhi chad zla bzhi'o

de ster mgo chad zla gsum na'o

stod smad bye na zla gnyis na'o

thum por dril na zla gcig na'o

de yi dus tshod shes par bya

gnam sa gnyis kyi 'brel thag ni

gal te chad par gyur pa na

zhag ni bcu dgu las mi thub

ri rab kyi ni logs dag nas

seng ge ?? na

bcu drug zhag gis gdon mi za

gal te ri dang thad mtshams su

dpag bsam ljon shing sked chag na

'di dag kyang ni mkhas pas brtags

rgya mtsho chu yi spris yal na

'di yang rim pa mkhas pas dbye

sa yi grong khyer dag tu ni

dge sbyong du ba nyid chad na

zhag ni dgu nas de bzhin 'gum

ri rab ri yi rtse mo na

mi 'gyur pa yi nyi nub na

zhag ni gsum nas de yang 'chi

chog rnams ni rab spangs nas

rang gi snying po'i don la brtags

ri rab dag gi khong seng nas

mkha' 'gro ma yi sgra chad na

bcu gsum nyid dam lnga na'o

gal te dpag bsam ljon shing las

208

'chi bdag gi ni bdud langs na

zhag bdun gyis ni gdon mi za

de ni phan par mi 'gyur gyis

stong pa nyid la goms pa gces

stong pa gsal ba'i snying po can

gsal ba rig pa'i snying po can

rig pa 'od kyi khang pa can

sgron ma bzhi la goms pa gces

de ltar 'chi ba'i rtags de rnams

lus can rnams la rim pa bzhin

rim gyis de dag lus la 'byung

de dag su la byung ba ni

gdon mi za bar 'chi ba yin

'di ni goms shing blta ba gces

'byung ba'i dus rnams mod la yang

su yis shes pa cho gas bzlog

des na yang ni bltas yang bya

mi rtog thub pa yang nyon cig

de ltar 'chi ba'i rtags byung na

'chi ba bslu ba'i cho ga bshad

skyes bu ldog pa'i las rtsom pas

rang gi bla ma dge 'dun dang

tshogs bsags zhing ni khyad par la

yon dang ston mos mnyes byas la

cho ga 'di dag brtsam par bya

'byung ba'i dgra rnams cha mnyam phyir

ta la dag gi lo ma la

'byung ba lnga yi 'khor lo ni

209

rtsibs bzhi mu khyud bcas pa la

sa chu ke rlung nam mkha' la

'khor lo dag ni lnga byas la

kha dog lnga ni 'byung bsad bye

lte ba rtsibs dang lnga rnams la

rang rang gis ni yi ge lnga

mu khyud a li'i tshogs kyis bskor

de ltar 'khor lo lnga bris te

mchod dang bstod dang sdig pa bshags

so sor ci 'dod gsol ba gdab

lte bar 'byung ba'i lha bsams la

yi ge grangs ni brjod la bstim

de nas kham phor kha sbyor du

'khor lo de kun bcug nas ni

tshon skud lnga yis rgya gram bcings

shing sna dang chu sna dang me sna dang sa sna

rigs mi mthun pa'i kha rlangs la

de kun bsres la ngar zan dang

bsres la gzugs ni khru gang bya

dbang po lnga la yi ge ni

210

rgya shog la bris te khol gtum gzhug

des ni 'byung ba nyams pa gso

gal te gdon gyis bzung ba na

ngar zan skyes bu'i lo song tshad

kha dog nyid ni bsgyur byas la

rang gi dri ma gos dum dang

de bzhin 'byung ba'i rdzad rnams kyang

zan dang bsres nas gzugs su'o

bal tshon dar dang sgro rnams kyis

gzugs de rnams ni brgyan byas la

de rnams dang ni mthun pa yi

gtor ma dag kyang de bzhin no

gzugs de'i tha mar ngar glud ni

rnal 'byor lo grangs tsam gyis bskor

byin gyis brlabs la tshig 'di brjod

khyer cig khyer cig stobs ldan rnams

