Disgrazie dei maritati

Se tuto quel che se razira in mente
Un povero regazzo inamorà
Sul fior de la passion fervida, ardente,
El sucedesse co l'è maridà;

Che val a dir (per dirla brevemente)
Gioje, delizie, pase, fedeltà,
Mo alora el maridarse certamente
La sarave una gran felicità!

Ma che? spesso intravien nel matrimonio
Giusto de quel che no se pensa mai;
Disgrazie, malatie, torti, dispeti;

E alora in mezzo a tante beghe e guai,
E la so coa metendoghe el demonio,
L'è un viver da sassini maledeti;

Onde sia benedeti,

Chi no s'intriga, che a la fin dir sento,
Che la muger xe a l'omo un gran tormento.