El dente del giudizio
From Wikisource
| El dente del giudizio de Attilio Sarfatti XIX secolo |
| Informassion su la proveniensa del testo |
Done mie, quel'Oddo[1] amabile
Me ga fato un bel servizio.
Done, el dente del giudizio
Da la boca el m'à cavà.
Figurève che delizia!
Mata ormai xe la mia boca,
Note e dì, toca a chi toca,
Basi a tute la darà.
Bionde e more, grande e picole,
Volé basi a çento a çento?
Vegnì qua, da sto momento
Vôi basarve note e dì.
Boca mata e testa savia,
Basar tute e amar nissuna,
No ghe xe soto la luna
Più feliçe omo de mi.
Note a cura de l'autor
- ↑ Dentista in Roma.
