No ve maravegié, sia chi se vògia

No ve maravegié, sia chi se vògia,
Che non usa una lengua pi pulìa,
Che se Domenedio m'ha dà la mia,
No vògio che una strania me la tògia.

Quel scriver grave xe un mestier da bògia,
Che ogn'un tel vuol tassar de longo via,
Mi così scrivo quel che ho in fantasia,
E con licenza incago a chi me sògia.

Questa è una lengua che è d'ogni savor,
Dove, che se vorò scriver toscan,
Bisogna per il più parlar d'amor.

Mi vuoi piaser, e no stentar da can,
Compono per humor no per honor,
Che no vorrìa partir col mondo in man.