Davart igl cuors d'igl muond (Molitor 1656, ediziun Carisch 1852)

Davart igl cuors d'igl muond

Funtauna: Otto Carisch: Grammatische Formenlehre der deutschen und rhätoromanischen Sprache ...; p. 210

Davart igl cuors d'igl muond.

10. Davart igl cuors d'igl muond. (L. Molitor. 1656.)

1. Ah chei pluntare,
Chei gir a fare,
Ah che lugare,
Ei sin quest mund!
Sco' gl mund cuzasse
Adinna stasse
A fin mai vesse
Uss va ei zund.

2. Igl niebel humme
Vult star sisumme,
Sa far grond numme
En minchia faig;
Da baghiare,
Da sa fittare,
Da s'angarschare
Ha'l grond adaig.

3. Chei vult in gire,
Ei ven sagire
Uss pir a pire,
O chei sgrischur!
Mai esser gronde
Less minch' uffonte,
Dad onn en onne
Ven ei pigiur.

---