Marco Capitulo 1

From Wikisource
Jump to navigation Jump to search
 1 Principio del evangelio de Jesus Christo, Filio de Deo. 

 2 Como es scribite in Isaia le propheta: Ecce que io invia mi messagero ante tu facie, pro preparar 
  le cammino ante te. 

 3 Voce de uno que clama in le deserto: Prepara le cammino del Senior; plana su sentieros. 

 4 Baptisava Johannes in le deserto, e predicava le baptismo de repententia pro le remission del peccatos. 

 5 E accurreva a ille tote le terra de Judea, e le habitantes de Jerusalem; e totos esseva per ille baptisate 
   in le fluvio Jordan, confessante lor peccatos. 

 6 E Johannes esseva vestite con pilos de camelo, e con un cinctura de corio circum  su lumbos; e ille 
   mangiava locustas e melle silvestre. 

 7 E ille predicava, dicente: Post me veni uno qui es plus potente de me; al qual io non es digne 
   de inclinar me pro disnodar le cordones de su calceatura. 

 8 Io vos ha baptisate in aqua, mais illes vos baptisara con le Spirito Sancte. 

 9 E eveniva in celle dies que Jesus veniva ab Nazareth de Galilea e esseva baptisate per Johannes in le Jordan. 

10 E tosto ille exiva foras del aqua, on videva le celos aperir se, e le Spirito descendeva supra ille in 
   forma de columba. 

11 E on audiva un voce ab celos que diceva: Tu es mi amate Filio; in te io me  complace. 

12 E immediatemente le Spirito le impelleva in le deserto; 

13 e ille restava in le deserto quaranta dies, tentate per Satan; e ille esseva inter le bestias selvage;
   e le angelos le serviva. 

14 E post isto Johannes esseva imprisionate, Jesus veniva dunque in Galilea, predicante le evangelo del 
   regno de Deo 

15 E diceva: Le tempore es complite e le regno de Deo es vicin; repenti vos, e crede al evangelo. 

16 E dum ille camminava per le mar de Galilea, ille videva Simon e Andreas, le fratre de Simon, 
   que lanceava le rete in mar, perque illes esseva piscatores. 

17 E Jesus les diceva: Veni a  me, e io facera de vos piscatores de homines. 

18 E tosto illes, lassava le retes, e le sequeva. 

19 E quando ille vadeva plus ultra, videva Jacobo filio de Zebedeo e Johannes su fratre, qui esseva
   etiam in le barca a arrangiar le retes; 

20 e tosto ille les appellava illes, lassava Zebedeo lor patre in le barca con le servientes, e illes
   vadeva con Jesus. 

21 E illes entrava in Capernaum; e in le die de sabbato, Jesus, entrava in le synagoga e inseniava. 

22 E la gente esseva meraviliate de su doctrina, perque ille inseniava como uno que ha autoritate e 
   non como le scribas. 

23 In habeva in celle synagoga un homine con un spirito immunde, e ille critava: 

24 Lassa nos in pace; que habe tu con nos, Jesus de Nazareth? Esque tu veniva pro destruer nos? 
   Io sape qui tu es: le Sancto de Deo! 

25 E Jesus le reprimeva, dicente: Calma te, e exi foras de ille! 

26 E le spirito immunde, le tormentava e clamava con voce forte, e exiva de ille. 

27 E totos se meraviliava e se demandava inter se: Que es iste cosa? Que nove doctrina es iste!
   Ille commanda con autoritate anque al spiritos immunde, e illes le obedi! 

28 E immediatemente su fama  se divulgava per tote le region circumstante le Galilea. 

29 E post haber exite ab le synagoga, illes entrava in casa de Simon e Andreas con Jacobo e Johannes. 

30 E le matre-affin de Simon esseva a lecto malade con febre; e illes parlava de illa con Jesus; 

31 e ille, se approximava,  e la prendeva per mano e la altiava; e immediatemente  le febre la lassava
   e illa les serviva. 

32 E al vespera, post que le sol se poneva, illes le portava tote le malades e le possedites de demones. 

33 E tote le citate se habeva reunite al porta. 

34 E ille curava multes qui suffreva de diverse maladias, e ille expelleva multe demones; e ille non
   permitteva al demones de parlar, pois que illes cognosceva Jesus. 

35 E al matino, quando habeva  ancora multe obscuritate, Jesus, exiva e se retirava in un loco solitari;
   e ibi ille orava. 

36 E Simon e illes qui esseva  con ille, le cercava; 

37 e quando illes le trovava, illes le diceva: Totos te cerca. 

38 E ille les diceva: Vamos a altere citates vicin, a fin que io predica ibi etiam; pois que pro isto
   io ha venite. 

39 E ille vadeva per tote le Galilea, predicante in lor synagogas e expellente le demones. 

40 E un leproso veniva a ille e se prostrante se in geniculo le precava dicente: Si tu vole, tu pote mundar me! 

41 E Jesus, plen de compassion, extendeva su  mano, le toccava e le diceva: Io lo vole; sia tu mundate! 

42 E tosto le lepra dispareva de ille, e illes esseva mundate. 

43 E Jesus, post haber le advertite e admonite le mandava via; 

44 E le diceva: Recorda te de non dicer nil a alicuno; mais vade, monstra te al sacerdote e offere
   pro tu  purification lo que Moses prescribeva; e isto como testimonio ante illes. 

45 Mais iste, tosto se retirava, initiava a proclamar e a divulgar le acto; de modo que Jesus non
   poteva plus entrar apertemente in citate; mais illes restava foras in locos deserte, e de tote 
   le partes le gente accurreva a ille.

1 2 3 4 5 6 7 8 9 10 11 12 13 14 15 16


Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev