Dei omeni ghe xe delicatini

Dei omeni ghe xe delicatini,
Che dise: Mi no so come che fazza
Certi che va da qualche puttanazza
Dove drento ghe va anca i facchini.

Mi digo: Sentì, cari paregini,
Co andè al caffè bevè pur in la tazza
Dove che beve zente d'ogni razza,
E allora no sè tanto stomeghini.

Vu me dirè, che quei della bottega,
Dopo che ga bevù qualche persona,
Quella chicchera sporca i lava e frega.

Xe vero; ma anca quella buzarona,
Dopo chiavada, un bel facciol la spiega,
E la se suga subito la mona.