El granzo e la sepa

Ghe gera sucesso a un granzo de trovar
Su la spiagia del mar
Una sepa butada
Da l'onda che la spiagia avea lassada,
E metendo una zata sale drezze
Cussì da granzo senza far carezze,
Sepa, el gà dito, in lengua submarina:
Ti gà le zate che le par puina:
E la sepa, sentindo una durezza,
La xe fata de fero sta to drezza.
El granzo inzatava,
La sepa indrezzava,
Ognuno pensava
Col so natural.
El granzo granzisa,
La sepa sepiza,
El frate fratiza,
La dona doniza,
El zentilomo zentilomeniza,
Lodoli sentenzioso à dito un dì,
No me ricordo più dove, nè a chi.