Marco Capitulo 2

 1 Post alcun dies, Jesus entrava de nove in Capharnaum. On sapeva que ille era in casa,

 2 e se reuniva tante gente que ne le spatio ante le porta les poteva continer. Jesus les annunciava le parola.

 3 E quatro homines le portava un paralitico.

 4 E como illes non poteva arrivar apud Jesus per causa del multitude, illes discoperiva le tecto del parte ubi stava Jesus; 
   e post haber facite un apertura, illes faceva descender le lecto supra le qual jaceva le paralytico.

 5 Jesus, al vider lor fide, diceva al paralytico: «Filio, tu peccatos te son perdonate».
 
 6 Stava sedite ibi alcun scribas, qui rationava assi in lor corde:
 
 7 «Perque iste parla in tal maniera? Ille blasphemia! Qui pote perdonar le peccatos, es uno sol, id est: Deo?»
 
 8 Sed Jesus sapeva in su spirito, que illes rationava assi, e diceva: «Perque face vos, istes rationamentos in vostre cordes?
 
 9 Que es plus facile, dicer al paralytico: "Tu peccatos te son perdonate", o dicer le: "Leva te, prende tu lecto e cammina?"

10 Sed, a fin que vos sape que le Filio del Homine ha supra le terra autoritate de perdonar le peccatos,

11 ego te dice, leva te, prende tu lecto, e vade a casa tue».

12 Le paralytico se levava immediatemente, prendeva su lecto e vadeva via in presentia de totos; 
   de modo que totos se meraviliava e glorificava Deo, dicente: «Un cosa assi nos non le habeva jammais vidite».

13 Jesus exiva de nove verso le mar; e tote le gente vadeva a ille, e ille les inseniava.

14 E al passar, Jesus videva Levi, filio de Alphaeus, sedite al banco del impostas, e le diceva: «Seque me». E ille, se levava e le sequeva.

15 Dum Jesus stava a tabula in casa de Levi, multe publicanos e «peccatores» stava anque illes a tabula con ille e su discipulos; 
   pois que multe era illes qui le sequeva.

16 Le scribas qui era inter le phariseos, al vider lo mangiar con le publicanos e con le «peccatores», diceva a su discipulos: 
   «Perque mangia [e bibe] ille con le publicanos e le peccatores?»

17 Jesus al audir isto, diceva: «Qui necessita del medico non es qui es san sed qui es malade. 
   Ego non es venite pro appellar le justes sed le peccatores».

18 Le discipulos de Johannes e le phariseos era solite jejunar. Alicunos  salutava Jesus e le diceva: 
   «Perque le discipulos de Johannes e le discipulos del phariseos jejuna dum tu discipulos non jejuna?»

19 Jesus les diceva: «Pote le amicos del sponso jejunar, dum le sponso sta con illes? 
   Dum con illes sta le sponso, illes non pote jejunar.

20 Sed venira le tempore, quando le sponso les essera levate; e alora, in celle dies, illes jejunara.

21 Nemo sarci un pecia de texito nove supra un veste vetere; 
   alteremente le pecia nove rumpe le veste vetere, e le ruptura pejora.

22 Nemo pone vino nove in urceos vetere; alteremente le vino face deflagrar le urceos, 
   e le vino se perde insimul con le urceos; sed le vino nove on lo mitte in urceos nove».

23 In un die de sabbato Jesus passava per le campos, e su discipulos, dum camminava, recolligeva del  spicas.

24 Le phariseos le diceva: «Perque tu discipulos face lo que non es licite facer de sabbato?»

25 E ille les diceva: «Non ha vos legite lo que faceva David, quando ille habeva fame, ille e qui era insimul a ille?

26 Como ille, al tempore del summe sacerdote Abiathar, entrava in le casa de Deo e mangiava le pan del 
   presentation, que a necun era licite mangiar excepte al sacerdotes, e lo dava anque a qui era con ille?»

27 E les diceva: «Le sabbato esseva facite pro le homine e non le homine pro le sabbato;

28 per tanto le Filio del Homine e senior anque del sabbato».

---

1 2 3 4 5 6 7 8 9 10 11 12 13 14 15 16

---

Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev