De Duv

Wo is din Vadershus,
Wo is de Port?
»Buten, dat Dörp to Enn’,
Buten den Ort.«

Wo is din Kamerdær,
Wo is din Stuv?
»Baben na’t Finster rop
Rankt sik en Druv.

Kumm du um Merrennacht,
Kumm du Klock een:
Vader slöppt, Moder slöppt,
Ik slap alleen.

Kumm anne Kækendær,
Kumm anne Klink:
Vader meent, Moder meent,
Dat deit de Wind.« -

Baben nan Finster rop
Rankt sik en Druv:
Achter dat Swölkennest
Bu’t en witte Duv!