Lustrissima!
From Wikisource
| Lustrissima! de Jacopo Vincenzo Foscarini XIX secolo |
| Informassion su la proveniensa del testo |
Varè co' seria, varè co modesta
che xe quela donzela da mario!
Lustrissima la xe; la porta in testa
El zendà de lustrin zolà da drio
E incrosà sul davanti; co la vesta
Da signoria a marizo; e, per piu brio,
Alti i tacheti assae de le scarpete;
E la ventola in man per far baosete.