sred dang chags dang zhen pa rnams

dran dang gzung dang bsam dang reg

glod dang zhi dang grol bar mdzod

tshig ni de kun lan gsum brjod

de nas chu bo'i gzhung la bskyal

'chi ba las ni bzlog pa la

the tshom med do na ra kan

mi rtog thub pas yang gsol ba

kye kye ston pa rdo rje sems

211

'chi bzlog pa de ltar na

skyes bu 'byung ba'i stobs zad nas

gal te 'chi ba nyid kyi tshe

ting nge 'dzin gyi bar do la

ye shes gsal ni ji ltar gdab

chos nyid dag gi bar do la

ye shes ngos ni ji ltar gzung

'chi ga'i snang ba ci lta bu

de tshe thabs ni ci ltar gzung

'di la bdag ni the tshom pas

ston pas don nyid 'di gsungs shig

de nas ston pas bka' stsal pa

mi rtog thub pa yang nyon cig

gal te tshe yi dus zad na

skyes bu shi ba zhes byar 'gyur

gzugs kyi phung po rdos pa can

thog ma 'byung bas bskyed pa'i phyir

tha ma yang ni 'byung bas 'jig

lus kyi 'byung ba lnga rnams ni

nang mi mthun pa'i rkyen gyis ni

tshe yi 'du byed gang byas pa

glo bur rkyen gyis shi ba'o

'byung ba rang la rang thim nas

skyes bu tshe yi dus tshod zad

'chi ba'i dus la bab ces bya

de yang bstan pa 'di ltar yin

skyes bu'i lus la nad btab na

rtags 'di su la byung ba de

shi ba'i dus ni btab pa yin

sa ni sa la thim pa dang

212

de bzhin chu dang me dang rlung

so sor rang la thim pa ni

skyes bu'i lus la 'di ltar ro

sa ni rang la rang thim pas

lus ni lji zhing sa mi theg

langs dang 'gro ba'i stobs kun zad

chu ni chu la thim pa'i tshe

kha chu sna chu 'dzag par byed

de bzhin me la me thim pas

kha sna dag ni rab du bskam

lus kyi mtha' nas drod rnams 'chor

de bzhin rlung la rlung thim pas

dbugs ni ngar ngar yan lag 'phra

mig kyang gyen la log par 'ong

rtags 'di su la byung ba de

'di la mi gnas pha rol du

nges pa du ni 'gro bas na

de tshe bla ma'i gdams ngag rnams

rang gis rgyud la 'dris par bya

don 'di rnams kyis gsal yang gdab

de tshe skyes bu skal ldan de

snang ba nyid ni rang gsal na

mi gnas shis pa rang so zhes

rlung bzhi rim gyis zhi nas kyang

rlung chen dag gis bskyod pa'i tshe

yul dang gnas la 'jug pa dang

sku dang ye shes 'jug lugs bstan

lus gnad dag la 'jug lugs ni

grong 'pho grong 'jug gdams pa ste

rnam shes rlung zhon rlung la sbyang

de yang gong du 'byongs pa gces

213

rig pa sdud dang 'phang ba gces

de yang hig gis 'phang ba'o

de nyid bla ma'i zhal la thug

sku dang ye shes 'jug lugs ni

rig pa 'di ltar gtad par bya

phung po seng ge'i nyal lugs kyis

rig pa nyid ni mig la gtad

yud tsam bar snang lam du bya

dbyings dang rig pa ma 'gyur na

mi de bar do med par ni

sangs rgyas sa la the tshom med

shi ba'i dbugs kyang dal bar 'gyur

gal te dbyings rig mi gsal na

chos nyid bde ba'i bar ma dor

rig pa'i snang ba gzung ba'i phyir

sngar bstan 'od rnams yid la bya

des ni bde ba'i snang ba thob

gal te de dag mi gsal na

rang gi bla ma gnas sa na

gong gi gdams pa gsal yang gdab

bla ma med na rdo rje'i spun

shes pa gsal yang gdab par bya

gal te gzhan gyi don byed na

de nyid thugs rjes gzung ba'i phyir

sgo gsum dag ni sgo sprad de

dbugs ni bstun te rngub dang 'phang

214

yi ge 'bru gsum gzhug pa ni

lus dang dag yid stobs skyed phyir

dbugs dang bcas te mkhas pas bya

de ltar yang dang yang byas na

de yi snang ba 'di lta bu

gal te las kyi stobs rnyed nas

gdams pa dag ni gdab par bya

'on te shes pa gsal gyur na

dgongs pa nyid la mnyam par bzhag

dbang po'i sgo rnams rang grub na

mig gis de nyid blta ru gzhug

mnyam par gnas pa'i sems byung na

mi rtog ldan pa'i ting 'dzin bsgom

phyi yi snang ba 'di lta bu

gal te don ni gyen yal nas

dbugs chen 'byin par byed pa yin

mig ni mi gsal rab rib na

ngan song gnas rnams dag tu skye

lag pa dag ni g.yas g.yo ba na

mi de lha yi gnas na'o

kha na tshig ni 'chol ba na

lha min gnas su de bzhin skyes

rkang pa g.yon pa sa la brdeg

de ni dmyal ba'i gnas su'o

lus kyi mdog ni ser bkrag med

'di ni yi dwags gnas su'o

kha nas sems can skad bzhin 'don

215

de ni byol song gnas su'o

yang na kha lkugs so 'tham na

de bzhin byol song skye nges so

tshig gsal dran pa ma nyams na

de ni mi yi gnas su'o

phyi yi rtags ni de dag dang

nang gi rtags ni 'di dag sbyar

spyi bor drod rnams 'dus pa na

de ni lha yi gnas su'o

de bzhin rkang mthil drod 'dus na

de ni dmyal ba'i gnas su'o

mchan khung g.yas su drod 'dus na

de ni lha min gnas su'o

de bzhin khar ni drod 'dus na

mi de yi dwags gnas su skye

de bzhin mtshan mar drod 'dus na

de ni byol song skye gnas so

mig tu drod rnams 'dus pa na

mi yi gnas su skye ba yin

de ltar rtags dang su ldan na

'di na nges pa kho na'o

de dag rjes su gzung ba'i phyir

gnas ni rim par drang ba'i phyir

yi ge a yi sbyor ba yis

dbugs dang de yi grangs dang sbyar

gal te de bar ma shi na

spyi bor kha gtad dbugs kyis ni

shes pa lus kyi dkyil du yang

216

a ni dmigs te bsdu bar bya

de nyid shi bar gyur pa'i tshe

zag pa bcas pa'i phung po la

bum pa spyi bor bzhag nas ni

yi ge a yi 'bru nyid dang

ye shes chu rgyun gyis sbyangs nas

dmyal ba'i gnas rnams stongs nas ni

de yang rtag tu de bzhin no

yi dwags rtags dang ldan pa la

yi ge bhya yi sbyor ba yis

dbugs dang bcas te grangs ni bdun

lce yi steng du bhya bzhag ste

shes pa'i ngo bo de yis sdud

de bzhin bum pa'i kha yi steng

ye shes chu rgyun gyis bkrus nas

yi dwags gnas rnams stongs nas ni

mi de yang ni de ltar ro

byol song rtags dang su ldan pa

yi ge rgya yi sbyor ba yis

'dis ni gnas rnams sbyang bar bya

dbugs dang bcas te lan grangs dgu

mtshan mar rgya yis btab nas ni

shes pa rnams ni stong pa yis

yang yang rlung dang bcas te 'phang

de bzhin bum pa mtshan ma'i steng

ye shes chu rgyun gyis bkrus nas

byol song gnas rnams stongs nas ni

mi de yang ni de ltar ro

gang zhig lha yi rtags byung na

217

yi ger tam gyi sbyor ba yis

dbugs dang bcas te grangs ni yang

bcu gcig ldan pas shes pa sbyangs

spyi bor yi ge tam bzhag ste

shes pa zag med mig tu drangs

