E mi me ne so' 'ndao
From Wikisource
| E mi me ne so' 'ndao (Peregrinazioni lagunari) de anonimo (canto popolare) |
| Informassion su la proveniensa del testo |
E mi me ne so' 'ndao
donde che feva i goti
siogando la spinéta
ai altri ciochi
Mi g'ho de le fugasse
de quéle de Malghera
ho caminào par tèra
fino a Fusina
Dal trasto a la sentina
co' un batelin da stiopo
andeva de galopo
a la Zuèca
Ho caminào la sèca
tuta la Pescarìa
ho dà la pope indrìo
ai do castèi
Ho visto l'Orto dei Abrei
co' tute le vignolle
da le vignolle indrìo
me so' reduto
Ho caminào par tuto
l'ho trovà un buranèlo
l'aveva un bel sestèlo
a l'ha mostrào
E mi me ne so' 'ndào
donde che feva le scuèle
siogando le spinéta
le done bèle
