Inverno da pitochi
From Wikisource
| Inverno da pitochi de Giuseppe Coletti XIX secolo |
| Informassion su la proveniensa del testo |
Bruto inverno, veciezza de l'ano
Amalada, anzi morta stagion,
Se i signori no teme el to dano
E te loda ghe dago razon.
I ga drapi ovatai de ogni sorte
Leto caldo, coverte, piumin
Stue, tapei, dopie lastre, antiporte,
Bona fola, botiglie, bon vin.
Ma el pitoco descalzo, despogio
Senza pan, senza vin, a torzion,
Impetrio da la neve, dal mogio
El pitoco me fa compassion.