de bzhin bum pa spyi bo'i steng

ye shes chu rgyan gyis sbyangs na

lha yi gnas rnams stongs nas ni

des ni mi yi skye gnas thob

lha min rtags dang su ldan pa

yi ge kam gyi sbyor ba yis

dbugs dang bcas te nyi shu'i grangs

mchan khung nyid ni g.yas su yang

yi ge kem ni mkhas pas bzhag

shes pa mnyam pa chen por spro

de bzhin bum pa mchan khung ste

ye shes chu rgyun gyis bkrus na

lha min gnas rnams stongs nas ni

de yang mi yi skye gnas thob

de ltar rjes su bzung ba yis

rim pas gnas nas 'phos nas ni

rim pas tshe tshad nyung gyur nas

mi yi gnas ni bde ba rnyed

de ltar cho ga ldan pa'i tshe

mi de dbugs dang ma bral na

yi ge dbugs dang bcas pa yis

the tshom med par gnas rnams sbyangs

218

gal te dbugs dang bral ba na

phung po'i gnas su bum pa yi

ye shes chu rgyun gyis sbyangs na

de yang the tshom mi za'o

gal te phung po med pa na

'di nyid shi nas zhag grangs ni

nyi shu rta gcig bar du yang

btun pa'i tshe na cho ga 'bad

dmigs pa'i ting 'dzin ldan pa gces

yang na bdun phrag bdun du bya

de tshe de la lam yang bstan

chos ni sna tshogs bshad par bya

de ltar cho ga su ldan pa

'di nyid la yang the tshom med

nges par 'bras bu thob pa'o

mi rtog thub pa yang nyon cig

de ltar gong du bstan pa rnams

tha mal rnams kyi 'chi lugs te

rnal 'byor pa ni 'di ltar brtags

tha ma'i dbang po tha ma na

srid pa bar dor 'phro mthud de

dper na rkang chag wa bzhin no

de bzhin dbang po 'bring po rnams

ri dwags lta bu'i 'chi lugs ni

rnal 'byor pa yi 'chi lugs so

de bzhin seng ge lta bu dang

gang zhig sprang po lta bu dang

de bzhin bu chung ltar shi ba

rnal 'byor 'bring gi gis yin

219

gang zhig mkha' 'gro'i 'chi lugs dang

de bzhin rig 'dzin 'chi lugs dang

me dpung lta bu rang zad dang

mi snang nam mkha' khu rlangs dang

'di kun 'byung ba rang zad par

mi snang mi len 'di lta bu

rnal 'byor rab kyi spyod lul ta

'di la goms pas rang shugs rnyed

shi khar 'di dag shes pa yis

lus sems 'pho ba'i mtshan nyid shes

'di ltar gnas pa'i rnal 'byor la

'chi ba brtags dang mi brtag med

de bzhin 'jigs pa kun bral te

lus kyi zhen pa'i mtha' dang bral

lta ba nyid dang sgom pas kyang

rnal 'byor ldan la phan gnod bral

phan bral gnod pa'i 'bras med pas

'di la gnas pa'i yul yang med

rgyu dang 'bras bu'i rnam smin bral

de phyir 'di la goms pa mchog

rang shar rang grol skye med klong

dus ma 'gyur bar snang ba 'gyur

lhun grub ka dag klong du thim

re dogs gnyis kyi mtha' dang bral

rgyu 'bras gnyis kyi mtha' zad nas

dbyings rig gnyis med ka dag klong

de phyir 'di dag rtogs pas chog

220

byar med lhun rdzogs chen po'o

zhes nyi zla kha sbyor gsang ba'i rgyud las 'chi ka ma'i bar do bstan pa'i le'u ste gsum pa'o

@4

de nas mi rtog thub pas yang gsol pa

kye ma ston pa rdo rje sems

'chi ka'i bar do de ltar na

chos nyid bar do ci ltar lags

don 'di bdag la bka' stsol cig

de nas bcom ldan 'das kyis mi snang ba rab tu 'byed pa'i ting nge 'dzin las bzhengs nas bka' stsal pa

