Dhô'm Gwrêg Gernûak

From Wikisource
Jump to: navigation, search


Dhô'm Gwrêg Gernûak
K. L. J.

Kerra ow Holon! Beniges re vo
Gans bennath Dew an dêdh a'th ros dhemmo,
Dhô whelas gerryow gwan pan dhetha vî,
Tavas dha dassow, ha dhô 'th drovya dî.
En cov an dêdh splan-na es pel passyes ;
War Garrak Loys en Côs, es en dan skês
Askelly Myhal El, o 'gan gwithes ;
En cov lîas dêdh wheg en Kernow da,
Ha nŷ mar younk—na whekkah vel êr-ma
Dhemmo a dhîg genev an gwella tra,
Pan dhetha vî en kerh, en ol bro-na ;
Dheso mî re levar dha davas teg,
Flogh ow empinyon vî, dhô 'm kerra Gwrêg.

GWAS MYHAL.


Scrîfes en agan Chŷ nŷ,
Dawthegves dêdh Mîs Gorefan
En Bledhan agan Arledh, 1904.