In fatti la lusuria della golla

In fatti la lusuria della golla
Si manda a monte quella del cotal,
Si che, puttana, fa' pur carneval,
Che quanto a mi ti puol sarrar la scuola.

Ti no xe miga un pan, né una bresuola,
Che me tirasse addosso a far del mai.
Che ti habbi mo el cul duro a mo un azzal,
Te vorrìa innanzi un pochettin pi frola.

No usar mo i to termini tegnosi
Per dir de farme pi slargar dai pali,
Che bisogna, alla fè, che ti te tosi.

Anca mi ho drizzà l'arco ai to segnali,
E dove prima gièrimo morosi,
Semo mo addesso deventai rivali.