kye ma mi rtog thub pa chen po nyon cig

de ltar tshe'i 'du byed byas pa thams cad la chos nyid kyi bar ma do zhes bya ba

'di ltar snang ba 'di nub ste

phung po med cing zag bcas bral

snang ba thams cad bde ba'i zhing

rang snang dag pa'i skur snang ste

chos nyid zhing khams snang ba la

rang snang dag pa'i skur snang ste

'di la the tshom sus za ba

rgyal ba rnams kyi sku la bsgrib

ces gsungs so

yang gsol ba

kye bcom ldan 'das de lta bu'i snang ba de rang ci lta bu bdag la gsung dang

yang bka' stsal pa

kye mi rtog thub pa chen po khyod nyon cig

221

rang bzhin dag pa'i snang ba 'di lta ste

skyes bu rnams kyi rnam par shes pa 'od gsal la thim pa zhes bya ste

dbugs phi nang gi 'grul thag chad ma thag tu

rang gi dbang po rnams kyi cha las dngos por snang ba ni med de

yod snyam pa'i shes pa ni 'byung ngo

rdos bcas kyi lus ni mi snang ste

'od kyi lus su snang ba'o

de'i tshe dbang po'i spyod yul du gyur tshad tsam 'od zer lnga'i dkyil 'khor du snang ba'o

de yang snang ba de dag ni phyi nas bltas na nang gsal ba

nang nas bltas na phyi gsal ba

phyi nang med pa kun tu zang thal ba

ltem bzhin pa

mer bzhin pa

mnan na ne ma snyam pa

bteg na 'phar bsnyam pa

shin tu yid 'phrog pa

kha dog gsal ba la

so sor ma 'dres par rang gsal ba

cha mnyam pa la gsal ba'i cha ma 'gags pa

yang dag par bltas na shin tu phra ba dang

'gyu ba dang

'gul ba lta bu dang

'phrigs pa lta bu dang

rab tu 'tsher ba las lhun brjid pa'i

shin tu rgya che la dpag pa'am dmigs su ma tshud pa

'phang mthol rtse mo yangs pa zhes bya ste

222

dkyil 'khor thams cad kyi 'byung gnas su bzhugs pa'o

de yang kha dog ni lnga ste

dkar po rang sa nags la ba la zer 'phro ba dang

de bzhin du ser po rang sa na gsal ba la zer 'phro ba dang

dmar po rang sa nags la ba la zer 'phro ba dang

ljang gu nyid rang sa na gsal ba la zer 'phro ba dang

de bzhin du mthing ga nyid rang sa na gsal ba la zer 'phro ba ste

de dag reg la ma 'byar bar so sor kha dog rang gsal ba dang

shin tu lhun sdug par gnas so

de lan skyes bu'i 'od gsal de zung 'jug la thim pa zhes bya ste

yang snang ba de dag sku'i rnam par rang shar te

sku de dag kyang mi che ba

mi chung ba

cha mnyam pa

rgyan dang

kha dog dang

bzhugs tshul dang

gdan khri dang

phyag rgya dang bcas te

sku de dag kyang lnga lnga'i gzugs kyis khyab pa

lnga tshan re re la 'od kyi mu khyud dang bcas pa

yab kyi cha 'dzin pa'i rigs dang

yum gyi cha 'dzin pa'i rigs dang

sems dpa' dang

sems ma dang

dkyil 'khor thams cad gcig la rdzogs par gnas so

de'i tshe rang gi snying ga nas 'od shin tu phra ba zhig 'char te

de sku thams cad kyi thugs kar 'brel te 'char ro

223

de la rang gis shes pa zin te

mi rtog pa'i bsam gtan la rang bzhin gyis gnas so

de ni rig pa 'od la 'jug pa zhes bya ste

snang ba de kun kyang rab tu 'phrigs par mngon par 'gyur te

snying ga'i zer thag de la yang

thig le phra mo grangs med pa 'char ro

de nas yang rang gi snying ga nas 'od kyi zer thag tshon skud bsgril ba tsam zhig 'char te

de nas sku de thams cad rang gi lus la thim pa snyam byed pa'i snang ba 'char te

de ni 'od rig pa la tshur 'jug pa zhes bya'o

de'i tshe skyes bu rnams kyis yid ches pa ma pang bu 'jug pa lta bu'i thabs mchog tu dran par bya'o

yang rang gi snying ga nas 'od kyi thag pa shin tu phra ba zhig 'char te

de'i steng gi rnam mkha' la gyen du zug par snang ngo

de la rang gi mig gis ma yengs par bltas pas

snang ba de dag ma 'dres par

shin tu rgya che bar 'char te

de yang dang po mthing ga'i snam bu'i steng du thig le zer dang ldan pa me long kha sbub pa tsam shin tu gsal la 'chor ba

