Jv/Dayaning Sastra

Dayaning Sastra iku sawijining geguritan modhèl sonèt sing tinulis déning Intojo ('Intaya') ing taun 1941.

Tambung kang ginantha lelarikan

tinata binaris kadya bata

sinambung pinétung manut ukuran

déné banjur kasinungan daya.

Kumpulé bata dadi yayasan

awèh nggon apik, brukut, santosa

ngepénakaké wong urip bebrayan

samono dayané bata tinata.

Gegedhongan tembung kang mawa isi

katiyasané ngungkul-ungkuli

wohing laku, pamikir lan pangrasan

para empu, pujangga, sarjana

Simpen, ginebeng ing gugubahan

mawindu-windu dadi turutan.