El sofà

Vicin a Nina
Xe tuto incanto,
E par che l'arte
Sia nata là;
Ma quel che bisega
Che m'urla tanto,
Xe el so tempieto,
Xe el so sofà.

Se la vedessi!
L'e un paradiso,
Bisogna amarla
Da desperà;
Gran bele cosse
Che fa quel viso
In quel tempieto,
Su quel sofà!

Se del mistero
Fra l'ombre care
L'Amor da rente
Se gh'à sentà,
Sempre gh'à parso
Star co so mare
In quel tempieto,
Se quel sofà.

In sin che vivo
Mi vogio amarla,
E mi felice
Se me vien dà
De dir sta cossa,
De replicarla
In quel tempieto,
Su quel sofà.

Vu che voressi
Sbregarme via,
Voria mo' veder
Che forza ga
La vostra tanta
Filosofia
In quel tempieto,
Su quel sofà.

Mi za nol nego
Che sta barona
Gabia un matezzo
Che va al de là;
Ma oh Dio! chi è savia?
Disè, che dona?
In un tempieto,
Sora un sofà?