de la yang rang bzhin gyi thig le lnga lngas brgyan pa'o

224

yang de'i steng du dkar po'i snam pu'i steng du thig le shin tu gsal ba gong dang 'dra ba 'char ro

ser po'i snam bu'i steng du

yang thig le gong dang 'dra bar 'char ro

de'i steng du yang dmar po'i snam bu'i steng du

thig le gong ma ltar 'char ro

de'i steng du 'ong zlum po shin tu gsal ba zhig gdugs ltar 'char ro

de dag kyang ye shes lnga'i snang ba ste

bya ba grub pa'i ye shes kyi rtsal ma rdzogs pas mi snang ngo

de ni ye shes bzhi sbyor gyi snang ba zhes bya ste

rdo rje sems dpa' khong seng gi lam zhes bya'o

de'i tshe mi 'gyur ba gser gyi thur ma lta bu'i thabs mchog tu dran par bya'o

de nas rang gi shes pa steng gi 'od la thim pas shar lugs brgyad nyams su myong ba'o

de'i tshe gong gi longs sku khro bo'i snang ba rnams kyang mthong bar 'gyur ro

shar lugs brgyad gang zhen

thugs rje ltar shar bas 'khor 'das rgya ma chad

'od ltar shar bas snang ba thams cad nang na gsal

sku ltar shar bas shes pa'i kha phyir ma shor

ye shes ltar shar bas snang ba thams cad zang thal

gnyis med ltar shar bas rang gi shes pa rtse gcig tu gnas

225

mtha' grol ltar shar bas mtha' gang la yang mi gnas

ma dag pa 'khor ba'i sgo ltar shar bas srid pa'i byung khungs ma 'gags

dag pa ye shes kyi sgo ltar shar bas chos nyid ma bu 'brel ba'o

de'i tshe phyir mi ldog pa dpag chen gyi mda' lta bu'i thabs mchog tu dran par bya'o

de ltar shar ba'i tshe rigs kyi bu de la mngon par shes pa drug 'char te

sngon gyi skye gnas shes pa dang

'chi 'pho ba dang

skye ba shes pa dang

pha rol gyi sems shes pa dang

snang ba lkog tu gyur pa thams cad shes pa dang

rigs drug gi gnas mthong zhing shes pa dang

dbang po rnam par dag pa'i mngon par shes pa dang drug 'char ro

de'i tshe rjes su dran pa drug kyang 'char te

lha rjes su dran pas de nyid du yid ma lha'i zhal mthong ba dang

lam rjes su dran pas bar ma do'i chos nyid la dbang bsgyur ba dang

skye gnas rjes su dran pas dbang po tha ma rnams rang bzhin sprul pa sku'i zhing khams su dbugs 'byin pa dang

bsam gtan rjes su dran pas zhag lngar bsam gtan la gnas pa dang

bla ma'i gdams ngag rjes su dran pas rang gi snang ba rnams dang gnyis su med par spyod pa dang

226

blta ba rjes su dran pas sngar 'dris pa'i mi dang phyis phrad pa tsam gyis ngo shes pa'o

de'i tshe mi brjed pa'i gzungs rnams kyang rang gi rgyud la skye ste

sngon gyi chos rnams thams cad la rgyud la dus gcig tu 'char ro

de bzhin du sngar ma mthong ba'i chos rnams kyang 'char bas na chos nyid kyi bar do zhes bya'o

rgyun gyi ting nge 'dzin rgyud la rang bzhin gyis 'char bas rnam par rtog pa ngan pa ci yang mi skye'o

