La yuna inventero

From Wikisource
Jump to navigation Jump to search
La yuna inventero
by Oskar Wilde

Yen ke yunulo inventis teatreyo-stulego, qua sparis spaco per injenioza aranji. Lore, amiko di lu invitis dinear 20 miliardieri por ke li konocez ilu, e por probar interesar li pri tal inventuro. Dum la dineo, la yunulo sucesis konvinkar la miliardieri, kande lu pruvis ke la sparo, che singla normal teatreyo, esus po 600 stulegi entote. Li omna montris granda entuziasmo e dezirego divenigar ilu miliardiero.

Tamen, desfortunoze, la yunulo duris kalkular la sparo yaral en omna teatreyi dil mondo, en omna kirki dil mondo, en omna parlamenteyi e, tandem, il evaluis mem la efekti etikal e religial asociita kun la inventuro, til ke, pos un horo, il obtenis kom rezultajo ganar multa mili de milioni.

La pria konsequo esis, maxim evidente, ke l’ miliardieri prenis sua portfolii ed abandonis, taceme e senshame, la yuna inventero, qua restis frapita e ruinita dum sua tota cetera vivo.