[ 20 ]
Os binos pepenöl:
das men ofegolom, äs su tal jad slenik,
äs su sül fog fugöl.
No nolobs, demü kis
äkömobs ini vol, e kikod denuo
osükoms nonöfis?
Äs cil aivimik,
kel blekom, distukom, lejekiko kapom
pledadinis okik:
So obis tölatom
nat lufidöfik; va lifobs ailiko,
obis oditlidom.
Senobs puni omik.
Äso luib slämi, so mojedom obis
spidöl bin tenüpik.
[ 21 ]
E läbädob deno
valüdi et gletik, kel egivom obe
dlimi at vädelo!
Binomös pafamöl
den’ loged et blefik, kel äletom logön
voli aidulöl!…
Tofam dlenas falöl
su ofviudanas, nepalas misalöf,
glifiküno dlemöl;
Lelit zuna sanik,
ko kel lan filedöl obik äbejedom
pleidi lebadik.
Düpi et läbädob,
in kel dubü fied voma e smül cila
leläbik ävedob!
Älifob kanitel,
äsenob lejöni, e gita e guda
äbinob fölölel.
Geiliko flitoms
levips oba, in lad latabs liba godik
peleblimöls binoms!
[ 22 ]
Bin at obi sätom
No dledob logodi deila neledik,
if plo ob okömom.
Ovalädob smülöl
omi, äs dukeli volas klänafulik
in lans nepesevöl.
Noel äbinob, do
plo timil sembal, ga! kelos binos nen fin,
deilos nevelo,
Kis binos geilug.
Ko seif ledanik, olüvob oli, vö!
lejönik valikug!