dbang po nyi shu rtsa gcig gi bye brag tu brtan pa thob pa yang yod do

der rang gi shes pa ma tshud cing

sngar bla ma'i lung med pa rnams ni

snang ba de la bred pa dang

sdangs pa dang

sdug pa dang

'jigs pa dang

'du shes shor ba la sogs te

yang 'khor ba'i nye bar len pa'i kha len te

yang dbang po nyi shu rtsa gcig gis bye brag tu 'khrul pa yang yod do

de ltar dbang po gsum ni

rab kyis skad cig ma gsum la grol bar 'gyur ro

'bring gis zhag lnga na brtan pa thob pa yang yod do

skad cig ma nyi shu rtsa gcig na brtan pa thob pa yang yin no

227

tha ma rnams ni rang bzhin sprul pa sku'i zhing khams rnams su dbugs phyung nas

bar do med par sangs rgyas pa yin no

de nas mi rtog thub pas yang 'di skad ces gsol to

kye bcom ldan 'das de dag gi dus dang thabs ji lta bu lags

bdag la bstan du gsol

ston pas bka' stsal pa

kye mi rtog thub pa khyod nyon cig

'di yi dus ni gsum ste

'jug pa'i dus dang

grol ba'i dus dang

mthar phyin pa'i dus so

'jug pa'i dus ni gnyis yin te

rig pa 'od la phar 'jug pa dang

'od rig pa la tshur 'jug pa'o

grol ba ni gsum ste

rig pa nyid rkyen rnams dang bral bas 'byung ba las grol ba dang

rig pa la dri ma med pas nyon mongs pa las grol ba dang

rig pa nyid mtha' gang du yang ma lhungs pas phyi nang gi chos las grol ba'o

mthar phyin pa ni

rig pa nyid chos thams cad kyi snang ba dus gcig la grol bar bstan pa'o

thabs ni gnyis te

sngon rol gyi gdams pa'i gnad dang

'di dus kyi rig pa rno brtul gyi khyad do

mi rtog thub pas yang gsol ba

kye kye bcom ldan rdo rje 'chang

chos nyid bar do de ltar na

228

srid pa'i bar do ji ltar lags

'di dag bdag la legs par gsung

chos nyid gnas pa'i bar ma dor

gang gi shes pa ma tshud na

'khor ba'i lam ni ji lta bu

'di kun bdag la gsung bar zhu

de nas ston pas bka' stsal pa

kye ma mi rtog thub pa nyon

ngas bstan khyod kyis legs par zung

'di nyid lung dang mi ldan pa'i

sems can kun gyi 'jug pa'i sa

srid pa'i bar do zhes bya ba

'khor ba'i gnas kyi lam sgo ni

dper na zo chun bzhin du 'khor

sha khrag rang ga'i lus bral nas

sgyu ma yid kyi gzugs can no

rdos dang bral bas ming gnyis so

snga ma'i shes pa'i snang ba 'gags

phyi ma nyid ni ma byung bar

rigs can gang du ma nges par

gang nub gang snang de skabs na

skad cig gnas pas bar ma do

phyis ni gang skye'i cha byad 'dzin

phyis 'byung cha byad yongs bzung nas

rigs drug so so'i snang char 'gyur

'dod pa khams kyi phyi snod dang

bcud ni rang gis rig cing gsal

rang gar skye ba'i snod bcud kyang

229

de nyid dus na gsal ba'o

'dod ldan snod bcud gsal bar snang

dbang rdzu 'phrul po'i yan lag yongs rdzogs pas

dngos po kun la thogs med cing

ri brag rnams la thogs med 'jug

gzhan las tshe ni zhag bdun 'gyur

zhag ni bdun phrag bdun gyis ni

de yi tshe yi tshad yin no

lha dang mi ni kha dog dkar

lha ma yin dang byol song ser

yi dags 'od ni du ba 'dra

dmyal ba sdong du ma lta bu'am

yang na bal nag g.yengs pa 'dra

byol song yang na khrag brtses 'dra

lha min kha char 'bab pa bzhin

de tshe kha ni 'di lta ste

lha dang mi ni gyen la blta

lha min byol song de bzhin 'phred

yi dwags dmyal ba thur du blta

'di dag dag zod skye ba'i dbang

srid pa'i bar do'i las rnams ni

sog dang mi sog ltas 'di'o

rnam par smin pa'i bag chags med

bang ma'i dbang gis rgyu mthun pa'i

