Dalebüd Vicifala de 1950, Yulul 19, Nüm: 3

From Wikisource
Jump to navigation Jump to search
Ma peneds de söl: ‚Paul Tarolli‛ lü söl: ‚Dr. Arie De Jong‛ dätü 1950 yunul 8 e 18, in dom söla: ‚Jakob Sprenger‛ doküm no pedätöl sököl petuvon:


Erlass für alle Volapükisten der Erde.
Wie ich dies schon meinem Vorgänger im Amte stimacifal vpanefa Prof. Dr. Theol. Dr. phil. Albert Sleumer, Studiendirektor a.D. wohnhaft in Bad Godesberg a. R. (Deutschland) im Sept. 1948 ausdrücklich erklärt habe, soll mein Nachfolger im Cifalamte der Volapükakademie Herr Joh. Schmidt kademan vpa wohnhaft in Weisskirchen am Taunus Bahnhof 20 (Deutschland) werden. Herr Schmidt hat sich nicht nur reiche Verdienste um die Förderung des Volapük in mehr als zwanzigjähriger Tätigkeit erworben, ich selbst habe ihn auch gelegentlich seines mehrwöchigen Aufenthaltes in der Schweiz im Herbst 1949 als einen ebenso getreuen, wie hilfsbereiten und erfahrenen Menschen kennen und schätzen gelernt, dem ich das hohe Amt eines Cifals mit vollem Vertrauen übertragen kann und hiemit übertrage. Möge Gottes Hilfe seine opfervolle Tätigkeit im Interesse unseres geliebten Volapük segnen.


Penäd at ini Volapük petradutöl tonon:


Dalebüd pro Volapükans valik tala.
Soäsä ya estetob atosi kazetiko calabüane obik: Stimacifal Volapükanefa ‚Prof. Dr. theol. Dr. phil. Albert Sleumer‛, studadilekan p. d., lödöle in ‚Bad Godesberg‛ len ‚Rhein‛ (Deutän) ün setul yela: 1948, söl: ‚Joh. Schmidt‛ kadäman Volapüka, lödöl in ‚Weißkirchen am Taunus (Deutän) ‚Bahnhofstrasze‛: 20 obinom fovan oba in cifalam Volapükanefa.
Söl: ‚Schmidt‛ edagetom no te meriti gretik demü föd Volapüka in jäf plu teldegyelik, ab ob it eseivob ed edigädob omi dü steb pluvigik oma in Jveizän ün fluküp yela: 1949 asä meni leigo fiediki, äsä yufiäliki ä plakugiki, kele kanob lovegevön ko konfid fulik cali löpik Cifala, e keli lovegevob ome me at. Yuf Goda benedonös duni sakrifiälik omik demädü Volapük palöföl obas!


Penäd at pedispenon tü 1950 yunul 8 ko töb mödik fa Cifal malädik: ‚Jakob Sprenger‛ in bed omik komü söls: ‚Samuel Fitze‛, ‚Jak. Benz‛ e ‚Paul Tarolli‛, kels as temunans i ekedispenoms penädi at.


Sekü pemäniotölos löpik stetob me dalebüd at


1ido das calajäf obik as Vicifal Volapükanefa efinikon, e
2ido das söl: ‚Johann Schmidt‛, kadäman Volapüka, pemotöl in ,Weißkirchen am Taunus (Deutän)‛ tü 1895 setul 28, e lödöl us, ‚Bahnhofstraße‛: 20 efövom söli: ‚Jakob Sprenger‛ tü 1950 yunul 8


as Cifal Volapükanefa ä Dilekan Volapükakadäma.


So pelonöl tö Den Haag (Nedän)
tü d. 19id yulula yela: 1950.
Vicifal Volapükanefa:
J. G. M. REYNDERS Sr.
Kadämal Vpa.



Se Volapükagased pro Nedänapükans 1950, Nüm: 5, Pads: {{{pads}}}.