Da nissun mi no vogio copiar gnente
From Wikisource
| Da nissun mi no vogio copiar gnente de Jacopo Vincenzo Foscarini XIX secolo |
| Informassion su la proveniensa del testo |
Da nissun mi no vogio coplar gnente,
Che za senza volerlo copiarò,
E de le cosse in rima ve dirò,
In versi, o in prosa, scrite da altra zente.
Tanta roba se stampa al dì corente,
E tante vechie carte visto go,
E lete, e meditae, che mi no so
Se nove idee possa vegnir in mente.
Libri novi se dà, gh'è autori novi,
Ma da novo pensieri no ghe xe,
Se ti, o Giove, dal ciel no ti li piovi;
Dunque, cari letori, perdoné,
Se quando in testa se me rompe i vovi,
De quel gusto dei altri li trovè.