bag chags rnams ni 'dir sog go

de tshe shes pa'i ltas 'di'o

gang zhig las ni dag pa yi

shes pa nyid ni gsal ba yin

de bzhin ma dag pa mi gsal

230

de kun dge sdig las las byung

de nyid ming gi rnam grangs ni

'di dag rnams su rig par bya

ming bzhi 'dus pa'i bdag nyid can

srid pa'i gzugs dang

sgyu lus dri za nye bar 'khor

srid pa'i bar do phung mtshams sbyor

gzugs med dbang po kun ldan pas

thogs pa med par kun la 'jug

de ltar bar ma'i lus kyi tshad

byis pa lo brgyad lon pa'am

lo bcu lon pa'i lus chad du

rmi lam lta bu'i gzugs su gnas

skye bzhi gnas nyid ni rnam bzhi las

brdzus nas ses pa nyid du ste

lha dang dmyal ba bar ma do

'di kun brdzus pa las skye'o

spyod pa nyid ni 'di lta bu

sngar zhen las la spro ba ste

de yi rjes su zhugs nas ni

de spyod yid kyi rjes su 'dzin

de nyid 'od kyi tshad rnams ni

sngar zhen bag chags bag chung ba

'di yi 'od ni dpag tshad phyed

kha dog dkar po lhang lhang po

'di ni lha mi'i skye gnas so

bag chags can la gsal mi snang

gang gi las ni bzang ngan gyis

231

bzang ba dge dang yid 'ong 'phrad

ngan pas sems can bag chags can

yid du mi 'ong mngal du 'jug

phyi ma'i lus dang 'brel bar ni

rang shugs zhe sdang skye ba'i rgyu

de bzhin 'dod chags rkyen gyis ni

phyi ma la ni snang ba'i tshul

khams ni rnam pa gsum dang nas

ming bzhi'i phung po ma 'gags te

phyi ma ma blangs bar ma srid

ming bzhi 'dus pa'i phung po las

sha khrag gzugs ni mi snang bas

gzugs ni med pa'i khams su'o

phyi ma'i lus dang nye ba'i tshe

lha khang ngam ni yang thog gam

khang bu dag ni brtsegs par mthong

mgal me'am ni char pa'am

de bzhin grang ba nam rmugs pa

skye bo 'dus pa'i ca co dang

ngan song rnams ni spyil po'am

phugs rdugs grog po stong par mthong

'di dag mngal du tshud pa'i ltas

'gro bar 'dod kyang rgyas 'thums te

thogs pa nyid dang bcas pa'o

dper na rtswas ni me 'dzin dang

de bzhin 'dam gyis rdzas 'dzin dang

mkha' 'gro 'dod pa'i dbang gis ni

232

sa khung brus pa'i rnyis 'dzin ltar

dbang med chags pa'i rnyis 'dzin no

thub pa nyid kyis yang gsol pa

kye kye ston pa rdo rje sems

'di gdams pa 'di mthong dbang po tha ma la

bar ma do nyid snang 'gyur ram

'on te mi snang ba'am ci

ston pas gsungs pa de snang ste

rang gar 'dzin pa'i bag chags zad

rang bzhin sprul par dbugs phyung ste

bar do med par sangs rgyas rnyed

'di nyid ma mthong sems can ni

de nas mngal gyi sgor tshud nas

pha dang ma yi rgyu rkyen las

mer mer po dang nur nur po

ltar ltar po dang gor gor po

mkhrad 'gyur nyid dang nya lta bu

rus sbal bzhin dang sbal ba bzhin

de bzhin zhag ni bdun phrag bdun

lte ba las ni lus rnams bskyed

zla dgu de bzhin ngo bcu na

lus rdzogs ma yis mngal nas thon

de ltar gzugs rtsod ni tha dad du

233

'khor ba nyid nas 'khor ba'o

mi 'khor ye shes 'di lta ste

nam mkha' lam du su byed pa

'di la rnal 'byor rdzogs pa'o

zhes nyi zla kha sbyor gsang ba chen po'i rgyud las chos nyid kyi bar do dang srid pa'i bar do bstan pa'i le'u ste bzhi pa'o

de nas 'khor de rnams thams cad kyis

skye ba med pa'i chos nyid thob ste

rjes su yi rang ngo

nyi zla kha sbyor gsang ba chen po'i rgyud ces bya ba

skye gnyis dag par byed pa rdzogs so

nyi zla kha sbyor gsang ba'i rgyud chen po la 'grel pa rin chen gser phreng bya ba yod

nyi zla kha sbyor nyid lam bu drub

dge'o

dge'o

dge'o