Fonogafiel

From Wikisource
Jump to navigation Jump to search
<Kosmopolan


At binom dido datuv milagik. Dub at ninpeds pekodöl fa vatalubels tona vedoms pebükaplatöl, e dub föms at vatalubels kanoms pamekön denu, ven vilon, kels kodoms tonis sümöl otes rigädik.


Plesefam at ninpedas de vetalubels tona mebom obis dö mäks bäledik vatalubelas mela pepleseföl in sabaston. Ba otuvon füdo mäkis votik vatalubelas pepleseföl fa nat, kels ofägoms obis lilön bosi dö jenav timagas efegolöl lonedo, dub fonogafiel. Dü binos luvelatik das fonogafiel ovedom vemo gebik tefü vobädams kösomik[1], pagebamom nu, kelos[2] alim sevom, al fablüdön pupis püköl. Ats nedoto podüvoms balüdo as seledots nolavik umo ka as pups cilas.


Nited tefü seledots somik ba oxodeilom, ab cinims at letälenik obliboms pledadins pobleköl suno cilas.


Noloms zelädo das ats odivoms etis plobo, bi ledivoms suvemo pupis de ülmag kösömik vönik e luvoköl.


If söl Edison omekom pupis plo nets valik, onedoms militi valik jipulas de läns valik al lukasagön rimis cilas e.l. al zilins pupas. Kludo otuvom ba das binos pöfüdik mekön pupis müröl pükedis sapiok cilas in Volapük, plo malit valemik.


Petuvos das lusags anik feofik, äs "Kat in Buts" e "Yohan e Bonastag," e.l., in föm pevotöl umo u luumo, sibinoms bevü pops länas vemo mödik, pekulivik u votik.


Ba rims cilas i sibinoms somo pepaköl veitiko e, if atos jenos, rims at okanoms palovepolön in Volapük demü pups plo malit valemik.


If rims somik no okanoms patuvön, fablüdel dalom gebön anis rimas kösömik nelijänik pelovepolöl in Volapük, a.s.


Nidolöd, nidolöd o stel smalik
Dogs padäloms vaulön e beitön



NOETS. (Vükifonät)

  1. Bükapök; pla: kösömik.
  2. Bükapök; pla: kelosi.



Se Kosmopolan 1891, Nüm: 1, Pads: 7-8.