Dalla mona perchè m'aveu cavà?

Dalla mona perchè m'aveu cavà?
Co savevi, Signor, che ho da morir,
Giera meggio lassarme là dormir
In brazzo a quella gran eternità.

Cosa serviva che vegnisse quà
Quando che za gaveva da finir;
Altro mi no go fatto che soffrir,
E questo è quello che mi go avvanzà;

Siben co penso a torto me lamento,
Chè se de mali el mondo va per sora,
Anca de beni ghe ne xe un spavento;

E po, come podeva in mia bonora
El gran gusto provar dell'andar drento,
Se vu, Signor, no me cavavi fuora?